Aposel 2:4 - Nyindrou

⁴ Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Aposel 2:4 Iomraidhean Croise

Metiu 10:19

Buku none iri atehei ado ala ta mada sahou, ado sabwerei, ta saba san ado kasehek sahou, ma ta saba sahou kameh ado kasehek. Ado sabudon sandra-i, ndri-iy. Na len doh amwenen kameh Kindrei leheya ado ta saba sahou kameh asahan boho ado ta ado asehek.

Tarou ta Mak 16:17

Idah kameh kalem asahan ta are lau budon tan handru in ta aliy. Na boto-on ta nyarak le, iri kameh atikah malawin ndra-in iu, ma idah kameh iri asehek boho kon rakon ja nane iri tana iri bwena bwe.

Tarou ta Luk 1:15

Ya udu mada Kindrei, iy kameh asahan ndramak ari tinan handru. Iy sa-un waen hawe gwa boto-on, ndri-iy labai. Atehei iy eme len le badeh, iy kameh idih na Malawin Ndrabun.

Tarou ta Luk 1:41

Eme Elisabet anuhun sahou sekesek ta Mariya, ma nah udu ndrinen nyokolokon. Eme Elisabet idih na Malawin Ndrabun,

Tarou ta Luk 1:67

Ano tama Jon Sekaraya idih na Malawin Ndrabun, ma iy asehek sahou ta lele.

Tarou ta Luk 12:12

Na le bolo len doh kameh Malawin Ndrabun kameh leheya ou ta sahou ou kameh asehek.”

Tarou ta Luk 21:15

Jo le kameh edeu sahou hawe budon mwasin ewek tado, ya iri lau kameh winiyan bandres ma tebelese budon nane jo edeu ewek tado ta atiye bwe. Ma winiyan babisini sahou tado bwe.

Tarou ta Luk 4:1

Ano Jises udu gwa Jodan eme loken le badeh, iy idih na boto-on ta Malawin Ndrabun. Eme Malawin Ndrabun andrei iy iu ili kon lomale an.

Tarou ta Jon 14:26

Seben badeh, Malawin Ndrabun. Tama kameh suni iy eme in ta bwele-e nyarak. Iy kameh leheya aha ta iri lakou marakon, ma amekes iri budon taha kudu tiri lakou mene jo ndrasehek ndrawek taha.

Tarou ta Jon 20:22

Ano iy aluhi kohan ili bwele-e oro, ma iy anya, “Malawin Ndrabun ndrawek bolo ndrine ado.

Aposel 1:5

Tasah, Jon mene inyu ado na gwa, arile len rayah iu, ano kameh, ado anyu na Malawin Ndrabun.”

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 10:46

Tasah, oro anuhun iri badeh, asehek boho kon rakon labai ja, ma atudun Kindrei. Ano Pita anya,

Aposel 10:47

“Are lau handru winiyan tawi oro lau doh, ta salomwa oro na gwa? Oro badeh, ndrakohok Malawin Ndrabun i le buku aso mene.”

Aposel 11:15

“Ya jo asehek sahou i toro le badeh, Malawin Ndrabun eme la-u oro i buku none asahan eme la-u to ma mwena mene.

Aposel 11:24

Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

Aposel 13:52

Ma iri lau atehei budon tiri handru in ta Laban ado Antiyok badeh, adah na sekesek ma na Malawin Ndrabun.

Aposel 13:9

Arile, nyara Sol ari ja badeh, Pol, iy idih na boto-on ta Malawin Ndrabun, anyolom boto-on i ta Elimas, ma iy tiye i tan anya,

Aposel 15:8

Eme ya Kindrei badeh, tanan ndrine iri ma leheyani iy aseken iri i san ta iy atehei Malawin Ndrabun i tiri, i buku none iy amekes eme tato mene.

Aposel 19:6

Eme na len Pol edeu limen i la-u oro badeh, ma Malawin Ndrabun eme la-u oro, ma oro asehek boho kon rakon ja, randrah labai ma asehek sahou i buku iri propet.

Aposel 2:11

Ma to badeh, Juwis hawe oro lau badu leheleh ala a-en hamon ta leheya tiri Juwis; ma hawe to lau rayah badu busu Krit hawe badu kon munyak tinan Arabiya; badeh, to mari anuhun sahou nyarahan ta lahou tinan ta Kindrei oro asehek i boho kon ta to amwenen.”

Aposel 2:3

Eme oro anyolom jih anya eme andri, ma weleyaniy i la-u oro ari ari.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Aposel 4:8

Eme Pita idih na Malawin Ndrabun badeh, ma iy tiye i tiri, “Ado lau ta atondrok, hawe ado lau-en tiri lau!

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Aposel 6:8

Stiben badeh, Kindrei nyosowani iy tinan labai, ma atehei boto-on i tan ta amekes kalem tinan hawe amekes lahou tinan, udu bolo iri lau.

Aposel 7:55

Arile Stiben badeh, idih handru na Malawin Ndrabun, ya eme iy suri madan ili bolo kandrah, ma iy anyolom lomadan ta Kindrei, ma anyolom Jises ales udu loboho lim salin ta Kindrei.

