Aposel 18:3 - Nyindrou

³ Eme Pol edek ili selesen uru ma iy udu hawe uru amekes lahou ta asereh asiu balei, tasah lahou turu doh badeh i se buku lahou tan amwenen.

Aposel 18:3 Iomraidhean Croise

1 Korin 4:12

Ahi amekes iri gok marakon badeh, na le boto-on ta mine ahi, iri bobose ma sondrokonya ahi, arile ahi ndremenya Kindrei ta amekes mwasin kili tiri, iri amekes ndra-in ja eme tahi, arile ahi ado le bwese iri maha-an marakon le doh.

1 Korin 9:14

Idoh i buku Kindrei asehek sahou batanau doh eme tataha: Buku are lau ta atiye sahou tan, iy kakohok iri seben badu tiri lau nane anuhun sahou mwasin.

1 Korin 9:15

Arile jo amwenen winiya bamekes iri kandriyen nane ale Kindrei tiye jo winiyan ta amekes, bwe. Ma jo batorou iri sahou dah, ta akohok ari lakou taha bwe ale. Mwasin badeh, jo kimek bwena op. Jo asehek i buku doh, tasah, kandriyen tek amwenen badeh, jo tanan ta akohok lakou ta ari mwan o badih, bwe. Ma jo baso-ok ari mwan o badih keme kandrei kati sekesek tek dah ja bwe.

1 Korin 9:18

Ya, saba lakou kameh i nyara ndramas tek? Iri lakou ale jo winiya akohok ta gok tek ta atiye sahou mwasin, idoh badeh, jo bakohok bwe. Tasah, jo badeh, sekesek le ta asehek sahou mwasin ili ta lau marakon, ari sihinek bwe. Ya iri sekesek nane jo akohok, idoh i buku ndramas tek ai.

2 Korin 11:7

Udu bolo len mwena jo atiye sahou mwasin ta Kindrei ewek taha, jo bandremenya aha ta luk ta amekes gok dah bwe. Jo amwenen atehei jo ili andri mara-ei ta amekes gok ta atudun aha. Sebwe kandriyen, jo amekes doh, ndra-in nadeh?

2 Korin 11:9

Eme ma, buku bwena mene jo udu hawe aha, jo tek ari lakou bwe, jo batehei maha-an bala ta ari mwan o badih taha bwe. Iri nadu tine taha, iri lau ta Kindrei badu Masadoniya ame asahan Korin, iri badeh, atondrok jo ta lakou mara-ei, buku tek ano mara-ei. Jo badeh, abudon boto-on labai, ta jo bwalek edeu ari maha-an ewek taha ja. Ma jo badeh, in hamon ta budon doh le kahis.

2 Korin 12:13

Jo mene amekes kandriyen le dah ewek taha, jo amekes ili tiri lau ta Kindrei rayah ale are laleyah. Arile, sebwe kandriyen tek ndra-in nadeh! Tasah, jo badeu ari maha-an bawek taha bwe, ma jo amwenen ale bandrek aha ta luk ta amekes gok dah bwe le. Arile, mwasin, aha kamani iri “lakou ndra-in” nane doh jo mesekei ndrawek taha!

1 Tesalonaika 2:9

Aha nadu tine aso, aha tanan sahou dah handru labai. Aha tanan, lahou marakon aso ndramesekei, udu bolo len mene aso ame atiye sahou mwasin ta Kindrei eme taha, aso ame dah ta ariu nyamon taha bwe. Eme ma, aso amekes gok boto-on, ma aso asa-ar na len hawe ben, ma ta atondrok aso ta iri lakou marakon.

1 Tesalonaika 4:11

Ma aha kabudon boto-on ta aha kamanyah kamwenen kado le, ma ka-en hamon ta gok taha amwenen. Ya aha kamekes gok na mine aha, ma katondrok aha amwenen, buku bwena mene aso ndrasehek boto-on ndrawek taha.