Aposel 14:2 - Nyindrou

² Arile, oro Juwis rayah batehei budon toro handru bwe badeh, sosokok budon tiri lau badu leheleh andra-i i bada iri lau ta Laban.

Aposel 14:2 Iomraidhean Croise

Aposel 13:50

Arile, iri Juwis ala badeh, sosokei oro lau ta bwena ta kon tinan nane doh, ma hawe sosokei oro badih rayah tinan ta budon. Eme ma budon toro andra-i ta anya kadai Pol uru Banabas ma mesekei uru au ta loboho doh.

Aposel 17:5

Arile, mada iri Juwis alikis, ya eme iri tukumwi iri lau rayah, budon tiri ndra-in udu bolo ba-en tiye iri ta amekes losen udu bolo kon tinan. Eme iri abotatahan ala asiu ta Jesen takaleh Pol uru Sailas anya kateu uru kame mada iri lau mari.

Aposel 14:19

Ano iri Juwis rayah badu Antiyok, ma badu Ikoniyum ame andresei iri anuhun boho oro. Eme iri orowei Pol na bek, ma anya deh, iy ndramak, ma aluwi iy eme manan ta kon tinan.

Aposel 13:45

Eme iri Juwis anyolom iri lau solo-an labai ame badeh, ma mada iri alikis ma bwidi iri asehek sahou ndra-in labai i bada sahou ta Pol nane asehek.

Aposel 17:13

Eme na len iri Juwis badu Tesalonaika anuhun Pol atiye sahou ta nyala Kindrei udu Beriya badeh, eme iri ala doh ale amekes ndrine iri lau atukum doh towodau.

Aposel 18:12

Na len iri lau atondrok Rom atehei Galiyo asahan kabin ta kon tinan Akaya, eme iri Juwis atukum ase tawi Pol ma aruwi iy ili ales ere mada sahou.

Tarou ta Jon 3:36

Are lau iy atehei budon tan handru in ta Nadu Kindrei, kohan handru kameh ta udu le buku doh. Are lau iy batehei Nadu Kindrei bado ndrinen bwe, iy kameh winiyan banyolom kohan handru doh bwe, ma losen ta Kindrei kameh udu ndra bwele-en udu gwek.”

Aposel 1:15

Eme na len doh badeh, Pita ales ere loken bolo iri lau ta Kindrei, kane iri ma rinek lunoh (120),

Aposel 14:4

Ma eme iri lau badu bolo kon tinan doh, apou iri i lumuk; iri rayah badeh, a-en hamon ta budon tiri Juwis, ya iri rayah badeh, a-en hamon ta budon tiri aposel.

Aposel 14:5

Ano, iri Juwis hawe iri lau badu leheleh ala atilik sahou hawe iri lau ta bwena tiri anya, kadai uru ma anya korou uru na bek.

1 Tesalonaika 2:14

Ya, aha nadu tine aso, aso tanan, lakou badeh, handru. Tasah, aha asahan i buku le iri lau mwan ma badih ta Kindrei, iri are loboho bada kon Judiya, iri atehei budon tiri in ta Krais Jises. Aha asahan i buku le iri, ma aha akohok maha-an badu mine iri lau rayah badu Tesalonaika amwenen, i buku iri lau ta Kindrei badu Judiya mene akohok badu mine iri Juwis rayah ale.