Aposel 22:3 - Nyindrou

³ Ma iy asehek ili le anya, “Jo badu Juwis, tine tuwi jo badeh, udu kon rakon iri aloh Silisiya udu bolo kon tinan Tasus. Arile, jo ma bwisik, jo ili akohok tanan ta leheya ma jo asahan ili awas badeh, udu kon tinan Jerusalem dah. Bolo len doh, ndramak tinan taha ari nyaran Gamaliyel badeh, leheya jo. Ma jo badeh, akohok tanan handru ta iri kandriyen malen mari ta tubu taha Moses. Jo abadok ma asahan boto-on ta in hamon le ta Kindrei, ta iri sahou tan, i buku le aha lau marakon nane are kada-ah amekes.

Aposel 22:3 Iomraidhean Croise

Tarou ta Luk 10:39

Ma nadu tinen badih ari badeh, udu aliy ale, ya nyaran Mariya. Iy edek eme manyah udu kati Jises anuhun iy asehek sahou.

Tarou ta Luk 2:46

Ya eme i bada len taloh badeh, uru takalahei iy manyah udu bolo iri lau ta leheya kandriyen tiri Juwis. Iy udu asiu tinan ta Kindrei, anuhun iri ma lelen ndremenya i tiri.

Tarou ta Luk 8:35

Ya eme iri lau ala anyolom. Iri ala asos hawe Jises le badeh, iri atou iy ndramak nane malawin ndra-in mene udu la-un ndramwenen ja. Iy ndratani kolau hawe budon tan ndramwenen ya iy manyah udu kati Jises. Eme ma iri anoh.

Aposel 11:25

Ano, Banabas ili takaleh Sol ili Tasus.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Aposel 21:20

Iri anuhun nyala lahou ta Pol mari, ano iri atudun nyara Kindrei. Ma iri tiye ta Pol i buku doh, “Nadu tine aso, ou anuhun, ou ndratanam kane lau mwan ma badih nyaran bwe badeh, iri badu Juwis ma iri ndratehei budon tiri ndrala ta Jises. Ma iri mwan ma badih doh badeh, budon tiri irih labai ta a-en hamon ta batanau ta Moses.

Aposel 21:39

Pol eme asehek sahou i tan ja i buku doh, “Jo iy ndramak badeh, bwe. Jo ndramak ari labai badu Juwis, kon tek handru badeh, Tasus, udu bolo kon tinan Silisiya. Ma nyarak badeh, ere bolo buk badu kon tinan doh, arile na idah jo anya kandremenya ou. Jo anya kasehek sahou kili tiri lau mara-ei are kede-eh.”

Aposel 23:34

Kabin eme anyolom la-ukei doh, ma iy ndremenya Pol, “Ya, ou badu saba kon handru udu loboho Rom?” Pol asehek i tan i buku doh, “Jo badeh, badu kon Silisiya.”

Aposel 23:6

Pol ndranyolom buku lau lubuk are bolo tukum nane doh, rabuk Sadusi ya rabuk Parasi. Pol eme aloh i buku doh, “Aha nadu tine! Jo Parasi ari ai, jo nadu iri Parasi amwenen. Ya, nadah ja jo ales udu hawe aha ta aha atehei jo ili ta mada sahou, tasah jo in hamon ta budon tiri Parasi amwenen, ma ahi atehei budon tahi boto-on labai, buku len hamon eme, Kindrei kameh mete-ei iri lau ndramak are bolo lek tiri, amak ame awas ja.”

Aposel 26:5

Iri ndratanan jo ndra bwena labai. Ya, buku oro aso-ok, oro winiyan asehek nyala iri lahou jo ndramekes udu bolo tukum tiri. Bwena mene jo Parasi ari ai; kandriyen tiri badeh boto-on labai, ma jo amekes lahou in hamon ta kandriyen tiri.

Aposel 26:9

“Aha kanyolom! Bwena mene jo amwenen badeh, ales boto-on labai ta amekes iri gok solo-an, solo-an ta sa-en hamon ta sahou ta Jises badu Nasaret doh.

Aposel 5:34

Arile, ndramak ari nyaran Gamaliyel, iy tinan tiri, iy badu Parasi, iri beleben iy tinan labai. Iy badeh, ndramak ari ta leheya bolo kandriyen malen, iy ales ere loken bolo iri kansol, ma iy asehek sahou boto-on, ta iri badeh, karuwani mine iri ma oro ka manan sese op.

Aposel 6:9

Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.

Aposel 9:1

Na bolo len doh, Sol badeh, alohou ta idi iri lau ta Laban marakon kamak ka-au. Eme ma iy amwenen ili hawe batun tiri pris,

Aposel 9:11

Eme Laban tiye i tan anya, “Ou ales ala asiu ta Judas udu loboho nadu san iri aloh San Ales Le. Ya ou ndremenya oro ta ndramak ari badu Tasus, nyaran Sol. Iy badeh, asolom.

Aposel 9:30

Eme iri lau ta Jises ado doh anuhun badeh, iri kuhi Sol ili Sesariya ma suni iy iu ili kon Tasus.

La-ukei ta Pol atorou ili tiri lau badu kon Rom 11:1

Ya eme jo lelen anya, sebwe Kindrei baseken iri lau tan bwe nadeh? Bwe, handru en! Jo dah badeh, ndraye Isra-el amwenen, lundriye Abraham badu boho kamen ta Benjamin.

2 Korin 11:22

Iri anya iri Juwis? Jo ale jo Juwis! Iri anya iri lau badu Isra-el? Jo ale, jo badu Isra-el! Iri anya tubu iri Abraham? Jo ale i buku aliy!

Galesiya 1:14

Ya, oro Juwis rebesem badu hawek badeh, jo sakalau oro ja ta kandriyen ta batanau. Jo sakalau oro ta bolo kandriyen ta tubu ahi, iri asehek eme tahi Juwis. Ma eme, budon tek irih labai ta in hamon ta kandriyen ta tubu ahi iri.

Galesiya 1:21

Ano jo udu Jerusalem iu ili loboho munyak tinan Siriya hawe Silisiya.