Aposel 27:2 - Nyindrou

² Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.

Aposel 27:2 Iomraidhean Croise

Tarou ta Luk 8:22

Ano na len ari ja badeh, Jises tiye i toro lau tan anya, “To ka-au kala kapa gwa bilisiu kodo-oh.” Eme oro sandroh a ndron ra-ei badeh, ma oro alakak ala bilisiu.

Aposel 16:17

Iy doh badeh, edek in hamon ta Pol hawe aso marakon, ma iy aloh anya, “Oro lau dah ala tiye sahou ta koha ado kameh udu le buku doh, badeh, oro lohowan ta Kindrei ere bwele-e kindrei mari badu loken.”

Aposel 17:1

Uru adek ame bolo kon Ampipolis hawe kon Apoloniya ma ame asos kon tinan Tesalonaika. Ya udu kon doh badeh, ndrahu tukum tiri Juwis udu aliy.

Aposel 19:19

Eme oro lau rayah boto-on ta balik mene udu toro ta amekes balahak, atukum iri buk ma lakou toro i se udu mada lau mari ma atehei jih i ta aliy. Oro andromwei sowan nane asahan buku (K150,000) iri winiyan bandromwei bwe.

Aposel 19:29

Eme se nawin bwe, lau mari badu bolo kon tinan mari sarakau. Eme iri tawi uru lau ta Pol ma la-uh. Gayus uru Aristakus, uru badu Masadoniya, ya iri seheyani uru ala lohalak ndrahu tukum ta lau mari.

Aposel 2:9

To badeh, badu kon munyak tinan Partiya, Midiya, ma Elam. To ale badu kon munyak tinan Mesopotemiya, Judiya, Kapadosiya, Pontus hawe Esiya.

Aposel 21:5

Arile, len ma ndro taloh taso are hawe oro badeh, ndrano ai, eme ma aso ka-au kala hamon kala ndron ja. Eme ma oro lau marakon ta Jises nane, ma udu oro hawe nadu oro, tiyani aso ala babi. Eme ma ahi mari atehei bwili ndru-u ahi i bada on, ma asolom ili ta Kindrei.

Aposel 28:10

Iri lau badu busu doh adeu tahi lakou buku ndramas badeh, solo-an labai, ma ahi anya ka-au badeh, iri adeu nahi lakou buku nyamon ta atondrok ahi are ndron.

Aposel 28:12

Ahi alakak ala asahan kon tinan Sirakus. Ma len taloh ahi are kon tinan doh.

Aposel 28:16

Ahi asahan bolo kon tinan Rom badeh, iri lau ta atondrok kon Rom leheyani asiu raem i ta Pol le amwenen udu aliy, ma hawe ndramak ari ta bahun udu hawen ta atondrok iy.

Aposel 28:2

Iri lau badu busu doh amekes kandriyen mwasin labai eme tahi. Ur undruk laba tinan eme andri ma bwidi bolo kon anyala labai. Eme ma iri tabani jih, ano iri luhi ahi marakon ala anyan jih, ta amekes bolo oda ahi ki nyarahan.

Kolosi 4:10

Aristakus badeh, udu bolo asiu lulik hawek, iy anya, bada-an ewek taha. Ma Mak badeh, kali Banabas, iy ale anya, bada-an tan ewek taha. Buku iy ewek hawe aha, aha kasekesek ta akohok iy, buku jo ndratehei sahou mene ndrawek taha.

Pilemon 1:24

Ma hawe oro lau ta amekes lahou hawek ale, buku Mak, Aristakus, Demas hawe Luk, oro badeh, anya bada-an toro mwasin ewek tam ale.