Aposel 3:1 - Nyindrou

¹ Ya, na mada an taloh na beyeh ari badeh, Pita hawe Jon, uru au ala loken ala asiu tinan ta Kindrei asolom.

Aposel 3:1 Iomraidhean Croise

Metiu 17:1

Len onoh ano, Jises kuhi Pita uru Jemis hawe nadu tinen Jon. Iy kuhi oro ala bwele-e mandrei ari loken labai, ya oro le ado aliy.

Metiu 26:37

Iy kuhi Pita hawe nadu Sebedi uru ma la-uh, iy tikisiy ma budon tan andra-i labai.

Metiu 27:45

Na mada an udu le alih, lulik tubuluhi kon marakon udu gwek winiya mada an i taloh na beyeh.

Tarou ta Luk 1:10

Ano len ta asun ndrelekei asahan, Sekaraya i bolon, ya iri lau ame are manan atudun, ma amekes salom.

Tarou ta Luk 18:10

Eme iy anya, “Uru lau la-uh badeh, ala bolo asiu tinan ta Kindrei, amekes salom. Iy ari badeh, Parasi, ya iy ari ja badeh, ndramak ta akohok luk ta takis.

Tarou ta Luk 22:8

Eme Jises suni Pita uru Jon kala Jerusalem ma tiye turu anya, “Ah kala bwena kalowosa lakou ta to ta aimon na len ta Pasoba.”

Tarou ta Luk 24:53

Ya eme na len mari badeh, oro are asiu tinan ta Kindrei adeu wurah i tan.

Tarou ta Jon 21:7

Jo, iy lau nane Jises aso-ok labai, asehek i ta Pita, “Laban asah kodo-oh!” Saimon Pita anuhun le badeh, iy eme asini awin tan ili la-un suwi suwi, tasah awin tan nane iy ibo gok, eme iy asiniy iu. Iy eme sandrakon i gwa ma iy eya iu ili amik.

Aposel 10:3

Eme na beyeh ari, mada an taloh badeh, iy amekes lele. Eme iy anyolom angelo ta Kindrei ari eme asahan hawen anya, “Koniliyus, ei!”

Aposel 10:30

Eme Koniliyus anya, “Len hahuw mene ndra-au, na mada an taloh na beyeh badeh, jo udu asiu tek asolom. Nawin bwe badeh, ndramak ari asini awin belen nyikadin, ales udu bwena tek,

Aposel 2:46

Ma len mari badeh, iri atukum ala bolo asiu tinan ta Kindrei. Ma iri badeh, ado kon tiri abo-os jabi ramen ma aimon amunum le ma sekesek,

Aposel 3:3

Eme iy anyolom Pita uru Jon ame le badeh, iy anyolou uru ta luk.

Aposel 3:4

Eme uru anyolom amwenen i tan. Ano Pita anya, “Madam keme taru!”

Aposel 4:13

Eme oro anyolom Pita uru Jon badeh, banoh se bwe, uru abadok handru. Ma oro atanan uru badeh, mene bakohok tanan tinan bwe, uru badeh lau badu kon laleyah. Eme ya mani oro atur, ma oro atanan, ta uru lau doh mene badu hawe Jises.

Aposel 5:25

Ano ndramak ari eme badeh, anya, “Ei! Oro lau mene, ado atehei oro ala bolo kou badeh, ales areu asiu tinan ta Kindrei kodo-oh leheya iri lau mwan ma badih.”

Aposel 8:14

Eme na len oro aposel ado Jerusalem anuhun iri lau badu Samariya badeh, ndrandrei sahou ta Kindrei, eme oro suni Pita uru Jon ala anyolom oro.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.