Aposel 26:3 - Nyindrou

³ Arile, ou ndratanam kandriyen tahi Juwis marakon, ma ou ale tanam iri rayah a-en hamon ta budon ari labai, ya iri rayah ja tebelese na sahou, ma iri a-en hamon ta budon ari ja. Sebwe, ou kameh winiyan anuhun sahou tek dah.

Aposel 26:3 Iomraidhean Croise

Aposel 21:21

Iri lau rayah asehek ou ili tiri i buku doh, ‘Pol badeh, leheya iri lau badu Juwis nane are kon munyak tiri lau badu leheleh, ta iri katehei kona iri kili ta batanau ta Moses, ma tiye iri, sasan ku-i iri nah mwan, ma sa-en hamon ta kandriyen tiri Juwis.’

Aposel 24:10

Eme ma kabin ta kon dah anyoleh, ta iy anya kanuhun boho Pol. Pol eme suri iy, ma iy asehek sahou i buku doh, “Jo tanan ou asahan kabin are loboho tiri Juwis dah, na jaha solo-an labai, eme ma jo sekesek tinan labai ta ou aseben ta anuhun sahou tek nadah.

Aposel 24:4

Jo bwalek aliu sahou lawe-en labai, tasah ou tam gok solo-an ta amekes. Arile, na dah jo anya kandremenya ou ta tikisi aso, ma ou anuhun sahou taso ja, na dah aso anya kasehek kewek tam.

Aposel 25:26

Arile, jo ari lakou ta atorou ta nyalan ili ta tinan tataha Sisa bwe. Eme, kabin Agripa, jo andrei iy eme ales ere madam, ma aha marakon are kede-eh ale. Taha marakon kanuhun sahou tan op. Ano jo baratou saba sahou tan handru barala ta ramen la-ukei barala ta Sisa.

Aposel 26:2

“Kabin Agripa, na len dah jo sekesek tinan labai ta asehek sahou tek dah ewek tam. Iri lau ta atondrok kandriyen tiri Juwis, iri mene amekes sahou solo-an labai eme badak, eme jo anya kasehek sahou tiri doh kewek tam.

Aposel 26:26

Agripa, ou kabin, jo winiyan banoh ta asehek iri lakou marakon ewek tam bwe. Jo tanan lakou marakon doh winiyan bataras madam, ma ndranyem bwe. Ou ndratanam iri marakon, tasah iri lakou marakon doh mene basahan bare kabwak bwe.

Aposel 26:7

Iri boho kamen tahi ma ronoh la-uh atondrok ta akohok tandrakan badeh, asahan. Iri atudun Kindrei na len ma ben mari, ma iri atehei budon tiri mara-ei handru ta iy winiyan mete-ei iri lau ndramak ame loken ame awas ja. O, kabin tek, jo ale atehei budon tek mara-ei in ta atondrok lakou doh. Ta kati sahou le doh, bwidi iri Juwis orowei sahou eme tek.

Aposel 28:17

Pol udu Rom buku len taloh ai, eme ma iy atehei sahou ili tiri tinan tiri Juwis kame ta tukum ari. Iri marakon ndrame ndratukum ndrano, iy eme tiye tiri i buku doh, “Aha nadu tine, jo in hamon ta kandriyen ta tubu taha iri mene. Jo ale bamekes ari lakou ta bolowa iri lau tataha bwe. Arile, iri tawi jo ili bolo asiu lulik udu Jerusalem, ano iri atehei jo ili mine iri Rom.

Aposel 6:14

Aso badeh, anuhun iy tiye anya, ‘Idah kameh, Jises badu Nasaret kameh tokosei kon dah ma hawe tobolowe kandriyen tataha mene Moses edeu eme ta taha.’ ”

1 Korin 13:2

Ma i buku jo asehek sahou buku iri propet, ma jo ndratanan ta iri budon marakon ta Kindrei ale basahan bwe le, ma iri tanan marakon rayah ale, ma i buku budon tek boto-on labai winiya tohowei iri mandrei ili rasi ja, arile, i buku jo baso-ok ma batehei ndrinek mwasin bala tiri mwan ma badih bwe, badeh, kameh jo i buku lakou ndra-in laleyah.