Aposel 4:2 - Nyindrou

² Ya ndrine iri badeh, ibolosen i toro aposel. Tasah, oro badeh, leheya iri lau ta nyala Jises Krais ndramak ndrame awas ja ta imek tan, eme ma iri lau mari ale kameh winiyan amak ame awas ja ta imek tiri.

Aposel 4:2 Iomraidhean Croise

Aposel 13:45

Eme iri Juwis anyolom iri lau solo-an labai ame badeh, ma mada iri alikis ma bwidi iri asehek sahou ndra-in labai i bada sahou ta Pol nane asehek.

Aposel 17:18

Eme oro lau rayah aloh oro Epikuriya ma hawe oro lau aloh oro Stowik ame andres hawe Pol. Oro rayah asehek anya, “Iy ndramak doh ta amou gwa laleyah, anya kasehek nyala sasah kede-eh?” Ya oro rayah anya, “Iy kede-eh asehek nyala iri kindrei rayah badu leheleh nadeh?” Oro asehek i buku doh, tasah Pol nane asehek sahou mwasin ta nyala Jises ndramak ta amak ta imek eme loken.

Aposel 19:23

Na len doh badeh, tine losen asahan i bada San ta Laban.

Aposel 24:21

Sebwe iri badeh, abolosen ta nadu lakou ari le, mene jo amekes. Jo ales ere bolo iri kansol tinan tiri marakon doh, ma jo asehek, ‘Jo atehei budon tek mara-ei in ta Kindrei, iy kameh mete-ei iri lau marakon are bolo lek tiri amak ame awas ja.’ Eme ta katin doh le, iri atehei jo ili ta mada sahou.” Ma Pol ano ta asehek sahou tan marakon.

Aposel 26:23

Iri asehek i buku doh, ‘Mesaya, iy ndramak nane Kindrei tiye iy eme ta akohok iri lau tan, iy kameh akohok sisi-in ma iy imek, eme ma iy le ari doh kameh ili bwena labai ta amak ere bolo lek tan eme awas ja. Ma iy kameh atiye sahou ta nyala sun ta Kindrei ili tiri Isra-el, ma ili tiri leheleh ale.’ ”

Aposel 26:8

Buku sah handru, aha rayah abudon buku, taha satehei budon tataha sala ta Kindrei, ta iy kameh mete-ei iri lau ndramak, kameh amak ame awas ja?

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Aposel 5:17

Ano, tinan tiri pris hawe oro lau badu hawen, oro badu hawe oro Sadusi, mada oro alikis oro aposel, tasah iri mwan ma badih mara-ei badeh, sekesek labai ta gok toro aposel.

La-ukei ta Pol atorou ili tiri lau badu kon Rom 8:11

Ya, ki buku none Malawin Ndrabun ta Kindrei mene mete-ei Jises ta imek tan amak eme loken, kamanyah kudu bolo aha, iy winiyan mete-ei aha amak ame loken i le buku Krais mene, iy mete-ei iy eme loken. Ma iy kameh aluhi kohan handru kameh i bada aha i san ta Malawin Ndrabun udu bolo aha.

1 Korin 15:23

Arile, taha marakon ado bolo lek tataha kameh amak ame awas ja, na bolo len tataha amwenen. Ma bwena handru badeh, Krais amak eme awas ja. Ano, udu ta len iy anya keme hamon ja, taha lau tan marakon, kameh amak ame awas ja.