Aposel 6:1 - Nyindrou

¹ Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Aposel 6:1 Iomraidhean Croise

Metiu 23:13

Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.

Aposel 11:20

Arile, oro lau rayah badeh, badu Sairini hawe badu Saipres ala Antiyok atiye sahou i tiri lau badu Grik ale ta nyala sahou mwasin nyala Laban Jises Krais.

Aposel 11:26

Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Aposel 11:29

Eme oro lau ta a-en hamon ta Jises tiye anya, idah kameh, oro ari ari kameh abudon ta oro winiyan adeu lakou ili ta aseben nadu tine oro rayah nane ado Judiya. Oro lau lakou toro solo-an badeh, adeu lakou solo-an ta aseben.

Aposel 2:41

Eme iri lau solo-an badeh, atehei budon tiri handru i ta sahou tan ma anyuwi oro. Ya kane iri lau mari nane doh, i buku none tuluwi (3,000) i bwele-e iri lau rayah na len doh.

Aposel 2:45

Eme iri adeu lakou tiri hawe adeu nyamon tiri i ta sisih ma hawe anyohan iri lau lakou bwe.

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 4:35

Ya luk ta lakou nane oro asih doh badeh, oro atiye ili hawe oro aposel. Ano oro apou i toro lau heh nane, lakou bwe.

Aposel 4:4

Arile, iri lau solo-an anuhun sahou turu ma iri atehei budon tiri handru i ta aliy. Ya, eme sebenei iri ma kane iri badeh, i sola asahan lamawa (5,000).

Aposel 5:14

Arile, bwai, iri lau solo-an labai badeh, atehei budon tiri handru ili le ta Laban, ma andromwei iri hawe iri lau tan nane.

Aposel 5:28

“Aso tiye sahou boto-on boto-on ndrawek tado, ta ado saleheya boto-on ta nyara ndramak badeh, ja ai, ndri-iy labai. Arile, ado badeh, ndramesekei bolo kon Jerusalem na leheya tado, ma ado anya kamekes aso kabwese maha-an ta ndraye ndramak badeh.”

Aposel 6:2

Eme oro aposel ma ronoh la-uh ame luhi iri lau ta Kindrei ame, ma tiye i toro i buku doh, “Aha kanuhun, gok ta apou nyamon ma luk ili tiri mwan ma badih badeh, sokei gok taso, ma idoh badeh, bamwenen bwe. Gok taso handru badeh, ta atiye sahou ta Kindrei le kabwe.

Aposel 6:7

Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.

Aposel 9:29

Iy asehek sahou ma hawe andres oro lau badu Juwis nane asehek boho Grik, arile oro anya kadai iy kimek.

Aposel 9:39

Eme Pita i hawe uru, ya oro ame asos le badeh, oro kuhi iy iu ili bolo asiu loken. Ya iri badih nyau mari awudi iy, ya iri aden, ma leheya i tan iri awin lawe-en hawe awin rayah ja Dokas amekes, na len i bamak bwe le.

Aposel 9:41

Eme ya Pita tawi minen ma suri iy ales na katin ere loken. Ano, iy aloh i toro lau ta budon handru hawe iri badih nyau ame, ma iy atehei iy i hawe iri, ya kohan ndrame hamon ja.

La-ukei ta Pol atorou ili tiri lau badu kon Rom 12:7

Ya, i buku none iy tan ta anyo-ou iri lau ta Kindrei badeh, iy kanyo-ou oro kudu mwasin; ya, i buku none iy tan tanan ta leheya bolo budon ta sahou ta Kindrei badeh, iy kaleheya iri lau kudu mwasin.

1 Korin 10:10

Ma aha sanunu-uh Kindrei, sala buku iri rayah bwena mene amekes, eme ma angelo ta adai lau amak eme idi iri amak.

2 Korin 11:22

Iri anya iri Juwis? Jo ale jo Juwis! Iri anya iri lau badu Isra-el? Jo ale, jo badu Isra-el! Iri anya tubu iri Abraham? Jo ale i buku aliy!

Pilipai 3:5

Jo badeh, tubu badu Isra-el, badu boho kamen ta Benjamin, eme jo badeh, ndraye lau badu Hiburu amwenen; ma jo badeh, Parasi ari ai, jo in hamon ta kandriyen malen mari. Eme ya ben tek asahan ndru la-uh le mene, asan ku-ik ale.

1 Timoti 5:3

Ou amekes kandriyen mwasin kili tiri badih nyau handru.

1 Timoti 5:9

Ado satorou nyara iri badih nyau ala jaha tiri udu baha ndro hanoh (60) badeh, sala hawe nyara iri badih nyau ala jaha tiri udu bada ndro hanoh (60) i loke. Tasah, iri badih nyau jaha tiri udu bada ndro hanoh (60) i loke badeh, badu hawe iri lau ta Kindrei labai, ya iri lau ta Kindrei atondrok iri labai. Ya iri badih nyau doh mene are ta mwan ari le.

Hiburu 13:1

Taha samani kandriyen ta aso-ok nadu tine taha iri rayah ja i san ta nyara Jises.

Jemis 1:27

Tasah, kandriyen ta lau ta Kindrei badeh, amwenen mara-ei, ma ari lomondra ndra-in bado budon ta tama taha Kindrei bwe, i buku doh: Taha badeh, kabudon ma katondrok iri nah, tama iri ma tine iri ndramak, ma hawe iri badih, udu iri ndramak, ma kaseben iri ta bwese maha-an tiri. Ya, lakou ari ale i buku doh, taha badeh, kantondrok tekedek tataha kamwenen, idah kameh kandriyen badu kon munyak winiyan baruwi taha bala bolo ndraka-an bwe.

Jemis 4:5

Buk ndrabun ndratiye, i buku doh, “Malawin mwasin nane Kindrei atehei udu bolo taha, len mari iy aso-ok taha ka-en bahandran amwenen.” Aha anya, sahou dah, sahou laleyah nadeh?

Jemis 5:9

Aha nadu tine mwan ma badih ta Kindrei, aha sanunu-uh ma satebelese hawe nadu tine aha iri rayah ja. Kindrei kameh asahan buku ndramak ta anuhun sahou, ma iy kameh atehei aha ala ta mada sahou. Tasah, iy badeh, ales udu le madasan taha!