Aposel 27:3 - Nyindrou

³ Na len ari ja badeh, ahi asahan Saidon. Juliyus badeh, amekes kandriyen mwasin labai handru ili ta Pol, eme iy tiye Pol kili loken kanyolom iri kawas tan, ma iri winiyan adeu nan nyamon.

Aposel 27:3 Iomraidhean Croise

Jenesis 10:15

Nadu Kenan oro badeh kadok badeh Sidon ano badeh Het, ya i dah nyara tubu oro ai.

Jenesis 49:13

“Sebulun kameh manyah tan kameh udu babi mirihik ta ndras. Madasu tan badeh mwasin tiri ndron gwa. Ya kobek tan badeh ili isos kon Sidon.

Metiu 11:21

Iy tiye i buku doh, “Ado lau badu kon Korasin hawe ado lau badu kon Betsaida, ado katou! Sisi-in tinan labai kameh ewek bwele-e ado. Tasah, ki buku none lau ra-on mene kala kon tinan Tair hawe Saidon ma kamekes lahou tinan buku none jo ndramekes ereu ndrokowa ado, sebwe ndra bwena iri lau badu kon ma lubuk doh ndrasin awin bokodon, ma ndratahi iri na koloweh, ta leheya buku none iri tikisiy handru ta kandriyen ndra-in tiri mene, iri ndrabwidiy.

Aposel 12:20

Herot badeh, mene andra-i hawe iri lau badu kon Tair hawe Saidon; eme uru atukum ase asahan solo-an badeh, ta ala atou iy. Arile, ma mwena badeh, iri ala anyolom kawas tiri ari op, iy doh badeh, ndramak tinan ari ta asiu ta kabin, nyaran Blastus. Iri badeh, atamar iy, ta iy kati-i losen ta kabin Herot kimek ki-iu laleyah, tasah iri amwenen asih niri nyamon badeh, badu kon ta kabin Herot.

Aposel 24:23

Eme ma kabin tinan doh tiye ta tinan ta atondrok iri lau ta bahun nane androkei ta Pol i buku doh, “Ou hawe oro lau tam katehei ndrokei ta Pol kamwenen, arile ado sabawei iy mara-ei. Ado karuwani iy kedek, ma oro lau badu hawen kame kanyolom iy ma katiye nan nyamon.”

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Aposel 27:43

Arile, tinan ta atondrok iri lau ta bahun badeh, anya kaseben Pol, ma iy tiye tiri lau tan samekes kandriyen doh. Iy eme tiye tiri lau nane, tana iri ta aya, kasandroh kala gwa, ma kaya kala amik.

Aposel 28:16

Ahi asahan bolo kon tinan Rom badeh, iri lau ta atondrok kon Rom leheyani asiu raem i ta Pol le amwenen udu aliy, ma hawe ndramak ari ta bahun udu hawen ta atondrok iy.