Aposel 15:3 - Nyindrou

³ Ya eme iri lau ta Kindrei badeh, suni uru au. Ya udu bolo tekedek turu badeh, uru ala bolo kon Ponisiya ma bolo kon Samariya asehek nyala iri ta iri lau badu leheleh badeh, ndratubuni ndrine iri ta kandriyen ndra-in. Eme sahou mwasin doh badeh mesekei iri lau ta budon handru sekesek laba tinan labai.

Aposel 15:3 Iomraidhean Croise

Tarou ta Luk 15:32

Arile, naduk, to badeh, kasekesek hawe kamekes nyiminyen, tasah aso anya iy mene ndramak, arile iy bamak bwe; iy mene amai, arile iy ndrasahan ja!’”

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 13:48

Eme na len doh iri lau badu leheleh anuhun sahou doh badeh, iri sekesek ma atudun sahou ta Laban. Eme oro lau le Kindrei ndralebelei oro ta akohok koha oro ta udu le buku doh badeh, atehei budon toro handru i ta Kindrei.

Aposel 13:52

Ma iri lau atehei budon tiri handru in ta Laban ado Antiyok badeh, adah na sekesek ma na Malawin Ndrabun.

Aposel 14:27

Eme uru ala asos Antiyok badeh, uru nyuruwini iri lau ta Kindrei atukum, ma tiye i tiri ta lahou mari Kindrei ndramesekei na mine uru, ma i buku sah Kindrei ndrasihi san ndra tiri lau badu leheleh ta budon handru.

Aposel 15:1

Oro lau rayah ado Judiya badeh, ame andri kon Antiyok, ma eme oro leheya iri lau ta budon handru anya, “Ado badeh, winiyan bado mwasin bwe, i buku none ado basan ku-i ado bwe. Idoh badeh, in hamon ta batanau ta Moses tiye.”

Aposel 15:12

Eme iri lau mari badeh, andru-uk ado le anuhun Banabas uru Pol asehek sahou ta nyala kalem ma lahou tinan mene Kindrei amekes udu ndrokowa iri lau badu leheleh na mine uru.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Aposel 15:32

Ya eme Judas uru Sailas badeh, propet ale, eme uru asehek sahou nyarahan labai, ta amekes iri nadu tine uru kabadok ale.

Aposel 15:4

Eme, na len uru ame Jerusalem badeh, iri lau ta Kindrei ma hawe iri aposel ma hawe iri batun tiri lau ta Kindrei sekesek handru turu ame hawe iri. Eme uru asehek i tiri ta nyala iri lakou mari Kindrei ndramesekei na mine uru.

Aposel 17:15

Eme oro lau ala hawe Pol badeh, tiyani iy ili isos Atens, ano oro ame hamon ma tuwi sahou ta tiye i ta Sailas uru Timoti, ta uru kame hawen, suwi suwi.

Aposel 20:38

Iri badeh, tikisiy tinan labai ta iri sahou nane iy asehek tiri anya, iri kameh winiyan banyolom madan ja bwe. Eme ma iri tiyani iy ili isos bolo ndron.

Aposel 21:5

Arile, len ma ndro taloh taso are hawe oro badeh, ndrano ai, eme ma aso ka-au kala hamon kala ndron ja. Eme ma oro lau marakon ta Jises nane, ma udu oro hawe nadu oro, tiyani aso ala babi. Eme ma ahi mari atehei bwili ndru-u ahi i bada on, ma asolom ili ta Kindrei.

Aposel 28:15

Iri lau ta Kindrei badu Rom anuhun, buku ahi adek ala, eme iri adek ame mada baen ta Apiyus, ma kon iri aloh Asiu Ma Taloh Ta Amunyau, atondrok ahi are aliy. Pol anyolom iri le badeh, ma iy edeu wurah tinan labai i ta Kindrei, ma bwidi ndrinen sekesek labai.

Aposel 8:14

Eme na len oro aposel ado Jerusalem anuhun iri lau badu Samariya badeh, ndrandrei sahou ta Kindrei, eme oro suni Pita uru Jon ala anyolom oro.

La-ukei ta Pol atorou ili tiri lau badu kon Rom 15:24

Arile, jo amekes budon ta ewek atou aha udu bolo tekedek tek ili Spen. Jo kameh ewek udu hawe aha, taha sekesek luluwen sese, ano ma jo aseken aha kaseben jo ta rayah lakou ta ili Spen.

1 Korin 16:11

Kora-on iri rayah taha kanyolom iy i buku ari ndramak laleyah, ma iri katehei kona iri ki tan. Aha kabwidi ndrinen kudu mwasin, ma aha kaseben iy ta san. Eme ma, iy kameh winiyan eme hamon eme hawek ja. Jo hawe iri lau rayah ta Kindrei atondrok iy ado kada-ah.

1 Korin 16:6

Sebwe, jo kameh udu hawe aha luluwen sese. Jo bala tanan bwai, sebwe jo kameh udu hawe aha winiya le len ta nyala, ma jor amondrei. Ano, jo anya kili kon rakon ja badeh, jo aso-ok aha kaseben jo ta ili.

Taitus 3:13

Ya, i buku none ndramak ta tanan labai ta batanau nyaran Senas ma hawe Apolos, uru anya kado Krit ka-au badeh, ou aseben uru ta lakou mari uru aseken, ta aseben uru ta bolo tekedek turu.