Aposel 14:3 - Nyindrou

³ Eme Pol uru Banabas are gwek luluwen sese, asehek sahou boto-on ta Laban. Eme Laban leheya sahou ta tikisiy tan, uru asehek i handru i san ta iy edeu boto-on i turu ta amekes kalem ma lahou tinan.

Aposel 14:3 Iomraidhean Croise

Tarou ta Mak 16:20

Eme ma oro au a len, ma atiye sahou ili bolo kon mari, ma Laban aseben oro ma amekes kalem asahan ta edeu boto-on i ta sahou toro.]

Tarou ta Jon 4:48

Jises eme tiye i tan i buku doh, “Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.”

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Aposel 2:22

“Ado lau badu Isra-el kanuhun sahou doh. Jises Krais badu Nasaret mene, Kindrei suni iy ewek hawe ado. Ya iy mene amekes lahou tinan ma amekes kalem tinan na boto-on ta Kindrei edeu i tan udu ndrokowa ado. Ya ado tanan iy.

Aposel 20:24

Arile, jo badeh, balek basin ta kohak bwe. Jo le badeh aseken ta jo kisos bilisiu ta bolo sakaliye tek, ma kamesekei kano lahou Laban Jises ndratehei kanik. Lahou doh ta atiye sahou mwasin ta nyala tikisiy ta Kindrei, ma ta leheya eme lewan.

Aposel 20:32

“Ya eme ta sendrehendreh ta aliy, na dah jo edeu ado ala baha tondrok ta Kindrei, ma jo aseken ado abudon sahou ta nyala tikisiy tan. Ya sahou doh kameh winiyan mesekei ado abadok, ma winiyan amekes kandriyen tado ki mwasin winiya ado akohok manyah mwasin, Kindrei ndralebelei ndra ta lau tan.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Aposel 5:32

Ya, eme aso dah badeh, anyolom lakou mari doh, na mada aso amwenen. Ma hawe Malawin Ndrabun ta Kindrei ale bwidiy aleu iri lakou doh. Kindrei badeh, winiyan edeu Malawin i tare lau, buku none iy anuhun bohon.”

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

1 Tesalonaika 2:2

Aha marakon ndratanan, aso mene are Pilipai badeh, iri lau atikah aso, a-um aso, ma aso akohok sisi-in ma maha-an tinan labai ta aliy. Arile, Kindrei tataha ales udu hawe aso, ma atadau ndrine aso, ma aso barou bala hamon, ta bahun nane doh bwe. Aso abadok labai, ma adek ame hawe aha, ma asehek sahou mwasin ta Kindrei ewek taha.

Hiburu 2:4

Kindrei ale eme leheya sahou tan badeh, boto-on na san ta amekes iri kalem ma iri lahou tinan. Ma iy ale andromwei ndramas ta Malawin Ndrabun ili tiri lau na le budon tan.