Aposel 10:2 - Nyindrou

² Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

Aposel 10:2 Iomraidhean Croise

Jenesis 18:19

Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”

Metiu 25:17

Ya iy nane kuhiy lulou (K2,000) mesekei buku aliy ale, ma iy kuhi lulou (K2,000) ja ili hawen tan nane.

Tarou ta Luk 18:1

Ano Jises tiye sahou sokek ari i toro lau tan ta oro badeh, saruwani budon handru toro, ma oro saruwani kandriyen ta salom.

Tarou ta Luk 2:25

Eme ndramak ari badu Jerusalem nyaran Simiyon badeh, udu aliy. Iy badeh, mwasin handru ta mada Kindrei ma iy inoh Kindrei labai. Ya iy badeh, Malawin Ndrabun udu tan, ma iy abe-en len ta seben ta lau badu Isra-el kameh asahan.

Aposel 10:22

Eme oro lau anya, “Aso dah ado hawe Koniliyus ndramak batun tiri lau ta bahun badu Rom ame dah. Iy badeh, ndramak mwasin handru ma iy badeh, inoh Kindrei labai, ma iy badeh, iri lau mari badu Isra-el aso-ok iy tinan labai. Angelo ndrabun badeh, tiye tan ta ou ala asiu tan, ya eme iy kanuhun sahou badu bohom.”

Aposel 10:31

ma tiye eme tek i buku doh, ‘Kindrei badeh, ndranuhun salom tam ma hawe kandriyen mwasin tam, ta ou adeu lakou laleyah i tiri lau lakou bwe.

Aposel 10:35

Arile, iy badeh, aseken lau mari badu kon munyak tinan labai, buku ndramak ari ari anoh iy, ma amekes kandriyen mwasin le.

Aposel 10:4

Eme Koniliyus anyolom ales i tan ma iy inoh, ma iy anya, “Laban tek, ou aso-ok sasah?” Eme angelo dah anya, “Kindrei ndrasumon salom tam ma iy ndranyolom sasah ou anyohan i tiri lau lakou bwe, ya balen bamani ou bwe.

Aposel 10:7

Ano iy angelo nane asehek sahou i tan iu badeh, Koniliyus eme luhi uru lohowan tan ame ma hawe ndramak ari ta bahun. Iy ndramak ta bahun doh badeh, atehei budon tan handru in ta Kindrei. Ma iy badeh, ta lohowa Koniliyus na len mari.

Aposel 11:14

Iy kameh tiye sahou tam ma hawe oro lowam mari. Ma na sahou doh Kindrei kameh sebenei ado.’

Aposel 13:16

Eme Pol ales udu loken edeu minen i loken amunum le ma anya, “Ado lau badu Isra-el, hawe ado lau badu leheleh, ado ta atudun Kindrei, ado kanuhun bohok!

Aposel 13:26

“Ya ado nadu tine, lundriye Abraham hawe ado lau badu leheleh ala an hamon ta Kindrei. Sahou ta nyala seben badeh, ndrame tataha.

Aposel 13:50

Arile, iri Juwis ala badeh, sosokei oro lau ta bwena ta kon tinan nane doh, ma hawe sosokei oro badih rayah tinan ta budon. Eme ma budon toro andra-i ta anya kadai Pol uru Banabas ma mesekei uru au ta loboho doh.

Aposel 18:8

Eme ndramak ta mwena ta atondrok ndrahu tukum tiri Juwis nyaran Krisipus ma lau mari badu asiu tan badeh, atehei budon toro handru i ta Laban; ma hawe iri lau solo-an badu Korin anuhun sahou Pol asehek badeh, ma iri atehei budon tiri handru i ta Laban ma Pol alomwa iri.

Aposel 2:5

Ya udu Jerusalem badeh, iri Juwis ta atudun Kindrei badu kon mari manyah ado aliy.

Aposel 22:12

“Ndramak ari nyaran Ananayas, iy udu bolo kon nane doh. Iy lau ta Jises ari ai, len mari badeh, iy in hamon le tiri kandriyen ta batanau, eme ma iri Juwis nane are Damaskus badeh, aso-ok iy tinan labai.

Aposel 8:2

Eme iri lau ta Kindrei rayah ame aden ndranye Stiben. Ano iri ala ahi iy.

Aposel 9:11

Eme Laban tiye i tan anya, “Ou ales ala asiu ta Judas udu loboho nadu san iri aloh San Ales Le. Ya ou ndremenya oro ta ndramak ari badu Tasus, nyaran Sol. Iy badeh, asolom.

Aposel 9:31

Ano iri lau ta budon handru badu loboho Judiya, Galili hawe Samariya sekesek handru ta iri babwese isi ja bwe. Iri badeh, abadok ma ales boto-on na boto-on ta Malawin Ndrabun. Ma eme, kane iri i sola ma iri anoh Kindrei, eme ma iri atudun iy.

Aposel 9:36

Ya udu kon Jopa badeh, badih ari nyaran Tabita (i boho Grik badeh, aloh iy Dokas). Iy badeh, badih ari ta in hamon ta Kindrei. Eme na len mari, iy amekes kandriyen mwasin i tiri lau, ma iy aseben iri lau, tiri lakou bwe.

Kolosi 4:2

Aha badeh, katawiy kihis kandriyen ta salom. Buku aha anya kasolom, aha katondrok, ma aha kadeu wurah kili ta Kindrei.

1 Tesalonaika 5:17

Ma aha kasolom kudu le buku doh.

Jemis 1:5

Buku none rayah lau areu rewa ado, aso ta budon mwasin, oro badeh, kasolom ki ta Kindrei, ya Kindrei winiyan sebenei oro. Tasah, Kindrei ale edeu lakou solo-an eme tataha lau, hawe iy winiyan edeu budon mwasin ewek taha, ya iy winiyan babolosen bala tare lau nane ndremenya iy ta budon mwasin bwe.

Rebelesen 15:4

Laban, ou le ari, ou ndrabun labai. Eme ma are lau handru, kameh winiyan banoh ou bwe? Are lau handru kameh winiyan batudun nyaram bwe? Iri lau mara-ei badu kon munyak kameh ame atehei bwili ndru-u iri i andri ewek tam. Tasah, kandriyen tam mwasin badeh, ndrasahan ndrame lewan.”