Aposel 20:1 - Nyindrou

¹ Udu hamon ta sarakau tiri ano badeh, Pol suni sahou i toro lau atehei budon toro handru in ta Kindrei ame. Ya eme iy batanau oro. Ano ma iy edek iu ili Masadoniya.

Aposel 20:1 Iomraidhean Croise

2 Korin 7:5

Ehe, idoh handru. Na len aso ala asahan bada kon tinan Masadoniya, manyah taso bado mwasin bwe. Tasah, maha-an solo-an labai asahan taso. Ma loboho doh ale, iri mwan ma badih rayah ame tebelese hawe aso, ma bwidi ndrine aso inoh.

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

1 Timoti 1:3

I buku jo mene indrek ou, na len jo edek ili kon Masadoniya, ta ou badeh, ado Epesus ado gwek, ta abarah lau rayah ta wasai ado badeh, saleheya tanan ta wasai.

1 Tesalonaika 5:26

Ta kandriyen tataha lau marakon ta Kindrei, aha kateu lim, ma aha kaleheya sekesek taha kili ta nadu tine aha iri marakon.

1 Korin 16:20

Iri nadu tine taha rayah are kada-ah tiye sekesek tiri tinan ewek taha ale. Ta kandriyen tataha lau mwan ma badih ta Kindrei, aha marakon kateu mine nadu tine aha ari, ari, iri are ndrokowa aha amwenen.

1 Korin 16:5

Jo ta ewek hawe aha, arile jo kameh ili anyolom iri lau ado loboho Masadoniya mwena, ano badeh, jo barasahan hawe aha.

La-ukei ta Pol atorou ili tiri lau badu kon Rom 16:16

Na len aha atukum, aha kadeu lim ma kasekesek aha ari ari. Ya oro lau ta budon toro handru tiye sahou sekesek ewek taha are badeh.

Aposel 20:37

Iri marakon tawi iy, ma iri aden, iri tikisi iy tinan labai, ma iri bwale iri iy iu.

Aposel 20:10

Pol eme andri badeh, akabah i la-u ndramak loweu dah ma tawi iy. Eme iy anya, “Bale ado sasin iy. Kohan udu aliy!”

Aposel 16:9

Eme na ben badeh, lele asahan ta Pol ma iy anyolom ndramak ari badu kon Masadoniya ales indrek iy anya, “Ou ame Masadoniya, ma aseben aso.”

Aposel 11:26

Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Jenesis 48:10

Mada Jekop badeh anya kagwah, tasah iy badeh ndra alon labai, eme badeh iy winiyan banyolom kon bala mwasin bwe. Eme Josep andrei nadun uru badeh ame hawe Jekop, eme badeh Jekop tawi uru a batalan.

2 Korin 13:12

Ta kandriyen ta taha mwan ma badih ta Kindrei, aha ari, ari badeh, kateu lim hawe nadu tinem mwan ma badih rayah ja.

Aposel 16:12

Ya eme udu doh badeh, aso adek ala lokei ala Pilipai. Kon doh badeh, kon ari tinan labai udu bolo kon munyak tinan Masadoniya, ya iri Rom atondrok kon doh. Eme aso ado doh len sabe sese.

Aposel 20:2

Iy edek loboho doh badeh, iy asehek sahou ta batanau iri lau ili ili, ma iy isos kon munyak tinan tiri Grik.

Aposel 20:3

Eme iy udu kon tiri Grik doh udu gwek winiya bun taloh. Eme iy alokou iy ta anya kalakak kili Siriya, arile iy anuhun yoyou, ta iri Juwis badeh, atilik nyala iri ta kadi iy. Ma eme iy bala bwai, iy ili hamon ili Masadoniya.

La-ukei ta Pol atorou ili tiri lau badu kon Rom 15:19

Handru, Malawin Ndrabun aseben jo ta asehek sahou, ma iy edeu boto-on eme tek ta amekes kalem ma lahou tinan. Iri lau anyolom ma iri atehei budon tiri handru in ta Krais. Ya eme jo mene edek udu ndra Jerusalem o-on eme eme taku Ilirikum ta atiye sahou mwasin handru ta nyala Krais.