Aposel 13:1 - Nyindrou

¹ Udu bolo iri lau atehei budon tiri handru in ta Kindrei badu Antiyok badeh, iri propet rayah, ma hawe iri lau ta leheya rayah ale ado aliy. Nyara oro badeh, Banabas, Simiyon iri aloh iy Nijer, Lusiyus badu Sairini, hawe Mana-en iy mene asahan kawas ta kabin Herot na len iy atondrok kon, ma hawe Sol.

Aposel 13:1 Iomraidhean Croise

Metiu 27:32

Oro adek au ala len, oro ndruni ndramak ari badu Sairini nyaran Saimon. Oro lau ta bahun andrekei iy bwese-ei kei tondreh ta Jises.

Tarou ta Luk 3:1

Idoh, udu bada jaha ronoh limeh ta Sisa ari ja nyaran, Taiberiyus atondrok kon mari; eme Pontiyus Pailat badeh, atondrok kon loboho Judiya. Ya Herot badeh, atondrok kon loboho Galili. Ya nadu tinen Pilip badeh, atondrok kon loboho Ituriya hawe Trakonitis; ma Lisaniyas atondrok Abilene,

Aposel 11:30

Oro amekes budon doh ano badeh, oro atehei luk i mine Banabas uru Sol, ma uru tiyani ili tiri lau ta Kindrei nane ado Jerusalem.

Aposel 12:25

Ano, na bolo len doh ale gok ta amekes lahou ta Kindrei udu bolo Jerusalem badeh, Banabas uru Sol ndrabwidiy mari ndrano, eme ma, uru kuhi Jon Mak i hawe uru ili hamon ili Antiyok.

Aposel 13:9

Arile, nyara Sol ari ja badeh, Pol, iy idih na boto-on ta Malawin Ndrabun, anyolom boto-on i ta Elimas, ma iy tiye i tan anya,

Aposel 15:32

Ya eme Judas uru Sailas badeh, propet ale, eme uru asehek sahou nyarahan labai, ta amekes iri nadu tine uru kabadok ale.

Aposel 15:35

Arile, Pol uru Banabas ado Antiyok ado gwek, ya uru ma hawe iri lau solo-an leheya iri, ma atiye sahou ta Laban.

Aposel 19:6

Eme na len Pol edeu limen i la-u oro badeh, ma Malawin Ndrabun eme la-u oro, ma oro asehek boho kon rakon ja, randrah labai ma asehek sahou i buku iri propet.

Aposel 21:9

Ma Pilip badeh, nadun oro ma hahuw ndra badih le. Oro ndra tinan ndra bihin, arile oro batasou bwe le, ma Malawin Mwasin ta Kindrei badeh, udu hawe oro badih nane doh, eme ma len rayah oro winiyan atiye sahou nane Kindrei edeu ili toro i buku propet.

Aposel 4:36

Eme Josep badeh, badu boho kamen ta Libai, adeu iy udu Saipres, ya oro aposel badeh, aloh iy Banabas (moson “ndramak ta edeu tanan mwasin.”)

Aposel 9:1

Na bolo len doh, Sol badeh, alohou ta idi iri lau ta Laban marakon kamak ka-au. Eme ma iy amwenen ili hawe batun tiri pris,

La-ukei ta Pol atorou ili tiri lau badu kon Rom 16:21

Ma eme Timoti, ndramak ta amekes lahou hawek ale tiye sahou sekesek tan ewek taha; ma hawe Lusiyus, hawe Jesen, hawe Sosipater ale. Oro lau ma taloh doh badeh, oro Juwis i le buku jo.

1 Korin 11:4

Moson ta sahou dah i buku doh: I buku are ndramak mwan iy asolom, o, iy asehek sahou i buku iri propet, iy su-i batun, iy ndramak doh badeh, bwidi bwilima tinan labai ili ta Krais, tasah iy badeh, udu bahandra tondrok tan.

1 Korin 13:2

Ma i buku jo asehek sahou buku iri propet, ma jo ndratanan ta iri budon marakon ta Kindrei ale basahan bwe le, ma iri tanan marakon rayah ale, ma i buku budon tek boto-on labai winiya tohowei iri mandrei ili rasi ja, arile, i buku jo baso-ok ma batehei ndrinek mwasin bala tiri mwan ma badih bwe, badeh, kameh jo i buku lakou ndra-in laleyah.

1 Korin 13:8

Kandriyen ta aso-ok ndramak ari, ari badeh, winiya bano bwe. Arile, sahou iri propet asehek kameh ano. Iri ndramas ta asehek boho kon randrah ja kameh ano, ma hawe iri tanan tiri lau marakon kameh ano ale.

1 Korin 14:29

Winiya lau la-uh, o, lau taloh ta tiye sahou ta Kindrei buku iri propet. Oro le lau doh winiya tiye sahou ta Kindrei. Ya iri lau rayah ja manyah winiya anuhun moso bolo sahou toro, eme ta Kindrei handru, deh bwe.

1 Korin 14:32

Handru, aha winiyan a-en hamon ta kandriyen jo ndrasehek taha. Tasah, iri propet ta Kindrei handru badeh, atondrok malawi iri ma boho iri amwenen, buku iri anya kasehek sahou.

1 Korin 9:6

Sebwe aha anya, aru Banabas le badeh, atondrok aru amwenen, aru winiya bandrek luk taha ta amekes gok taru bwe nadeh?

Galesiya 2:13

Eme, oro nadu tine rayah badu Juwis anyolom Pita amekes badeh, ma oro an hamon tan amekes i le buku aliy. Oro tanan kandriyen doh bamwenen ta i bada nadu tine oro, iri lau badu leheleh, bwe. Ma Banabas ale tanan kandriyen doh bamwenen bwe, arile oro aluwi iy in hamon toro ale.

Galesiya 2:9

Eme Jemis, Pita hawe Jon badeh, oro lau ta batun dah, ndratanan Kindrei badeh, ndratehei lahou dah ndrame kanik; eme, oro ndrateu lim hawe aru Banabas. Eme, aso ndrasehek sahou randra le, ta aso amekes lahou le. Oro amekes lahou i bolo iri Juwis, ya aru Banabas amekes lahou i bolo iri lau badu leheleh.

Epesus 4:11

Ndramak doh, iy amwenen edeu ndramas ili tiri mwan ma badih. Ma iy edeu ndramas i buku doh: Iy edeu ndramas ili tiri rayah ta amekes gok aposel. Rayah ta amekes gok propet, rayah ta atiye sahou tan ili kon rakon, rakon. Ma rayah iy edeu ndramas ta atondrok iri lau ta Kindrei, o lau ta leheya.

Pilipai 4:22

Ma hawe oro lau ta budon handru, oro ateu lahou ado asiu tinan ta Sisa hawe oro lau ta budon handru ado kon tinan Rom kada-ah, tiye sahou sekesek i tado.

1 Tesalonaika 5:20

Aha badeh, satobolowe kona aha sala ta sahou ta Kindrei, Malawin Ndrabun ale edeu ili tiri propet tan ta tiye ewek taha.