Aposel 11:3 - Nyindrou

³ “Ou badeh, ala bolo asiu tiri lau nane basan ku-i iri bwe, aimon nyamon hawe iri.”

Aposel 11:3 Iomraidhean Croise

Metiu 9:11

Eme oro Parasi atou, ma oro orou sahou i ta Jises, ma oro tiye toro lau tan buku doh, “Tasah handru ndramak ta leheya tado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”

Tarou ta Luk 15:2

Eme ya iri Parasi hawe iri lau ta leheya kandriyen tiri Juwis badeh, nunu-uh anya, “Iy ndramak kede-eh, aseken iri lau ta karei ma lomondra ndra-in hawe aimon nyamon hawe iri.”

Tarou ta Jon 18:28

Mandraben ma wahun, iri sirini Jises udu asiu ta Kayapas iu ili asiu ta kabin badu Rom. Iri tinan tiri Juwis bala bolo asiu nane doh bwe, tasah kora-on iri kandraka-an ta mada Kindrei, ma idah kameh iri winiyan baimon nyamon ta len ndrabun aloh Pasoba bwe. Eme iri are ndra manan areu.

Aposel 10:23

Ano Pita kuhi oro ala asiu hawen amadin. Eme kon aleu badeh, Pita i hawe oro ma hawe nadu tinen oro rayah badu Jopa ala hawe oro ma oro adek au ala.

Aposel 10:28

Eme iy tiye i tiri i buku doh, “Ado badeh, tanan idoh badeh, ba-en hamon ta batanau malen bwe, ta ahi lau badu Juwis winiyan ba-en bolo aha bwe, ma ahi saselesen aha lau badu leheleh. Arile, Kindrei mene ndraleheyani ndrame tek, ta jo badeh, saloh ari ndramak ndra-in ta mada Kindrei.

Aposel 10:32

Ou suni ari ndramak kili Jopa kalelen ta ndramak ari nyaran Saimon Pita. Iy badeh, udu asiu ta liyen Saimon, ndramak ta asereh ku-i katin haka, udu kabede-e ndras.’

Aposel 10:48

Ya, eme iy tiye ta kalomwa oro na boto-on ta nyara Jises Krais. Ano oro tiye Pita udu hawe oro len sabe op.

1 Korin 5:11

Kati sahou jo mene atorou ewek taha, i buku doh: Buku ari mwan o badih aha aloh iy nadu tine aha i san ta Jises, arile, iy ale ta amekes karei, o, iy ta madan alikis lakou, o, iy ta asolom sukumada kei, o, iy ta bobose, o, iy ta a-un gwa lolo-ou, o, iy ta bahana lakou ta ndramak ari ja, iri lau buku doh, aha sado hawe iri ma aha saimon nyamon hawe iri labai.

Galesiya 2:12

Na len Jemis basuni oro lau rayah bala hawe Pita bwe le badeh, Pita aimon nyamon hawe iri lau badu leheleh. Arile udu, oro lau ta Jemis asahan ale, iy inoh ma iy ruwani ta aimon nyamon hawe oro lau badu leheleh. Eme iy baimon nyamon hawe oro ja bwe. Tasah, iy inoh oro Juwis doh, tiye tiri lau badu leheleh kasan ku-i iri bwena.

2 Jon 1:10

Buku ari ndramak eme hawe aha, ya iy basehek sahou mwasin, bala buku Jises asehek bwe, ado badeh, sasumon iy, ma sakohok iy sawek asiu hawe ado.