Aposel 16:9 - Nyindrou

⁹ Eme na ben badeh, lele asahan ta Pol ma iy anyolom ndramak ari badu kon Masadoniya ales indrek iy anya, “Ou ame Masadoniya, ma aseben aso.”

Aposel 16:9 Iomraidhean Croise

Aposel 19:21

Ano udu hamon ta lahou mari doh asahan badeh, Pol amekes budon tan ta anya kili Jerusalem. Iy kameh edek ili bolo kon Masadoniya ma Akaya. Eme iy anya, “Jo ili oro kon doh ano, udu hamon ta aliy badeh, jo kili kaselesen Rom ale.”

Aposel 18:5

Eme na len Timoti uru Sailas ado Masadoniya ame badeh, Pol eme ruwani lahou tan ta asereh asiu balei, ma atehei budon tan ihis labai ta atiye sahou i tiri Juwis ta Jises badeh, iy Krais handru, ndramak Kindrei atehei iy ta akohok iri lau tan ame hamon.

La-ukei ta Pol atorou ili tiri lau badu kon Rom 15:26

Tasah, iri lau ta budon handru i ta Kindrei badu kon Masadoniya hawe badu kon Akaya badeh, sekesek handru ta atukum lakou ta aseben oro lau ta Kindrei ado Jerusalem, oro badeh, andriliu ta lakou.

Aposel 20:1

Udu hamon ta sarakau tiri ano badeh, Pol suni sahou i toro lau atehei budon toro handru in ta Kindrei ame. Ya eme iy batanau oro. Ano ma iy edek iu ili Masadoniya.

1 Tesalonaika 4:10

Ya, idoh handru, aha leheya kandriyen ta aso-ok labai iri nadu tine aha iri, i tiri lau badu loboho kon tinan mara-ei udu bolo Masadoniya. Idoh mwasin, arile ahi asehek sahou boto-on ewek taha nadu tine ahi: Aha ka-en le hamon ta kandriyen doh, kamwenen kili le ai.

2 Korin 12:7

Ya, lakou nane Kindrei leheya eme tek doh badeh, laba tinan labai. Eme ma, iy bwalen jo atudun nyarak ili loken labai mara-ei. Eme ma, iy atehei sik ari eme badak. Sik doh bokoro-ei jo i buku bodo lakou madan, madan tatahi ndramak. Sik doh, i buku ndramak ta balik ari, iy eme ta a-um jo ma tolomwa jo, ta jo satudun nyarak.

2 Korin 11:9

Eme ma, buku bwena mene jo udu hawe aha, jo tek ari lakou bwe, jo batehei maha-an bala ta ari mwan o badih taha bwe. Iri nadu tine taha, iri lau ta Kindrei badu Masadoniya ame asahan Korin, iri badeh, atondrok jo ta lakou mara-ei, buku tek ano mara-ei. Jo badeh, abudon boto-on labai, ta jo bwalek edeu ari maha-an ewek taha ja. Ma jo badeh, in hamon ta budon doh le kahis.

2 Korin 9:2

Tasah, jo ndratanan, aha badeh, aso-ok ta amekes gok dah, ta atukum ma adeu luk ta aseben iri. Eme ma, len mara-ei jo atudun nyara aha, ma tiye iri lau ta Kindrei badu kon tinan Masadoniya. Jo tiye tiri i buku doh: “Na jaha mene ndra-au, iri lau badu Akaya lokowani iri ta amekes gok ta atukum luk.” Ma iri anuhun sahou ta aha amekes gok dah ta aseben iri lau badu Judiya, ma suri ndrine iri lau solo-an badu Masadoniya amekes ale.

2 Korin 8:1

Aha nadu tine aso i san ta Krais. Aso anya katiye tanan ta kandriyen mwasin ma tikisiy, Kindrei mene edeu ili tiri lau tan, mwan ma badih, are bada kon Masadoniya.

2 Korin 7:5

Ehe, idoh handru. Na len aso ala asahan bada kon tinan Masadoniya, manyah taso bado mwasin bwe. Tasah, maha-an solo-an labai asahan taso. Ma loboho doh ale, iri mwan ma badih rayah ame tebelese hawe aso, ma bwidi ndrine aso inoh.

Aposel 20:3

Eme iy udu kon tiri Grik doh udu gwek winiya bun taloh. Eme iy alokou iy ta anya kalakak kili Siriya, arile iy anuhun yoyou, ta iri Juwis badeh, atilik nyala iri ta kadi iy. Ma eme iy bala bwai, iy ili hamon ili Masadoniya.

Aposel 10:30

Eme Koniliyus anya, “Len hahuw mene ndra-au, na mada an taloh na beyeh badeh, jo udu asiu tek asolom. Nawin bwe badeh, ndramak ari asini awin belen nyikadin, ales udu bwena tek,

Aposel 10:3

Eme na beyeh ari, mada an taloh badeh, iy amekes lele. Eme iy anyolom angelo ta Kindrei ari eme asahan hawen anya, “Koniliyus, ei!”

Aposel 9:38

Lida doh badeh, udu mirihik ta Jopa. Ya eme oro lau ta Jises anuhun Pita badeh, udu Lida. Eme oro suni uru lau la-uh badeh, ala andrek iy anya, “Ou ame suwi.”

Aposel 16:10

Eme ya Pol anyolom lele doh ano le badeh, aso alokou aso i le rasan, ta aso kala Masadoniya. Tasah, aso tanan Kindrei badeh, aloh aso kala katiye sahou mwasin ki tiri.

Aposel 16:12

Ya eme udu doh badeh, aso adek ala lokei ala Pilipai. Kon doh badeh, kon ari tinan labai udu bolo kon munyak tinan Masadoniya, ya iri Rom atondrok kon doh. Eme aso ado doh len sabe sese.

Aposel 19:22

Eme ma, iy suni uru lau ta aseben iy, Timoti uru Erastus ala Masadoniya. Iy le badeh, udu kon munyak tinan Esiya udu gwek luluwen sese.

Aposel 19:29

Eme se nawin bwe, lau mari badu bolo kon tinan mari sarakau. Eme iri tawi uru lau ta Pol ma la-uh. Gayus uru Aristakus, uru badu Masadoniya, ya iri seheyani uru ala lohalak ndrahu tukum ta lau mari.

Aposel 27:2

Ahi sandroh ala ndron ra-ei badu kon tinan Adramitiyum. Ndron doh anya kalakak lawe-e le bada kon tinan mara-ei loboho Esiya. Eme ma ahi alakak au a len. Ndramak ari nyaran Aristakus, badu Tesalonaika udu bolo kon munyak tinan Masadoniya badeh, udu bolo ahi ale.