Aposel 8:10 - Nyindrou

¹⁰ Ya eme iri lau mari ma tinan ma bwisik badeh, atehei budon tiri i tan anya, “Iy ndramak dah badeh, iy Kindrei, ma boto-on tan ili labai.”

Aposel 8:10 Iomraidhean Croise

Jona 3:5

Eme badeh iri lau mwan ma badih badu kon Ninibe badeh anuhun sahou ta Kindrei udu boho Jona. Iri ame atehei budon tiri marakon i le ta Kindrei. Iri anya, “Taha kabeles taha ta nyamon. Taha lau bwele-en ma iri lau ado baha taha badeh, kasin awin ta tikisiy, ta leheya tikisiy tataha.” Iri ame bwidiy i buku iri lau tinan tiri tiye.

Aposel 14:11

Eme iri lau anyolom sasah nane Pol amekes badeh, ma iri aloh i boho kon Likoniya anya, “Iri kindrei badeh, ndrasahan ndrame awas hawe taha!”

Aposel 28:6

Iri lau marakon ado atondrok ta minen kase, ano iy kataku ma kimek. Arile, iri atondrok luluwen labai ma iri banyolom ari lakou basahan tan bwe, iri ame tubuni budon tiri ma asehek budon tiri anya, “Iy kede-eh ari kindrei!”

1 Korin 1:24

Arile, taha lau mwan ma badih badeh, badu Juwis ma Grik, Kindrei mene andrei taha ndrala tan. Eme ma taha ndratanan, Krais badeh, iy boto-on ta Kindrei, ma iy ale badeh, tanan mwasin ta Kindrei.

2 Korin 11:19

Eme ma jo kameh amekes. Tasah, tanan taha mwan ma badih badeh, tinan labai. Budon taha ale mwasin mara-ei, eme ma aha aso-ok labai ta anuhun ndramak lolo-ou asehek sahou ewek taha.

Epesus 4:14

Buku taha asahan i buku doh, badeh, taha winiyan bado buku nadu nah bwisik ja, ta budon taha ateu bwe. Ma iri sahou wasai marakon tiri lau ta tamar winiyan batoroyani budon tataha bwe, ma taha winiyan asahan buku ndron udu bolo bayau. Ma idoh ale winiyan baruwi taha buku jor aluhi ndron bwe, ma taha winiyan bateheh laleyah bwe, ma mani budon handru.

2 Pita 2:2

Iri lau solo-an labai kameh a-en hamon ta kandriyen ta karei ma lomondra ndra-in tiri, ma bwidi iri lau rayah ja amekes sahou wasai ili bolo sahou handru.

Rebelesen 13:3

Ma jo anyolom batu nyabwe ndras ari i buku baka ndrana udu aliy bwena, iy mene ndra-in ta adai iy imek, arile ndramon ja. Boho iri mwan ma badih mara-ei badu kon munyak asak ta aliy, ma bwidi iri a-en hamon ta nyabwe ndras nane udu bolo ndras apek eme loken.