Aposel 24:1 - Nyindrou

¹ Udu len ma limeh ano iu, eme tinan tiri pris ari badu Juwis, nyaran Ananayas, iy eme ili asahan kon tinan Sesariya. Iy ma hawe iri tinan rayah, ma ndramak ari iy tanan labai ta kandriyen ta batanau ta sahou, nyaran Tertulus. Eme iri ala asahan bada kabin ta kon doh, ma iri asehek sahou marakon ta amekes Pol kili ta sahou.

Aposel 24:1 Iomraidhean Croise

Aposel 12:21

Eme na len ta Herot ndratiye, iy asini awin tan ta kabin, ma iy manyah udu bada koyeu asehek sahou i tiri lau.

Aposel 21:27

Eme ma len ma ndro taloh doh, mirihik tiri ta anya kano ai, iri Juwis rayah nane badu loboho kon Esiya anyolom Pol udu bolo asiu tinan ta Kindrei, oro tukumwi lau solo-an badu Juwis, ma iri ala tawi Pol.

Aposel 23:2

Pol asehek sahou doh ili ma tinan tiri pris nyaran Ananayas eme tiye oro lau rayah ales are mirihik ta Pol i buku doh, “Ado katabasi lim ki boho iy ndramak badeh.”

Aposel 23:24

Aha kandrei ari hos ale ta bwese Pol, ma ah katiyani iy kamwenen kili kisos hawe kabin Peliks.”

Aposel 23:30

Jo anuhun sahou i buku doh, eme ma jo tiye iri lau tek ta bahun tiyani iy kewek hawem suwi, tasah jo ndranuhun sahou ta lau rayah, atukum a le se ta adi iy ndramak dah. Eme jo tiye iri lau nane amekes i buku doh, ta awek hawem, ma ou kameh winiyan lebelei sahou tiri. Ya, sahou tek idoh le, kabwai.”

Aposel 23:33

Oro ala asahan kon tinan Sesariya, eme oro lau ta bahun nane tiyani Pol amwenen iu ili hawe kabin ta kon doh. Ma oro atehei la-ukei nane ili minen.

Aposel 23:35

Kabin eme tiye Pol, “Mwasin jo winiyan anuhun sahou tam, buku iri lau nane anya kadeu ou ala ta mada sahou, asahan.” Ano iy aloh oro lau tan ta bahun ame, “Ya, ado katiyani Pol kili asiu tinan ta kabin Herot mene tutuniy, ma ado katondrokei iy.”

Aposel 24:11

Len ma ronoh la-uh mene le kada-ah badeh, jo ili bolo asiu tinan ta Kindrei udu Jerusalem ta amekes salom. Buku ou lelen iri, idah kameh ou winiyan atanan, buku sahou mari doh, handru.

Aposel 24:2

Kabin tinan eme aloh Tertulus ta ili bwena ta asehek sahou. Iy ili ales ere bwena, ma iy asehek iri sahou ta amekes Pol kili ta sahou, i buku doh, “Peliks, ou tinan tahi, ma mwena, jo anya kedeu wurah kewek tam, tasah tanan tam mwasin labai. Eme ma, ahi badu loboho kon doh akohok manyah mwasin, ma ari bahun bwe, tasah ou amekes iri batanau mwasin ta amekes lakou rayah amwenen, ma amekes kon tahi edek amwenen.

Aposel 25:15

Jo mene ili Jerusalem badeh, tinan tiri pris hawe tinan ta bwena ta kandriyen tiri Juwis atukum ta atilik nyala iri ta adeu iy ndramak doh, anya kili ta mada sahou. Eme iri tiye tek i buku doh, ‘Ou anuhun sahou ta iy ndramak kede-eh suwi, ma iri lau ta bahun kadai iy ki-iu.’

Aposel 25:2

Udu Jerusalem doh badeh, iri tinan tiri pris ma hawe tinan tiri Juwis ala anyolom Pestus ta amekes sahou ta adeu Pol i ta mada sahou.

1 Korin 2:1

Aha nadu tine, jo eme hawe aha mene asehek sahou handru ta Kindrei ewek taha badeh, jo basehek sahou lawe-en bala buku iri lau ta tanan asehek bwe.

1 Korin 2:4

Ma sahou jo mene asehek, ma sahou mwasin mene jo ndratiye, jo bamekes bala buku ta sahou tiri lau ta tanan badu kon munyak bwe, ta ariu budon taha eme ta tanan tek le, bwe. Jo badeh, leheya boto-on ta Malawin Ndrabun ewek taha, ma aha atehei budon taha mari in le ta sahou doh.