Hiburu 13:3 - Nyindrou

³ Aha kabudon iri lau ta Kindrei rayah ado bolo asiu lulik. Aha kabudon iri, i buku aha ado bolo asiu lulik hawe iri ale. Aha kabudon iri lau ado ta maha-an solo-an, aha katehei aha i buku aha bwese maha-an hawe iri ale.

Hiburu 13:3 Iomraidhean Croise

Metiu 25:36

Jo kolau bwe, ou atehei kolau ra-ei eme jo taniy, jo ibo sik ou ame tondrokei jo, jo in bolo kou, ou ame anyolom jo.’

Hiburu 10:34

Aha amekes mwasin ili tiri lau ado bolo asiu lulik. Ma iri lau rayah akohok lokowa aha laleyah iu, arile aha babolosen ta aliy bwe, aha sekesek. Aha amekes i buku doh, tasah aha ndratanan lakou taha mwasin udu aliy. Iri lakou doh udu bwele-en labai ja tiri lakou badu munyak, ma iri kameh winiyan bandra-i bwe ta udu le buku doh.

La-ukei ta Pol atorou ili tiri lau badu kon Rom 12:15

Are lau oro sekesek badeh, ou ala hawe oro, ado mari kasekesek; ya are lau oro taya ma tikisiy badeh, ou ala hawe oro taya ma tikisiy hawe oro.

1 Korin 12:26

Buku bada taha sese atona isi, badeh, bwidi bada taha mara-ei isi. Buku bada taha sese sekesek ta akohok nyaran mwasin, idah kameh bada taha mara-ei sekesek labai.

Kolosi 4:18

Jo Pol, jo atorou sahou sekesek dah ewek taha na minek amwenen. Aha kabudon jo, jo udu ndra bolo asiu lulik kahis. Tikisiy ta Kindrei kudu hawe aha.

1 Pita 3:8

Sahou tek anya kano kere dan ai. Arile, aha badeh, ndrokowa aha ma manyah taha kudu mwasin. Aha kaso-ok ndramak ari ja, buku none nadu tinem amwenen. Aha katikisi ndramak ari ja, ma aha karuwani iri kandriyen ta bar ndra-in.

Metiu 25:43

Jo lau badu leheleh ado baluhi jo bawek asiu bwe, jo kolau ta taliye bwe, ado badeu kolau bame tek ta taliye bwe, jo ibo sik ma jo in bolo kou ado bame banyolom jo bwe.’

Aposel 24:23

Eme ma kabin tinan doh tiye ta tinan ta atondrok iri lau ta bahun nane androkei ta Pol i buku doh, “Ou hawe oro lau tam katehei ndrokei ta Pol kamwenen, arile ado sabawei iy mara-ei. Ado karuwani iy kedek, ma oro lau badu hawen kame kanyolom iy ma katiye nan nyamon.”

Epesus 4:1

Jo Pol, jo udu bolo asiu lulik, ta amekes gok ta Laban dah. Eme ma, jo batanau aha boto-on. Bwena mene, iri atiye sahou mwasin ewek taha, ma aha atehei budon handru in ta Jises. Eme ma, aha ka-en hamon ta kandriyen amwenen ta kohan handru.

Aposel 27:3

Na len ari ja badeh, ahi asahan Saidon. Juliyus badeh, amekes kandriyen mwasin labai handru ili ta Pol, eme iy tiye Pol kili loken kanyolom iri kawas tan, ma iri winiyan adeu nan nyamon.

Jenesis 40:23

Arile ndramak ta atiye wa-in badeh balen ndramaniy sahou mene Josep asehek tan.

Hiburu 11:37

Oro rayah ja, iri orowei oro na bek ma oro amak. Iri mwetehei oro rayah, iri aso-ei oro rayah na no-o samen madan. Oro rayah badeh, oro adek ala ame, ari asumwe oro bwe, toro lakou bwe. Oro taliye ku-i sipsip ma ku-i me ndra-in i kalawi oro. Iri lau batondrok oro bala mwasin bwe, iri atehei maha-an ma sisi-in ili le toro.