Aposel 18:4 - Nyindrou

⁴ Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Aposel 18:4 Iomraidhean Croise

2 Korin 5:11

Taha ndratanan, hamon kameh Krais aleben iri lakou marakon taha amekes mwena ndra-au. Eme ma taha anoh tinan labai, eme ma ahi amekes gok ta ariu budon tiri mwan ma badih katehei budon tiri kili le ta sahou mwasin. Kindrei badeh, tanan budon tataha ma iy tanan ndrine taha handru. Eme ma, ahi atehei budon tahi i buku doh: Aha mwan ma badih badu kon Korin tanan, ahi bamekes kandriyen ta wendreya bawek taha bwe.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 17:17

Ya eme Pol ili bolo asiu ta atukum andres hawe oro Juwis ma hawe iri lau badu Grik ala atudun Kindrei. Ma hawe udu mada lau mari na len mari udu ndrahu tukum ta lau.

Aposel 26:28

Agripa eme ndremenya Pol i buku doh, “Buku sah handru? Ya, na bolo len sese le dah, ou abudon anya, ou kameh winiyan andrekei jo asahan ‘Kristen’ nadeh?”

Aposel 19:26

Iy lau Pol kede-eh, iy ndraluwi iri mwan ma badih solo-an. Iy ndrabolowani budon tiri, i buku ado ndranyolom ma ndranuhun. Ma iy bamekes kandriyen doh bado kon tinan Epesus dah le, bwe. Mirihik andrei loboho kon tinan Esiya ale. Iy asehek buku iri kindrei, lau amekes na lim, idoh kindrei handru bwe.

Aposel 19:8

Udu bolo bun taloh badeh, Pol ili ndrahu tukum tiri Juwis asehek sahou nyarahan labai, ma andres boto-on ta aliu budon tiri ta nyala bolo tondrok ta Kindrei.

Aposel 18:13

Eme iri anya, “Iy ndramak dah badeh, ndraluwi budon tiri lau ta atudun Kindrei i san ta kandriyen randrah labai ja, ya idoh bamwenen ta kandriyen malen bwe.”

Aposel 17:11

Ya eme iri lau badu doh badeh, budon tiri aleu labai ja tiri lau badu Tesalonaika. Tasah, iri badeh, atehei ndranye iri ta anuhun sahou tinan labai, ma na len mari mada iri udu ta tarou anya kanyolom Pol asehek sahou handru deh wasai.

Aposel 13:14

Ano Banabas uru Sol ado Pega ala Antiyok, kon udu loboho Pisidiya. Eme na len ta amunyau, uru ala ndrahu atukum tiri Juwis, ma uru manyah ado aliy.

Tarou ta Luk 16:31

“Arile, Abraham tiye tan anya, ‘I buku none oro banuhun sahou ta Moses hawe sahou tiri propet bwe, idah kameh oro winiyan banuhun sahou ta su-u udu bolo lek tan amak eme loke, bwe ale.’ ”

Tarou ta Luk 4:16

Ano Jises iu i hamon ja ili Nasaret, kon mene iy i tinan udu aliy. Eme i buku none len ta amunyau mari ndra-au, eme na len ta amunyau dah ja, Jises ili bolo asiu ta atukum tiri Juwis.

Jenesis 9:27

Ya Kindrei badeh mwesekei kane Jepet ki sola! Ya lundriyen badeh kamanyah kado hawe lau ta Sem oro. Ya Kenan badeh ki bonyo-ou ta Jepet.”

Tarou ta Jon 7:35

Iri Juwis rayah asehek amunum le ili tiri ari ari i buku doh, “Iy ndramak kede-eh anya iy kameh ili kon rakon doh, kameh taha winiyan basilahei iy bwe. Iy kameh ilih saba kon handru? Kora-on iy ki-iu kili bolo kon tinan tiri Grik, iri lau tataha rayah ado aliy? Kora-on iy kili kaleheya iri nadeh?

Aposel 9:20

Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 18:19

Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.