Aposel 8:17

Ano Pita uru Jon atehei mine uru i la-u oro, ma oro adah na Malawin Ndrabun.

Aposel 9:17

Ano Ananayas ili, ma iy ales ili bolo asiu badeh, atehei minen i bwele-e Sol ma iy anya, “Sol ou nadu tine, Laban Jises amwenen suni jo eme hawem; iy le mene adeh asahan hawem udu san ta ou ame dah. Iy suni jo eme dah badeh, ta amekes madam kanyolom kon ja, ma iy aso-ok ou adah na Malawin Ndrabun.”

La-ukei ta Pol atorou ili tiri lau badu kon Rom 15:13

Ya jo aseken Kindrei, ndramak ta edeu lakou mwasin, kamesekei bolo oda aha kidih na sekesek, ma hawe oda aha kudu mwasin ki-in hamon ta budon taha handru in tan. Ya eme ma budon taha kameh abadok ta anyolom bohon i bwena ta lakou mwasin na boto-on ta Malawin Ndrabun.

1 Korin 12:10

Ta iy ari ja badeh, iy edeu boto-on ta amekes lahou tinan ma kalem. Ta iy ari ja badeh, iy edeu ndramas ta asehek sahou buku propet. Ya, iy ari ja akohok ndramas ta seleya iri malawin marakon, ta Kindrei, deh bwe. Iy ari badeh, akohok ndramas ta asehek boho kon randrah labai ja. Iy ari ja akohok ndramas ta tobolowe iri boho kon doh, ma asehek ili tiri lau ta Kindrei.

1 Korin 13:1

I buku jo kasehek sahou kili tiri lau mwan ma badih kili boho kon ta lau marakon, ma boho kon tiri angelo ale, arile jo batehei ndrinek mwasin bala tiri bwe, idah kameh jo i buku nyaro ndran, iri adi laleyah, ari moson bwe.

1 Korin 13:8

Kandriyen ta aso-ok ndramak ari, ari badeh, winiya bano bwe. Arile, sahou iri propet asehek kameh ano. Iri ndramas ta asehek boho kon randrah ja kameh ano, ma hawe iri tanan tiri lau marakon kameh ano ale.

1 Korin 14:18

Jo Pol, jo edeu wurah i ta Kindrei ta jo winiyan asehek boho kon rakon ja, aha winiyan basehek bala buku jo asehek bwe.

1 Korin 14:5

Jo Pol, jo aso-ok aha lau marakon ki tana aha ta asehek iri boho kon rakon ja. Arile, lakou ari jo aso-ok tinan labai ja badeh, ta aha katiye sahou ta Kindrei. Are lau iy tanan boho iri kon rakon ja, iy katobolowe iri sahou, idah kameh iri lau ta Kindrei winiya akohok boto-on ta iri sahou tan. Buku iy batobolowe iri sahou bwe, iy kameh winiya basahan bala buku ndramak ale atiye sahou ta Kindrei, bwe. Ndramak ta atiye sahou ta Kindrei kameh asahan bwena le ai. Tasah, sahou tan badeh irih, ma atadau iri lau ta Kindrei ta adeu budon tiri handru i tan.

Epesus 3:19

Ya, jo aso-ok aha katanan handru ta tikisiy ta Krais, iy udu bwele-e iri budon tiri mwan ma badih mari. Ma jo aso-ok Kindrei kanyuhi aha na iri lakou iy winiyan atehei ewek ta koha aha, ma aha kameh winiyan arek handru ta aliy.

Epesus 5:18

Aha sa-un waen solo-an ta amekes aha abo lolo-ou. Arile aha badeh, kadih mara-ei na le Malawin Ndrabun.

Epesus 6:18

Iri lakou doh, aha kamekes hawe salom, ma kandremenya Kindrei ta aseben aha. Aha badeh, kasolom ta iri lakou marakon aha amekes, na boto-on ta Malawin Ndrabun. Ma aha ale katehei ndrokei kamwenen labai, ma aha winiyan bajos bwe. Len marakon aha kasolom ta aseben iri mwan ma badih ta Kindrei.

1 Pita 1:12

Arile, Kindrei leheyani iri propet, ta sahou oro asehek na boho oro, idoh winiyan basahan na len iri ado kon munyak dah, ma lakou nane doh kameh aseben iri bwe. Iy tiye toro ta saba lakou kameh asahan na bolo len hamon tiri mwan ma badih basahan kon munyak bwe le. Iri propet badeh, asehek sahou ta nyala iri lakou kameh asahan nadah, aha ndranuhun sahou mwasin badu boho iri lau mene ndrame ndrasehek taha ta aliy. Malawin Ndrabun ta Kindrei badeh, udu kandrah eme andri kon munyak, ma i la-u iri lau tan, ma iri ame atiye sahou mwasin doh kewek taha. Iri angelo badu kandrah ale, aso-ok labai ta akohok tanan ta kati sahou mwasin ta Krais.

2 Pita 1:21

Tasah, oro propet batorou ari sahou buku ari ndramak awas asehek bwe. Arile, oro atorou sahou doh na tanan ta Malawin Ndrabun aseben oro.