Aposel 13:2 - Nyindrou

² Ya eme oro atudun Laban hawe abeles oro ta nyamon ili badeh, ma Malawin Ndrabun anya, “Ado katehei Banabas uru Sol badeh, kare len ta amekes lahou tek mene jo aloh uru kamekes.”

Aposel 13:2 Iomraidhean Croise

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Metiu 9:38

Eme ya ado kasolom ki ta Laban ta kati bilin, ta iy kasuni lau kala katukumwi iri nyamon tan.”

Tarou ta Luk 10:1

Udu hamon ta idoh ano badeh, Laban tiye i toro lau ma ndro tonoh la-uh (72) le, ano iy suni uru la-uh, la-uh a se, ala mwena tan ala bolo iri kon tinan ari ari, ma hawe iri kon kameh iy ilih aliy.

Tarou ta Luk 2:37

Ya ben len, ben len, iy abeles iy ta nyamon, ma iy baruwani ta ili asiu tinan ta Kindrei ta amekes solom, ma ta atudun Kindrei, bwe.

Aposel 10:19

Pita lomondra ta lele kahis le badeh, Malawin Ndrabun tiye i tan anya, “Saimon ei, lau taloh takaleh ou.

Aposel 10:30

Eme Koniliyus anya, “Len hahuw mene ndra-au, na mada an taloh na beyeh badeh, jo udu asiu tek asolom. Nawin bwe badeh, ndramak ari asini awin belen nyikadin, ales udu bwena tek,

Aposel 13:3

Ya oro abeles oro ta nyamon ma salom ano, oro adeu lim i la-u uru, ano suni uru ma la-uh au.

Aposel 13:4

Eme Malawin Ndrabun suni uru lau ma la-uh doh au ala andri ala kon Selusiya, akohok ndron, ma alakak au ala busu Saipres.

Aposel 14:26

Ano udu kon Ataliya badeh, uru alakak ala hamon ala Antiyok. Kon tinan doh mene iri lau ta Kindrei suni uru ala a len, ta amekes lahou mene i kani uru i san ta tikisiy ta Kindrei. Uru ndramesekei lahou turu ndrano, ma uru ame hamon ame Antiyok ja.

Aposel 20:28

Ado badeh, katondrok ado kamwenen, ma hawe katondrok lau ta Kindrei mene Malawin Ndrabun atehei iri ado baha tondrok tado. Ado badeh, a buku lau ta atondrok sipsip, ado katondrok iri lau ta budon handru ta Kindrei, ala iy mene konohei iri na ndraye nadun amwenen.

Aposel 22:21

“Laban tiye jo anya, ‘Ou adek ai, tasah jo aso-ok ou kameh ala bolo iri kon leheleh, ta aseben iri lau leheleh, iri tanan kandriyen tiri Juwis bwe.’ ”

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)

Aposel 6:4

Ya aso badeh, budon taso ki le ta salom ma katiye sahou ta Kindrei.”

Aposel 8:29

Eme Malawin Ndrabun tiye Pilip anya, “Ou ala mirihik ta sau ale iri hos aliu kodo-on.”

Aposel 9:15

Arile, Laban tiye i ta Ananayas anya, “Bwe, ou ala! Iy ndramak doh badeh, jo ndralebelei iy ta atiye sahou tek i tiri lau badu leheleh, i tiri kabin tiri ma hawe i tiri lau badu Isra-el.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

La-ukei ta Pol atorou ili tiri lau badu kon Rom 10:15

Ya, i buku none ndramak basuni oro lau rayah bala len bwe, na saba san kameh oro lau nane atiye sahou doh? I buku ndratorowenei udu bolo buk ndrabun, “Lau sekesek handru ta anyolom ma anuhun ndramak atiye sahou mwasin.” Aisaya 52:7

La-ukei ta Pol atorou ili tiri lau badu kon Rom 15:16

iy atehei lahou dah eme kanik ta atiye sahou ta nyala Krais Jises ki tiri lau badu leheleh. Jo badeh, i buku none ari pris amekes lahou ta atiye sahou mwasin ta Kindrei. Ya eme iri lau badu leheleh badeh, i nyara salom jo edeu i mada Kindrei ma eme iy sekesek ta aliy. Ma hawe Kindrei badeh, mesekei iri asahan lau tan handru i san ta iy suni Malawin Ndrabun ili manyah udu bolo oro.

