Aposel 6:4 - Nyindrou

⁴ Ya aso badeh, budon taso ki le ta salom ma katiye sahou ta Kindrei.”

Aposel 6:4 Iomraidhean Croise

Tarou ta Luk 1:23

Lahou tan ta amekes ano, iy iu i asiu tan.

Aposel 1:14

Oro mari atukum ame se ya oro atehei budon toro i randra le i ta salom. Ma hawe oro badih rayah hawe Mariya tine Jises hawe nadu tine Jises ale udu hawe oro.

Aposel 2:42

Eme iri badeh, aso-ok labai ta a-en hamon ta leheya toro aposel ma atukum ta atudun hawe abo-os jabi ramen ma asolom.

La-ukei ta Pol atorou ili tiri lau badu kon Rom 1:9

Aha ndranyolom ai, sahou mene jo asehek i taha badeh, handru, ya Kindrei badeh, tanan. Kindrei le doh badeh, jo atehei ndrinek mari i tan, ma atudun iy, ma jo edek ta atiye sahou mwasin ta nyala nadun. Ma Kindrei tanan, jo badeh, balek bamani aha bwe na len mari

1 Korin 9:16

Jo winiya batudun nyarak bwe, buku jo asehek anya, jo amekes kandriyen mwasin labai. Ta atiye sahou badeh, gok ta Kindrei edeu eme tek ta jo kamekes. Jo saruwani gok nane doh. Buku jo batiye iri sahou tan doh bwe eh, maha-an tinan kameh eme bwele-ek, ma manyah tek winiya bado mwasin bwe.

Pilipai 1:4

Ma udu bolo salom tek ale badeh, jo sekesek ewek tado mari,

Kolosi 2:1

Jo Pol, jo aso-ok aha katanan lakou dah: Jo badeh, ibo gok boto-on labai ta aseben aha mwan ma badih badu Kolosi, ma iri mwan ma badih badu Leyodisiya, hawe iri mwan ma badih rayah ale banyolom madak bwe le.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

Kolosi 4:17

Ma aha katiye ta Akipus buku doh: “Ou atondrok gok dah, ou mene akohok badu mine Laban, ma ou amekes gok dah kamwenen.”

2 Timoti 4:2

Ou atiye sahou ta Kindrei. Ya, ou abudon ta lakou doh kameh asahan, ma ou atiye sahou ta Kindrei kili. Buku iri lau alokou iri ta anuhun sahou, o, iri balokou iri bwe, ndri-iy ai. Len marakon ou abadok ta atiye sahou tan kili. Sahou tam badeh, korou ndrine iri ta asor iri ta tobolowe ndrine iri, ma karuwe kandriyen ndra-in. Ou suruni ndrine iri ta a-en hamon ta kandriyen ta Kindrei. Ou leheya iri ki buku doh, arile ou winiyan bandra-i hawe iri bwe. Ou abo gok le, ta leheya iri.