Biblia Todo Logo
Bìoball air-loidhne

- Sanasan -




Aposel 2:10 - Nyindrou

10 Ma to badeh, badu kon munyak tinan Prijiya, Pampiliya, Ijip, hawe kon rayah badu Libiya udu mirihik ta kon Sairini. Ma udu ndrokowa to badeh, iri lau badu Rom adek ame dah ale.

Faic an caibideil Dèan lethbhreac




Aposel 2:10
34 Iomraidhean Croise  

Eme ya Kenan badeh nyamon bwe, eme iri akohok andra-i labai, eme badeh Abram iu i andri manyah sese udu loboho kum ta Ijip.


Iy udu gwek winiya le kabin Herot imek, ma idah mesekei sahou asahan handru ma amwenen le i buku Laban ndrasihidiy i ta propet: “Jo aloh naduk eme len ta Ijip.” Hoseya 11:1


“Ado lau tanan ta batanau malen ma ado Parasi, ado kabudon kamwenen! Sisi-in laba tinan doh kameh ewek bwele-e ado! Ado kalime ado la-uh! Ado adek bolo kon ma bwele-e ndras mari ta amekes ndramak ari le ta in hamon taha. Ya buku none iy in hamon taha, ado mesekei iy ndramak ta i bolo jih, i buku none ado le. Ado mesekei kandriyen tan asahan ndra-in, sakalawi tado ja.


Oro adek au ala len, oro ndruni ndramak ari badu Sairini nyaran Saimon. Oro lau ta bahun andrekei iy bwese-ei kei tondreh ta Jises.


Eme iri adek ala badeh, iri ndruni ndramak ari nyaran Saimon badu Sairini. Iy badeh, edek udu kon munyak tinan eme, ya iy badeh, tama Aleksandra ma hawe Rupus. Eme iri andrekei iy bwese-ei kei tondreh ta Jises.


Arile, oro lau rayah badeh, badu Sairini hawe badu Saipres ala Antiyok atiye sahou i tiri lau badu Grik ale ta nyala sahou mwasin nyala Laban Jises Krais.


Udu bolo iri lau atehei budon tiri handru in ta Kindrei badu Antiyok badeh, iri propet rayah, ma hawe iri lau ta leheya rayah ale ado aliy. Nyara oro badeh, Banabas, Simiyon iri aloh iy Nijer, Lusiyus badu Sairini, hawe Mana-en iy mene asahan kawas ta kabin Herot na len iy atondrok kon, ma hawe Sol.


Eme Pol hawe uru lau badu hawen ruwani Papos, ya oro alakak au ala kon Pega. Pega doh udu bolo kon munyak tinan Pampiliya. Udu doh badeh, Jon ruwani uru ma iy iu i hamon ili Jerusalem.


Eme ma, iri lau au, arile iri Juwis hawe iri lau badu leheleh mene ndra-en hamon ta kandriyen tiri Juwis badeh, a-en hamon ta Pol uru Banabas. Uru aposel ame batanau iri i buku doh, “Aha badeh, kabadok ta bolo manyah mwasin ma tikisiy nane Kindrei ndratehei ndrame tataha.”


Ya udu hamon ta uru ala loboho Pisidiya, badeh, uru ame bolo kon munyak tinan Pampiliya.


Arile, Pol anya, idoh budon mwasin ta iy kili hawe uru bwe, tasah iy badeh, ndraruwani uru ma gok oro anya kamekes na len oro ala atiye sahou ili Pampiliya.


Eme Pol hawe oro lau badu hawen, adek ala loboho kon munyak tinan Prijiya hawe Galesiya. Oro badeh, batiye sahou bala bolo kon tinan badu Esiya bwe. Tasah, Malawin Ndrabun badeh, tiye oro sala.


(Eme iri lau mari badu kon Atens ma hawe lau badu leheleh manyah ado doh, na len mari badeh, bamekes se ari lahou bwe. Iri badeh, asehek nyala tanan doh ma anuhun tanan ha-un doh.)


Iy udu Korin udu gwek badeh, iy ndruni ndramak ari badu Juwis nyaran Akwila, ya tinen atehei iy eme len udu kon munyak tinan Pontus. Iy hawe udun Prisila uru barado Itali barame ai. Tasah, Sisa Klodiyas tiye sahou boto-on i tiri Juwis ado kon tinan Rom badeh, ka-au.


Ano, hamon ta iy udu Antiyok sese, Pol udu doh edek ili rakon ili rakon udu bolo kon munyak tinan Galesiya ma Prijiya batanau iri lau ta budon handru kabadok.


Ma to badeh, Juwis hawe oro lau badu leheleh ala a-en hamon ta leheya tiri Juwis; ma hawe to lau rayah badu busu Krit hawe badu kon munyak tinan Arabiya; badeh, to mari anuhun sahou nyarahan ta lahou tinan ta Kindrei oro asehek i boho kon ta to amwenen.”


Udu, i ben ari ja badeh, Laban eme ales ere mirihik ta Pol, ma iy asehek sahou i tan anya, “Ou abadok ma ou sanoh, ou badeh, ndraleheyani nyarak ndrala bolo kon tinan Jerusalem, ma ou kameh winiyan amekes i buku le aliy kameh, udu kon tinan Rom ale.”


Ahi ame apou bayau ala bilisiu mirihik ta kon munyak tinan Silisiya, ma Pampiliya, ano ahi asahan Maira udu loboho kon tinan Lisiya.


Iri lau ta Kindrei badu Rom anuhun, buku ahi adek ala, eme iri adek ame mada baen ta Apiyus, ma kon iri aloh Asiu Ma Taloh Ta Amunyau, atondrok ahi are aliy. Pol anyolom iri le badeh, ma iy edeu wurah tinan labai i ta Kindrei, ma bwidi ndrinen sekesek labai.


Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.


Arile, iri lau rayah suri iri badeh, andresei iy. Oro lau doh badeh, badu asiu ta atukum tiri Juwis, ya oro lau nane doh badu boho kamen iri aloh, “Kamen tiri salibah.” Ya, iri lau doh badeh, iri Juwis badu kon tinan Aleksandriya ya kon tinan Sairini. Oro rayah ja badeh, oro Juwis badu kon munyak tinan Silisiya hawe badu bada kon munyak tinan Esiya atukum hawe oro ta tebelese hawe Stiben.


Ya eme ta katin le doh, jo aseken labai ta atiye sahou mwasin ta nyala Krais ki taha lau mari manyah ado Rom badeh.


Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.


Arile, na len iy isos Rom, iy asa-ar labai ta asilah jo winiya le iy baranyolom jo.


Bada kei turu lau ma la-uh doh kameh i tondreh in san tinan ta kon tinan, taha asehek sahou sokek ma taha aloh nyara kon doh, Sodom ma Ijip, kon doh mene iri adi Laban turu udu aliy.


Lean sinn:

Sanasan


Sanasan