Aposel 4:1 - Nyindrou

¹ Pita uru Jon asehek sahou i tiri lau kahis le badeh, iri pris hawe tinan ta ndrokei ta asiu tinan ta Kindrei hawe iri Sadusi badeh, ame hawe uru.

Aposel 4:1 Iomraidhean Croise

Metiu 16:12

Oro anuhun sahou doh, ma oro atana oro buku iy basehek ta mada oro kaleu ta yis ta amekes jabi ramen, bwe. Arile, iy anya mada oro kaleu ta sahou toro Parasi hawe Sadusi oro leheya iri lau na aliy.

Metiu 22:16

Iri suni oro ra-on tiri hawe oro lau ra-on ta Herot, ala atou Jises, ma oro tiye tan i buku doh, “Ndramak ta leheya, aso tanan, ou lau ta asehek sahou handru. Ya, na sahou handru ou ale leheya iri lau mwan ma badih ta kandriyen ta Kindrei. Ou banoh ta ari ndramak bwe. Ya, ou asehek sahou ari le ili tiri lau mari, buku ndramak nyaran tinan, deh, ndramak iy nyaran bwe.

Metiu 27:20

Eme iri tinan tiri pris ma oro lau tinan tiri lau sosokok iri lau solo-an dah anya, “Aha kaloh, ‘Ahi aso-ok Barabas keme mine ahi, ya ou adai Jises kimek.’ ”

Metiu 27:41

Oro tinan tiri pris ma iri lau ta leheya kandriyen tiri Juwis ma tinan tiri lau bobose Jises buku aliy ale.

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Tarou ta Luk 20:1

Ano na len ari, Jises leheya iri lau ta bolo sahou mwasin udu bolo asiu tinan ta Kindrei. Eme iri lau tinan tiri pris, hawe iri lau ta leheya kandriyen tiri Juwis, ma hawe iri lau ta batun tiri lau badu Isra-el ame hawen.

Tarou ta Luk 22:4

Eme iy ili edeu sa-oh i tiri lau tinan tiri pris, ma hawe iri lau tinan ta ndrokei ta atondrok asiu tinan ta Kindrei, ma oro asehek nyala aliy; ta Judas kameh edeu Jises ki mine oro ki buku sah handru.

Tarou ta Jon 15:20

“Aha samani iri sahou mene jo ndrasehek ndrawek taha: ‘Iri lau bonyo-ou winiya basakalawi kabin tiri bwe.’ I buku iri lau adai jo, iri kameh adai aha ale; buku iri an hamon tiri leheya tek, iri kameh an hamon ta leheya taha ale.

Tarou ta Jon 18:3

Iri tinan tiri pris ma iri Parasi tiye i tiri lau ta bahun badu kon Rom, ma iri lau ta atondrok asiu tinan ta Kindrei ka-en hamon ta Judas. Judas tanan kon doh, eme ma iy in bwena tiri. Iri telemei sun hawe iri lakou ta bahun, iri ala asahan bolo bilin ta Olip nane doh.

Aposel 4:6

Iri lau rayah ta lundriye iri pris badeh, are aliy. Ya Anas tinan tiri pris hawe Kayapas oro lau tan. Jon hawe Aleksandra badeh, ado aliy ale.

Aposel 5:17

Ano, tinan tiri pris hawe oro lau badu hawen, oro badu hawe oro Sadusi, mada oro alikis oro aposel, tasah iri mwan ma badih mara-ei badeh, sekesek labai ta gok toro aposel.

Aposel 5:24

Eme oro anuhun sahou doh badeh, ya budon ta tinan ta ndrokei ta asiu ta Kindrei, hawe iri tinan tiri pris lomondra anya sasah kameh asahan bah?

Aposel 5:26

Eme oro batun hawe oro tinan ta ndrokei ala badeh, andrei oro aposel dah. Oro badeh, baseheya oro boto-on bwe, tasah oro anoh, kora-on iri lau korowei oro na bek.

Aposel 6:12

Eme oro mesekei ndrine iri lau hawe ndrine iri lau-en ma hawe iri Juwis ta leheya kandriyen malen towodau. Eme iri tawi Stiben ma tiyani iy ili hawe iri kansol.

Aposel 6:7

Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.