Aposel 23:1 - Nyindrou

¹ Pol anyolom amwenen mada iri kansol mara-ei, ma iy anya, “Aha nadu tine, Kindrei badeh, ndranyolom iri kandriyen tek mari na bolo len mara-ei, ndrabwena eme asahan dah. Jo batona ari kandriyen ndra-in jo amekes bwe.”

Aposel 23:1 Iomraidhean Croise

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Aposel 22:1

Eme ma Pol tiye tiri i buku doh, “Aha mari, aha nadu tine, ma aha tama, jo anya kasehek taha kamwenen i buku doh, jo badeh tanan ari lakou jo amekes andra-i bwe. Aha kanuhun kamwenen.”

Aposel 22:30

Na len ari ja badeh, tinan ta atondrok iri lau ta bahun mara-ei nane dah tolowei Pol, ma iy udu bolo kowah laleyah. Ma tinan tiri lau ta bahun mara-ei dah anya kasilah kati sahou doh ale, iri Juwis nane amekes ta adeu Pol i ta mada sahou. Eme ma iy atehei sahou ili tiri tinan tiri pris, ma hawe iri kansol mara-ei tiri Juwis, ta kame ta tukum doh. Ma iy andrei Pol ili atehei iy ales ere mada iri mara-ei.

Aposel 22:5

Iri tinan tiri pris tataha hawe iri kansol mari badu Juwis are kede-eh, iri winiyan asehek sahou mari doh ewek taha, ta jo basehek sahou wendreya, ta iri lakou nane doh bwe. Iri lau mene torowenei la-ukei ramen ili tiri Juwis are Damaskus, iri atehei eme minek, ta jo kili kateu iri lau doh, kabawei iri na sen, ma kandrei iri kame Jerusalem ta iri lau tinan tataha kadeu maha-an ki tiri.”

Aposel 23:15

Buku na dah ado hawe iri kansol katehei sahou kili ta tinan ta atondrok iri lau ta bahun badu Rom badeh, katiye tan ki buku doh, ‘Ahi aso-ok aha lau tam katiyani Pol keme andri ja, ma ahi anya kandremenya iy ta lakou rayah ja. Ahi anya katanan kamwenen ta saba lakou handru iy amekes.’ Ya, na len iri tiyani iy, iy edek san kahis le, ahi kameh awe-ek iy, ma adi iy imek.”

Aposel 23:20

Iy loweu dah anya, “Iri tinan tiri lau badu Juwis badeh, ndrasehek nyala iri ndra le ari, iri anya, buku bi-i badeh, ou tiyani Pol kili andri kanyolom iri, iri anya katukum, kasehek nyala iri ja, ma iri anya kawendreya, buku iri kanuhun rayah sahou ta Pol ja.

Aposel 23:28

Eme jo badeh anya ki tanan ta saba katin handru iri amekes kandriyen buku doh i tan. Eme ma jo tiyani iy ili hawe iri kansol badu Juwis.

Aposel 23:6

Pol ndranyolom buku lau lubuk are bolo tukum nane doh, rabuk Sadusi ya rabuk Parasi. Pol eme aloh i buku doh, “Aha nadu tine! Jo Parasi ari ai, jo nadu iri Parasi amwenen. Ya, nadah ja jo ales udu hawe aha ta aha atehei jo ili ta mada sahou, tasah jo in hamon ta budon tiri Parasi amwenen, ma ahi atehei budon tahi boto-on labai, buku len hamon eme, Kindrei kameh mete-ei iri lau ndramak are bolo lek tiri, amak ame awas ja.”

Aposel 24:16

Eme ma, na len mari, jo aseken budon tek badeh, kaleu, ma jo ki-in hamon ta kandriyen mwasin ta ere mada Kindrei, ma hawe iri lau badu munyak.

Aposel 6:15

Eme oro manyah ado bolo oro kansol anyolom Stiben boto-on ma anyolom bwili Stiben anya i buku ari angelo.

1 Korin 4:4

Tasah, jo bamekes ari lakou bwe, ma jo ale basehek anya jo ndramak mwasin bwe. Arile sahou tek le dah, baleheya jo bwe. Laban le ari badeh, tanan iri kandriyen tek marakon, ma iy winiyan asehek ma edeu jo ili ta sahou.

2 Korin 1:12

Budon tahi atona sahou dah handru, ma ahi sekesek ta lakou dah: Ta lakou marakon ahi mene amekes ili tiri mwan ma badih badu kon munyak dah, ahi mene a-en hamon ta kandriyen mwasin, ma kandriyen handru. Ahi ba-en hamon ta tanan mene ahi akohok tiri mwan ma badih badu munyak dah bwe. Tikisiy ta Kindrei le mene aseben ahi, ma ahi amekes i buku aliy. Ma ahi mene amekes kandriyen doh ili le kala ahi abo gok hawe aha mwan ma badih badu Korin.

2 Korin 4:2

Ma ale, ahi badeh, bawendreya iri mwan ma badih, o tobolowe sahou ili randrah ja bwe. Ahi ba-en hamon tiri kandriyen ta adeu bwilima i ta nyara Kindrei bwe. Ahi badeh, atiye sahou handru ta Kindrei ili tiri mwan ma badih marakon, ma iri winiyan anuhun. Ta kandriyen doh, ahi leheya iri, kandriyen tahi mwasin, ma iri winiyan atanan gok ahi amekes dah, idoh ale mwasin udu mada Kindrei.

2 Timoti 1:3

Bwena mene, tubu oro badeh, a-en hamon ta kandriyen ta Kindrei ma atudun nyaran. Eme ma, jo ale ki-in hamon tan ta ndrinek, jo atona kandriyen jo in hamon ta aliy doh ta amekes gok tan, idoh amwenen handru. Na len dah badeh, jo abudon ou, ma jo edeu wurah i ta Kindrei, tasah ou badeh, atehei budon tam handru in tan, ma ou a-en hamon ta kandriyen tan.

Hiburu 13:18

Aha kasolom kili ta Kindrei ma kandremenya iy ta aseben ahi. Ahi ndratona ndrine ahi ere mwasin labai ta madan. Eme ahi anya kadek kamwenen bolo len marakon.

1 Pita 3:16

Arile, aha kasumon sahou tiri kamunum, idoh kandriyen mwasin. Ma budon taha kudu mwasin ale. Ya, buku none iri aluhe, ma adeu bwilima ewek taha, tasah aha amekes kandriyen mwasin ta nyara Krais, hamon kameh iri lau nane amekes ndra-in ewek taha, bwili iri kameh ama.