Aposel 3:6 - Nyindrou

⁶ Ano Pita anya, “Aru badeh, luk ta anyohan ou bwe. Arile, sasah taru udu aliy kada-ah, aru kameh atehei ewek tam. Na boto-on ta nyara Jises Krais badu Nasaret badeh, ou suri ou, ma ou adek.”

Aposel 3:6 Iomraidhean Croise

Metiu 10:9

“Ado sakohok gol, silba ma hawe kaba su-iy sareu mine ado, ndri-iy.

Metiu 7:22

Ya len doh kameh asahan, lau solo-an kameh asehek eme tek i buku doh, ‘Laban, Laban, ta nyaram aso asehek sahou ta Kindrei buku propet, ya ta nyaram aso atikah balik udu bwele-e lau au a len, ya ta nyaram aso amekes lahou tinan solo-an.’

Tarou ta Mak 14:8

Lakou iy badih dah anya kamekes badeh, asah iy ndramesekei dah. Iy asolou suluw badeh, i badak udu bwena dah, ta lowosa jo ta ki lek.

Tarou ta Mak 16:17

Idah kameh kalem asahan ta are lau budon tan handru in ta aliy. Na boto-on ta nyarak le, iri kameh atikah malawin ndra-in iu, ma idah kameh iri asehek boho kon rakon ja nane iri tana iri bwena bwe.

Tarou ta Jon 19:19

Pailat eme torowenei sahou rayah, ano iy tiye oro lau ta bahun tatahiy udu bwisi no-o kei tondreh ta Jises. Tarou nane tiye i buku doh, “Jises Badu Nasaret, Kabin tiri Juwis.”

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Aposel 16:18

Eme iy amekes lahou tan doh badeh, len solo-an labai. Ya eme Pol eme ndrinen isi ta aliy, eme iy tubuni iy ma tiye sahou i ta malawin ndra-in anya, “I san ta boto-on ta nyara Jises, jo tiye ou ame len ta la-u badih badeh!” Eme na le liliy, malawin ndra-in udu bwele-en eme len.

Aposel 2:22

“Ado lau badu Isra-el kanuhun sahou doh. Jises Krais badu Nasaret mene, Kindrei suni iy ewek hawe ado. Ya iy mene amekes lahou tinan ma amekes kalem tinan na boto-on ta Kindrei edeu i tan udu ndrokowa ado. Ya ado tanan iy.

Aposel 2:36

“Eme ya ado lau mari badu Isra-el ki tana ado kudu mwasin ta lakou doh: Kindrei badeh, ndrabwidi Jises, ado mene atahi iy i bada kei tondreh, iy ndrasahan Laban ma Krais.”

Aposel 3:16

Eme i san ta budon handru in ta nyara Jises badeh, ndramak badan imek, ndra boto-on ja. Ehe, na budon handru in ta Jises le, ndramak badeh, ndramwenen ja. Eme na dah aha anyolom.

Aposel 3:5

Ya eme iy anya, uru kameh anyohan iy lakou, ya eme madan i turu.

Aposel 3:7

Ya eme Pita tawi minen salin ma suri iy ere loken. Eme katin hawe kusu-u bekan tan abadok ma iy edek.

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Aposel 4:7

Eme iri kuhi Pita uru Jon ala ales are mada iri ma iri ndremenya uru, “Na boto-on ma hawe nyara are handru, ah amekes iri lahou dah?”

Aposel 9:34

Eme Pita tiye i ta Aneyas anya, “Jises Krais ndramesekei ou ndramwenen. Ou suri ou, ma ou lukumwi kin tam.” Eme, se nawin bwe, iy suri iy eme loken.

1 Korin 4:11

Ndra bwena eme asahan nane dah, ahi badeh, amak ta son, ma bale ahi amar ta gwa, ya ahi badeh, asin iri awin ale ndratarah ndrandra-i en. Iri a-um ahi laleyah, ma ahi ari kon mwasin ta manyah ado aliy bwe.

2 Korin 6:10

Ahi badeh, atona maha-an solo-an labai, arile idoh kameh winiyan basani sekesek tahi bwe. Ahi bateu lakou solo-an badu kon munyak dah bwe, arile ahi adeu lakou ili tiri mwan ma badih ta aseben budon tiri handru kabadok. Ya, ahi badeh, bateu ari lakou bado mine ahi ja bwe. Ahi badeh, tawi iri lakou solo-an labai badu kon ta Kindrei.

2 Korin 8:12

Buku aha aso-ok labai ta adeu lakou, mwasin, Kindrei aso-ok kandriyen badeh. Iy babudon ta lakou aha andriliu ta aliy, bwe. Iy abudon ta lakou badu bolo lokowa aha amwenen, ma iy sekesek le ta ndramas doh aha adeu.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Jemis 2:5

Aha nadu tine mwan ma badih, aha kanuhun. Kindrei badeh, ndralebelei iri lau, tiri lakou bwe badu kon munyak badeh, ta iri kameh are mwasin labai ta budon handru in ta Kindrei. I buku le Kindrei bwena mene ndratandrakan i buku doh, iri mwan ma badih doh atehei budon tiri in tan handru ma aseken iy labai, iy kameh bwidi iri asahan lau tan, ma iy atondrok iri.

1 Pita 4:10

Aha ari, ari, ndrakohok ndramas na Malawin Ndrabun ta Kindrei. Eme ma, aha kamekes gok na ndramas nane, ta aseben lau ari ja ta Kindrei. Tasah, aha badeh, ndrasahan lau ta atondrok iri ndramas ari ari ta Kindrei nane.