Aposel 26:16 - Nyindrou

¹⁶ Arile, ou suri ou, ma ou ales. Nadah, jo ewek hawem, atehei ou ta amekes gok tek. Ma ou kameh atiye sahou ta iri lakou nane ou ndranyolom, ma ta iri lakou jo kameh leheya ou ta aliy.

Aposel 26:16 Iomraidhean Croise

Tarou ta Luk 1:2

Oro atorou ta nyala lakou mene to ndranuhun bwena mene ndra-au. Ya lakou doh mene, oro atou na mada oro amwenen, udu ndra bada katin eme, eme ma oro a lohowan ta atiye.

Aposel 1:17

Judas badeh, mene badu hawe to ta amekes lahou dah.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Aposel 21:19

Aso ateu lim hawe oro, ma aso mari ja sekesek a le se. Ano Pol asehek nyala iri lakou marakon nane Kindrei amekes ere bolo iri mwan ma badih badu leheleh udu bolo iri len bwena mene iy amekes lahou tan.

Aposel 22:10

“Eme ma jo ndremenya iy ja, ‘Laban, ou aso-ok jo kamekes saba lakou tam handru?’ “Ma Laban tiye sahou eme tek i buku doh, ‘Ya, ou suri ou ma ou ala bolo kon tinan Damaskus, ya ndramak ari kameh tiye tam ta lakou marakon Kindrei aso-ok ou amekes.’

Aposel 23:11

Udu, i ben ari ja badeh, Laban eme ales ere mirihik ta Pol, ma iy asehek sahou i tan anya, “Ou abadok ma ou sanoh, ou badeh, ndraleheyani nyarak ndrala bolo kon tinan Jerusalem, ma ou kameh winiyan amekes i buku le aliy kameh, udu kon tinan Rom ale.”

Aposel 26:15

“Eme ma jo asumon bohon i buku doh, ‘Laban, ou are badeh?’ Eme Laban asehek i buku doh, ‘Jo Jises, ou nane abo gok ta adai jo kede-eh.

Aposel 6:4

Ya aso badeh, budon taso ki le ta salom ma katiye sahou ta Kindrei.”

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

La-ukei ta Pol atorou ili tiri lau badu kon Rom 15:16

iy atehei lahou dah eme kanik ta atiye sahou ta nyala Krais Jises ki tiri lau badu leheleh. Jo badeh, i buku none ari pris amekes lahou ta atiye sahou mwasin ta Kindrei. Ya eme iri lau badu leheleh badeh, i nyara salom jo edeu i mada Kindrei ma eme iy sekesek ta aliy. Ma hawe Kindrei badeh, mesekei iri asahan lau tan handru i san ta iy suni Malawin Ndrabun ili manyah udu bolo oro.

2 Korin 4:1

Kindrei mwasin, ma iy tikisi ahi, ma iy mene atehei gok ta atiye sahou mwasin dah eme tahi. Eme ma, ahi bawoyah ta amekes gok dah bwe.

2 Korin 5:18

Kindrei le amwenen, kati iri lakou marakon doh. Bwena mene ahi ta amekes bahun i tan, arile na gok Krais amekes, Kindrei aseben ahi asahan mwasin hawen. Ma iy edeu gok dah eme tahi ta aseben iri mwan ma badih rayah ame asahan mwasin.

Galesiya 1:12

Jo badeh, bakohok ma banuhun sahou mwasin dah badu boho ari ndramak bwe. Ma ari ndramak baleheya sahou mwasin dah bame tek bwe. Jises Krais le amwenen badeh, leheyani jo ta iri sahou mwasin mara-ei doh.

Galesiya 2:2

Kindrei asehek sahou eme tek, i san ta ameh, eme ma jo ili. Aso ala asahan Jerusalem, ano jo ili atukum hawe iri lau ta mwena tiri lau ta Kindrei. Jo batukum hawe iri lau mari bwe. Jo atukum hawe iri lau ta mwena le tiri. Jo asehek tiri le ta sahou mwasin jo mene ndrasehek tiri mwan ma badih badu leheleh. Jo badeh, abudon i buku doh: “Kora-on iri basekesek ta sahou jo asehek dah bwe, ma iri gok jo amekes dah kameh iu laleyah.” Eme ma jo asehek nyala iri.

Epesus 3:3

Sahou dah, ta lakou Kindrei amekes, bwena mene aton kahis, arile Kindrei le amwenen ndraleheyani ndrame tek, eme ma jo ndratorowenei sese ndrawek taha.

Kolosi 1:23

Kindrei kameh bwidi lakou doh, buku aha tawi budon taha handru ihis, ma aha ales boto-on handru. Kora-on ari lakou kariu aha, ma aha kamani kandriyen ta budon boto-on ta sahou mwasin dah, aha mene ndranuhun ta Krais ndrandrei aha ndrame hamon ja. Jo Pol, jo ndrasahan ndramak ta atiye sahou mwasin dah, ma ahi atiye ili tiri lau mwan ma badih marakon are bolo kon munyak dah.

Kolosi 1:25

Kindrei amwenen mene ndralebelei jo, ta jo katiye iri sahou tan marakon kewek ta aseben aha. Eme ma, jo badeh, asahan buku ndramak ta lohowa aha mwan ma badih marakon ta Kindrei.

Kolosi 1:7

Ma Epapras ndraleheyani aha ta sahou mwasin doh. Iy badeh, ndramak ari mwasin ta amekes lahou ta Krais. Ma iy ibo gok hawe ahi, ahi aso-ok iy labai. Iy badeh, aseben aru, ma iy atondrok gok ta Krais udu mwasin labai ta akohok boho aru ewek taha.

1 Tesalonaika 3:2

Aha ndratanan, nadu tine taha Timoti, iy ta amekes lahou ta Kindrei ta atiye sahou mwasin ta Krais. Aru ma la-uh suni Timoti ta ewek, ta atadau ma aseben budon taha kabadok.

1 Timoti 1:12

Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.

1 Timoti 4:6

I buku none ou leheya batanau dah i ta nadu tinem oro, ou lohowan mwasin labai ta Krais Jises. Ma ou ale amekes ou abadok na aliy. Ma idah kameh, ou abadok na sahou ta budon handru mene ou anuhun ma ou a-en hamon ta aliy.

2 Timoti 4:5

Arile, ou le amwenen winiyan bamekes buku doh bwe. Ou atondrok budon tam kamwenen na len mari, ma ou abadok ta bwese iri maha-an anya kewek bwele-em. Ou badeh, lohowan ta Kindrei, eme ma ou atiye sahou mwasin tan kili tiri mwan ma badih, ma ou amekes gok tam handru ta aseben iri lau.