Aposel 15:1 - Nyindrou

¹ Oro lau rayah ado Judiya badeh, ame andri kon Antiyok, ma eme oro leheya iri lau ta budon handru anya, “Ado badeh, winiyan bado mwasin bwe, i buku none ado basan ku-i ado bwe. Idoh badeh, in hamon ta batanau ta Moses tiye.”

Aposel 15:1 Iomraidhean Croise

Tarou ta Jon 7:22

Moses mene tiye i taha ta sani ku-i nadu aha iri. (Kandriyen doh basahan ta Moses bwe. Kandriyen doh udu ndra bada tubu aha iri.) Arile aha asan ku-i nadu aha iri udu bolo len ta amunyau.

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Aposel 15:24

“Aso ndranuhun lau rayah badu hawe aso ndrawek bolo aha. Aso badeu ari budon bala toro bwe, arile oro ndrawek ndrabwidi budon taha ndrandra-i na sahou oro asehek.

Aposel 15:3

Ya eme iri lau ta Kindrei badeh, suni uru au. Ya udu bolo tekedek turu badeh, uru ala bolo kon Ponisiya ma bolo kon Samariya asehek nyala iri ta iri lau badu leheleh badeh, ndratubuni ndrine iri ta kandriyen ndra-in. Eme sahou mwasin doh badeh mesekei iri lau ta budon handru sekesek laba tinan labai.

Aposel 15:32

Ya eme Judas uru Sailas badeh, propet ale, eme uru asehek sahou nyarahan labai, ta amekes iri nadu tine uru kabadok ale.

Aposel 15:5

Ano oro lau rayah ta budon handru, badu hawe oro lau Parasi ales are loken tiye anya, “Iri lau badu leheleh badeh, ka-en hamon ta batanau ta Moses, ya kasan ku-i iri.”

Aposel 21:20

Iri anuhun nyala lahou ta Pol mari, ano iri atudun nyara Kindrei. Ma iri tiye ta Pol i buku doh, “Nadu tine aso, ou anuhun, ou ndratanam kane lau mwan ma badih nyaran bwe badeh, iri badu Juwis ma iri ndratehei budon tiri ndrala ta Jises. Ma iri mwan ma badih doh badeh, budon tiri irih labai ta a-en hamon ta batanau ta Moses.

Aposel 6:14

Aso badeh, anuhun iy tiye anya, ‘Idah kameh, Jises badu Nasaret kameh tokosei kon dah ma hawe tobolowe kandriyen tataha mene Moses edeu eme ta taha.’ ”

Galesiya 2:1

Ano, hamon ta jaha ma ronoh hahuw (14) ano badeh, jo hawe Banabas uru Taitus, aso ma taloh au ala hamon ala Jerusalem.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Galesiya 6:12

Iri lau doh badeh, abadok labai ta asan ku-i aha, iri kameh amekes i buku doh, tasah iri aso-ok nyara iri kasahan ki tinan ta ndranye iri, ma mada iri lau rayah ja. Iri ale badeh, anoh ma abudon i buku doh, “Kora-on iri lau rayah ja katanan, buku to badeh, atehei budon tato mara-ei in ta kei tondreh ta Krais, ma kora-on iri anya kamekes ndra-in keme tato.”

Kolosi 2:16

Ya, aha kanuhun! Aha badeh, kadeu kona aha kili tiri mwan ma badih anya korou sahou kewek taha ta kandriyen ta batanau ta beleben nyamon ma gwa, ma ta len tinan aha ba-en hamon ta aliy na bolo jaha marakon bwe, o, ta len ta bun ha-un asahan, arile aha basan len hawe iri bwe, o, ta len ta amunyau.

Kolosi 2:8

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.