Aposel 5:5 - Nyindrou

⁵ Eme Ananayas anuhun le badeh, iy taku i andri ma imek. Eme iri lau anuhun badeh, iri anoh andra-i labai.

Aposel 5:5 Iomraidhean Croise

Aposel 13:11

Na le dah kameh, boto-on ta Laban kameh edeu maha-an ewek la-um, ya idah kameh, ou winiyan banyolom kon bwe, winiya le len ta aliy barasahan.” Eme na le liliy badeh, Elimas atona lakou bokodon eme tubuluhi madan ilik, ma iy sokorokar lau ta sariye iy na lim.

Aposel 2:43

Iri mwan ma badih badeh, anyolom kalem hawe lahou tinan solo-an labai Kindrei amekes udu mine iri aposel, eme boho iri asak ta lahou iri aposel amekes, ma iri anoh.

Aposel 5:13

Ya eme iri lau rayah badeh, bala bolo oro lau ta Jises bwe. Iri lau badeh, masiye oro, arile iri anoh ta atukum hawe oro.

1 Korin 4:21

Aha aso-ok jo kamekes saba lakou handru buku jo kasahan hawe aha? Aha aso-ok jo kasehek sahou boto-on kewek taha, ma ka-um aha nadeh? O, aha aso-ok jo kewek ma tikisiy tek ta asehek kandriyen mwasin kamunum kewek taha le ai.

2 Korin 13:10

Katin ta jo udu ndra len atorou la-ukei ewek taha dah, i buku doh: Jo aso-ok aha kasehek nyala manyah taha op. Buku jo ewek asahan hawe aha, jo bwalek ta tone boto-on ta gok nane Laban edeu eme tek, bwe. Iy atehei eme tek dah, ta atadau aha; ta amekes aha andra-i bwe.

2 Korin 13:2

Iri mwan ma badih amekes kandriyen ndra-in bwena, ma aha mwan ma badih rayah ale, aha ndranuhun batanau tek udu bolo len mene jo udu hawe aha. Jo asehek taha ta kandriyen jo anya kamekes, ma nadah badeh, jo udu len labai taha. Arile, jo anya kasehek taha ja: Buku jo ewek atou aha ja, jo winiya balelek iri mwan ma badih nane amekes kandriyen ndra-in ja bwai. Jo kameh ikoh udu bwele-e iri le kabwe.

2 Korin 7:11

Aha kanyolom saba lakou handru Kindrei amekes ta maha-an taha! Iy leheyani kandriyen mwasin ewek taha. Ma iy andrekei aha suwi, suwi, ma aha abo gok boto-on handru ta amekes mondrei ta sahou doh, ma leheya ahi buku, aha ari kandriyen ndra-in ja bwe. Eme ma, aha ato-ou ala ma tebelese hawe iy ndramak nane amekes ndra-in. Aha abwerei labai, kora-on maha-an kasahan ja. Ndrine aha badeh, eden labai ta anyolom ahi, ma aha abudon boto-on labai ta aseben iy ndramak nane amekes ndra-in ewek taha akohok budon mwasin ja. Kandriyen taha leheya ahi buku, nyala aha i le randra, eme ma, iri lau winiyan bato-en aha ta ari lakou bwe.

Rebelesen 11:13

Se nawin bwe ja, na le liliy, ndroi laba tinan mara-ei labai asahan, ma kon tinan ranah ma buruwen atohou iu. Idoh i buku apou kon tinan doh i ronoh, ya ranah ma buruwen atohou iu, ma iri lau ma ndru tuluwi (7,000) amak. Eme ma iri lau mwan ma badih nane arah ado badeh, anyolom ma bwidi iri anoh mara-ei, ma iri nyowonya iri kandriyen ndra-in tiri, ma tubuni ndrine iri, eme ma iri atudun nyara Kindrei, iy udu kandrah.

Rebelesen 11:5

Buku iy are lau anya kanone ta idi uru badeh, jih kameh udu boho uru eme len, ma sulumwi are lau nane anya kamekes bahun kili turu. Ya, idoh handru, buku are lau anya kamekes ndra-in kili turu badeh, ta kandriyen doh le kameh iri amak le kabwe.