Aposel 8:7 - Nyindrou

⁷ Ma hawe iri malawin ndra-in badeh, anyar ma ame len ta ndramak, ma hawe lau kati iri imek, ma bada iri imek badeh, mara-ei amwenen ja.

Aposel 8:7 Iomraidhean Croise

Metiu 10:1

Jises luhi oro lau tan ma ronoh la-uh ame hawen, ma iy edeu boto-on ili toro ta atikah malawin ndra-in in la-u lau mwan ma badih iu, ma amekes iri lau tiri sik in bada iri amwenen ja.

Metiu 11:5

Iri lau mada iri bwe, iri atou kon ja, iri kati iri ndra-in iri adek ja, iri lau lepra udu bada iri, iri asahan amwenen, ma iri ndranye iri bwe, iri anuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe.

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Tarou ta Mak 9:26

Ano malawin ndra-in nane anyar ma iy morohani i nah dah i andri ma iy amei, eme ma malawin ndra-in nane udu bwele-en eme len, ya i nah mwan dah sorokok i buku none iy ndramak, eme iri lau solo-an anya ja, “Iy ndramak.”

Tarou ta Luk 10:17

Ano udu badeh, oro lau ma ndro tonoh la-uh (72) nane ame asahan, eme oro sekesek andra-i labai ma oro tiye i ta Jises anya, “Laban, iri malawin ndra-in ale badeh, anuhun boho aso, ya ame len na boto-on ta nyaram.”

Tarou ta Jon 14:12

Jo tiye tado handru, are lau iri atehei budon tiri marakon eme le tek, idah kameh iri amekes iri gok i buku le gok jo amekes. Ehe, ma gok iri amekes idah kameh udu mwasin labai ja ta iri gok jo ndramekes. Tasah, jo kameh ilih hawe tama.

Aposel 5:16

Eme iri lau solo-an badu kon tinan mirihik ta Jerusalem atiye iri lau tiri abo sik ma hawe malawin ndra-in udu la-u iri ame le hawe oro. Eme iri mari badeh, amwenen ja.

Aposel 8:6

Eme na len iri lau anuhun sahou ta Pilip asehek ma anyolom kalem iy amekes badeh, ma iri atehei ndranye iri irih labai ta anuhun sahou iy asehek.

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.