Aposel 7:8 - Nyindrou

⁸ Ano, Kindrei amekes sahou randra le ta nyala asan ku-i lau i ta Abraham. Eme Abraham asahan tama Aisik, ma tinen atehei iy eme len ano. Len tan asahan ndru la-uh badeh, taman Abraham sani ku-in. Ano Aisik badeh, atehei Jekop, ya Jekop asahan tama tubu taha oro ma ronoh la-uh.

Aposel 7:8 Iomraidhean Croise

Jenesis 29:31

Na len Laban anyolom Jekop badeh baseken Liya handru bwe, iy mwesekei iy badeh ato-ou nah ja. Arile Rejel badeh iy kis.

Jenesis 35:16

Ano Jekop oro ruwani Betel ma oro au. Eme oro bala mirihik ta Eprat bwe le badeh, Rejel atona iy anya kedeu nadun ma iy akohok andra-i handru ta isi.

Jenesis 35:18

Arile bwe ai, iy anya kimek, eme kohan anya kano le badeh iy tondrohani nyaran Benoni, moson “Naduk ta tikisiy.” Arile udu ja, taman tondrohani nyaran ja Benjamin, moson “Naduk ta anyo-ou jo.”

Metiu 1:2

Udu bada Abraham eme isos bada kabin Debit, kane tubun oro mari ndratorowenei: Abraham atehei Aisik, Aisik atehei Jekop, Jekop atehei Juda hawe nadu tinen oro mari.

Tarou ta Jon 7:22

Moses mene tiye i taha ta sani ku-i nadu aha iri. (Kandriyen doh basahan ta Moses bwe. Kandriyen doh udu ndra bada tubu aha iri.) Arile aha asan ku-i nadu aha iri udu bolo len ta amunyau.

Aposel 2:29

“Ado nadu tine, jo katiye tado kamwenen. Tubu taha Debit mene imek ma ahi iy. Ya lek tan asah udu hawe to kahis le eme taku dah.

La-ukei ta Pol atorou ili tiri lau badu kon Rom 4:10

Kindrei aloh iy mwasin ta madan udu mwena ta kandriyen ta asan ku-i taha deh, bwe em, kandriyen ta asan ku-i taha asahan mwena? Bwe, Kindrei aloh iy ndramak mwasin ta madan mwena, ano kandriyen doh udu hamon.

Galesiya 3:15

Aha nadu tine mwan ma badih, jo kameh asehek i buku none lakou taha anyolom na len mari kede-eh: Buku none ndramak la-uh amekes tandrakan ta amekes sahou randra le ta ari lakou, badeh sahou randra le doh abadok. Ari ndramak winiyan batubuniy bwe, ma winiyan badeu ari budon bala ta aliy bwe.

Galesiya 3:17

Moson jo tiye badeh, i buku doh: Ma mwena mene Kindrei amekes sahou randra le, ma iy tandrakan ta iy winiyan bamaniy bwe. Ano udu hamon ta jaha ma hanek tonoh (430) iu, ma batanau malen tiri Juwis barasahan. Eme ma, batanau malen doh, winiyan batokosei sahou randra le bwe, ma winiyan basokosowei tandrakan ta Kindrei amekes i ta Abraham bwena, bwe.

Hiburu 7:4

Taha kanyolom Melkisedek se, nyaran kabin labai. Nyaran ja udu bwele-en ta tubu taha Abraham. Tasah, tubu taha Abraham ndrapwai iri lakou tan ta bahun i ronoh, ronoh, ano iy edeu ari, ari badu bolo ronoh doh ndrala ta Melkisedek.