1 Korin 12:11

Malawin Mwasin ari le nane adeh, amekes iri lakou marakon. Ta so-ok tan le, iy apwai ndramas tan marakon ili ta ndramak ari, ari.

1 Korin 7:5

Ah ma la-uh atasou badeh, ah sabeles ta amadin se. Handru, buku ah asehek nyala ah ta ben sabe ta ah samadin se, tasah ah anya kamekes gok ta salom, idoh mwasin. Ano ah baramadin se ja. Kora-on ah winiyan babelesei bada ah bado luluwen bwe, ma balik katubuni bale ah ja ta amadin hawe mwan o badih ari ja, ma bwidi bolo tasou ta ah kandra-i.

2 Korin 11:27

Ma jo ale andra-i mara-ei ta gok solo-an labai. Len solo-an labai jo ibo gok na ben, ma jo bamadin bamwenen bwe. Jo imeson, ma balek amar ta gwa. Len solo-an jo mani nyamon, jo akohok nyala ma jo awin solo-an bwe!

2 Korin 6:5

Iri lau adai ahi ma atehei ahi ala bolo asiu lulik. Iri tikahei ahi ma luhani ahi. Ahi awoyah ta amekes gok solo-an labai ma bwidi ahi bamadin bamwenen bwe. Na len rayah badeh, ahi ameson ta nahi nyamon bwe.

Galesiya 1:15

Jo badeh, in hamon ta kandriyen doh, arile Kindrei baso-ok lakou doh bwe. Arile, jo basahan bwe le, Kindrei badeh, ndratanan jo ai, ma iy ndratehei jo ta amekes lahou tan. Eme ma, na tikisiy tan le badeh, iy atehei jo amekes lahou tan.

Epesus 3:7

Kindrei atehei jo, ya jo asahan lau ta atiye sahou mwasin dah. Kindrei amekes i buku doh, tasah iy tikisi jo, ma na boto-on tan amwenen, iy atehei ndramas eme tek ta atadau budon handru tiri mwan ma badih. Eme ma, gok doh badeh, jo amekes.

Kolosi 4:17

Ma aha katiye ta Akipus buku doh: “Ou atondrok gok dah, ou mene akohok badu mine Laban, ma ou amekes gok dah kamwenen.”

1 Timoti 2:7

Eme ta katin doh baden adeh, jo asahan aposel ta atiye sahou, ma ta leheya iri lau badu leheleh. Ma iy atehei jo ta atiye sahou ta budon handru dah. Eme ya jo bawasai bwe, jo tiye sahou handru.

2 Timoti 1:11

Kindrei ndratondrohani jo asahan aposel ma ndramak ta leheya. Tasah, iy aso-ok jo kamekes gok ta atiye sahou mwasin dah.

2 Timoti 2:2

Ya, iri sahou marakon ou ndranuhun jo ndrasehek udu bolo iri lau, idoh ou andrei, ma ou asehek kili tiri lau rayah ja, iri katondrok kamwenen, ma iri winiyan leheya iri lau rayah ja ale.

2 Timoti 4:11

Luk le ari badeh, udu hawek kada-ah. Buku ou anya ame, ou andrei Mak, ah ma la-uh kame, tasah iy mwasin ta aseben jo ta gok tek dah.

2 Timoti 4:5

Arile, ou le amwenen winiyan bamekes buku doh bwe. Ou atondrok budon tam kamwenen na len mari, ma ou abadok ta bwese iri maha-an anya kewek bwele-em. Ou badeh, lohowan ta Kindrei, eme ma ou atiye sahou mwasin tan kili tiri mwan ma badih, ma ou amekes gok tam handru ta aseben iri lau.

Hiburu 5:4

Ndramak asahan tinan tiri pris, nyaran ndra tinan kabwe, ma ari ndramak winiyan bakohok gok doh na so-ok tan amwenen bwe. Kindrei kameh aloh iy bwena, ano iy barakohok gok nane doh, i buku le mwena mene Kindrei aloh Aron.