Biblia Todo Logo
Bìoball air-loidhne

- Sanasan -




Aposel 2:9 - Nyindrou

9 To badeh, badu kon munyak tinan Partiya, Midiya, ma Elam. To ale badu kon munyak tinan Mesopotemiya, Judiya, Kapadosiya, Pontus hawe Esiya.

Faic an caibideil Dèan lethbhreac




Aposel 2:9
34 Iomraidhean Croise  

Ya nadu Sem oro badeh Ilam eh, Asur eh, Apaset eh, Lut eh, ma hawe Aram. Ya tubu oro lau ala nyara oro doh.


Na len kabin Amrapel badu Babilon, Ariyok badu Elasar, Sedola-oma badu Ilam ma Tidal badu Go-im,


Ano badeh i lau ta lahou tan dah andrei katin haka ronoh kamel ma hawe lakou rayah mwasin ta Abraham badeh, ma iy iu ili Aram Nahara-em ma edek iu ili kon Nahor mene udu aliy.


Eme Pol hawe oro lau badu hawen, adek ala loboho kon munyak tinan Prijiya hawe Galesiya. Oro badeh, batiye sahou bala bolo kon tinan badu Esiya bwe. Tasah, Malawin Ndrabun badeh, tiye oro sala.


Iy udu Korin udu gwek badeh, iy ndruni ndramak ari badu Juwis nyaran Akwila, ya tinen atehei iy eme len udu kon munyak tinan Pontus. Iy hawe udun Prisila uru barado Itali barame ai. Tasah, Sisa Klodiyas tiye sahou boto-on i tiri Juwis ado kon tinan Rom badeh, ka-au.


Pol amekes gok doh winiya jaha la-uh buruwen. Eme ma iri mwan ma badih solo-an labai badu loboho kon tinan Esiya doh anuhun sahou mwasin ta Laban, iri badu Juwis, ma iri badu iri kon leheleh ale.


Ya idoh kameh atehei bohosak eme ta lahou tato ta aliu luk nyaran kameh andra-i. Ya idoh le bwe, idah kameh, ma atehei bohosak i ta asiu ta atudun kindrei Atemis ari moson bwe. Ma idah kameh, lomada kindrei badih tiri lau mari badu Esiya ma hawe munyak mari ta atudun kameh atokos.”


Ma hawe iri batun rayah badu kon doh, hawe iri kawas tan suni sahou i tan, ta iy badeh, sala ndrahu tukum ta mada lau mari.


Arile, i buku sah ja to anuhun oro asehek sahou na boho kon ta to mari?


Eme Pol atehei budon ta aso kasakalawi Epesus ta teleya aso badeh, sare loboho munyak tinan badu Esiya sado luluwen. Tasah, iy ibotatahan ta ili isos Jerusalem na len tinan ta Pentikos.


Eme iri asahan badeh, iy tiye i toro i buku doh, “Ado badeh, ndratanan bolo manyah tek ma mwena handru kabatana jo eme udu hawe ado eme eme taku len dah, udu loboho kon tinan badu Esiya.


Ya oro lau a hawen badeh, nadu Pirus nyaran Sopater badu kon Beriya, Aristakus hawe Sekundus badu kon Tesalonaika, ya Gayus badu kon Debi, ma hawe Timoti, Titikus ma hawe Tropimus badu kon munyak Esiya.


Eme ma len ma ndro taloh doh, mirihik tiri ta anya kano ai, iri Juwis rayah nane badu loboho kon Esiya anyolom Pol udu bolo asiu tinan ta Kindrei, oro tukumwi lau solo-an badu Juwis, ma iri ala tawi Pol.


Ya, iri atou jo ere bolo asiu tinan ta Kindrei, ma iri atou jo sikine badak ndrano, in hamon ta kandriyen tiri Juwis ta asahan ha-un ja ta mada Kindrei, ma ari ndramak, o, rayah lau batukum bame hawek, ma aso andra-i bwe. Ma ari ndramak barah laleyah bwe.


Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.


Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.


Ya, eme Stiben asumon anya, “Wurah lomada ado nadu tine, ma hawe ado tama, ado kanuhun jo! Kindrei badu bolo lomadan mene asahan hawe tubu taha Abraham na len iy mene manyah udu Mesopotemiya mwena, ano iy barala baramanyah barado Haran.


Ma sekesek tek ale kili toro lau ta Kindrei atukum are asiu turu badeh. Ma hawe sekesek tek ki ta borobwar tek handru Epenetus. Iy asahan lohowan ta Kindrei, ma mwena handru tiri lau mari badu kon loboho Esiya.


Iri lau mwan ma badih ta Kindrei badu bolo kon tinan Esiya tiye sekesek tiri ewek taha. Akwila uru Prisila hawe iri lau mwan ma badih ta Kindrei badeh, atukum ala le asiu turu, eme iri tiye sekesek tiri tinan ewek taha in ta nyara Laban.


Ahi atorou sahou dah ewek taha. Tasah, ahi anya aha kameh katanan ta iri maha-an doh mene asahan tahi udu bada kon Esiya. Maha-an tinan labai mene ati-i ahi, ma tihisi boto-on tahi. Eme ma ahi abudon i buku: Ahi kameh amak na dah.


Sebwe ou ndratanam, mirihik iri mwan ma badih marakon ta Kindrei badu kon tinan Esiya, iri badeh, ndraruwani jo. Pigelus hawe Hermogenes ale ndraruwani jo.


Jo Pita, jo aposel ta Jises Krais, jo atorou la-ukei dah ewek taha lau mwan hawe badih handru ta Kindrei. Aha ndraseker i buku iri lau ta ateheh areu bolo kon munyak tinan tiri Pontus, Galesiya, Kapadosiya, Esiya, ma hawe Bitiniya.


Ma iy asehek i buku doh, “Lakou mara-ei, ou anyolom, ou torowenei kili bolo buk, ano ou atehei kili tiri mwan ma badih ado kon ma ndro taloh udu bolo Esiya. Ou atehei ari, ari kili tiri kon mara-ei doh: Epesus, Semena, Pegamum, Tayataira, Sadis, Piladelpiya ma Leyodisiya.”


Jo Jon, jo atorou sahou dah ewek taha mwan ma badih ta Kindrei badu kon ma ndro taloh udu bada kon tinan Esiya. Jo anya kedeu bada-an mwasin kewek taha ta nyara Kindrei. Na len dah iy udu hawe taha kada-ah, bwena, bwena iy udu aliy ale, ma hamon kameh iy eme hawe taha. Ma jo anya kedeu bada-an mwasin kewek taha ale ta nyara malawin mwasin ma ndro taloh, na len mara-ei oro manyah ado mirihik ta koyeu ta Kindrei. Ma jo anya kedeu bada-an kewek taha ale in ta nyara Jises Krais, iy ta atiye iri sahou marakon ta Kindrei. Iy le ari badeh, amak udu bolo lek tan eme awas ja ma mwena handru ta lau mara-ei. Ma iy asahan tinan ja tiri kabin marakon ado kon munyak. Tikisiy ma manyah mwasin ta Kindrei uru nadun Jises hawe Malawin Ndrabun badeh, kudu hawe aha. Jises Krais badeh, aso-ok taha mwan ma badih tinan labai, ma ta ndrayen amou udu bada kei tondreh eme andri, ma ndrasikinei kandriyen ndra-in tataha mara-ei ndra-au.


Lean sinn:

Sanasan


Sanasan