Aposel 18:2 - Nyindrou

² Iy udu Korin udu gwek badeh, iy ndruni ndramak ari badu Juwis nyaran Akwila, ya tinen atehei iy eme len udu kon munyak tinan Pontus. Iy hawe udun Prisila uru barado Itali barame ai. Tasah, Sisa Klodiyas tiye sahou boto-on i tiri Juwis ado kon tinan Rom badeh, ka-au.

Aposel 18:2 Iomraidhean Croise

Aposel 11:28

Eme iy ari badu hawe oro badeh, nyaran Agabus, ales ere loken asehek sahou na boto-on ta Malawin Ndrabun anya, “Idah kameh, kon mari badu loboho tondrok ta Rom kameh nyamon bwe.” Idoh badeh, asahan na len Klodiyas atondrok kon).

Aposel 18:18

Eme Pol udu Korin udu gwek luwen sese. Ano iy ruwani nadu tinen oro ado gwek, ya iy ili kon Senkriya anya kalakak kala Siriya, ma Prisila uru Akwila a hawen ale. Iy ba-au bwe le badeh, iy udu Senkriya asiki batun iu tasah tandrakan tan mene ndrano.

Aposel 18:26

Eme iy asehek sahou nyarahan nyarahan udu ndrahu tukum tiri Juwis. Eme Prisila uru anuhun iy badeh, uru kuhi iy eme asiu turu ma leheya iy amwenen na bolo sahou ta Kindrei le gwek.

Aposel 2:9

To badeh, badu kon munyak tinan Partiya, Midiya, ma Elam. To ale badu kon munyak tinan Mesopotemiya, Judiya, Kapadosiya, Pontus hawe Esiya.

Aposel 27:1

Iri atilik nyala iri ano, eme ma nyala iri ndra le randra, ta aso kakohok ndron ta ala kon tinan Rom udu bolo munyak tinan Itali. Iri ame atehei Pol ili hawe iri lau rayah ja nane badu bolo asiu lulik, i mine tinan ari nyaran Juliyus. Iy ta atondrok iri lau ta bahun, kane iri ma rinek (100). Iy badu hawe iri lau ta bahun ta Sisa amwenen.

Aposel 27:6

Ahi are doh badeh, tinan ta atondrok lau ta bahun ili atou ndron ra-ei badu Aleksandriya anya kili Itali. Eme ma iy atehei ahi ala bolo ndron doh ja.

1 Korin 16:19

Iri lau mwan ma badih ta Kindrei badu bolo kon tinan Esiya tiye sekesek tiri ewek taha. Akwila uru Prisila hawe iri lau mwan ma badih ta Kindrei badeh, atukum ala le asiu turu, eme iri tiye sekesek tiri tinan ewek taha in ta nyara Laban.

2 Timoti 4:19

Ou tiyani bada-an tek kili ta Prisila uru Akwila, ma kili ta lowa Onesiporus oro.

Hiburu 13:24

Aha katiye sekesek taru ma la-uh kili tiri lau ta Kindrei a-en mwena taha, ma hawe iri lau mwan ma badih marakon ta Kindrei. Iri lau badu kon munyak tinan Itali tiye sekesek tiri ewek taha ale.

1 Pita 1:1

Jo Pita, jo aposel ta Jises Krais, jo atorou la-ukei dah ewek taha lau mwan hawe badih handru ta Kindrei. Aha ndraseker i buku iri lau ta ateheh areu bolo kon munyak tinan tiri Pontus, Galesiya, Kapadosiya, Esiya, ma hawe Bitiniya.