Aposel 1:3 - Nyindrou

³ Udu hamon ta imek tan ja badeh, iy leheya iy amwenen i toro lau doh, ma leheya lahou solo-an i mada oro ta iy badeh, ndramak ndrame awas ja. Iy badeh, asahan hawe oro udu bolo len ma hanoh (40). Iy asehek sahou i toro ta nyala tondrok ta Kindrei.

Aposel 1:3 Iomraidhean Croise

Metiu 21:43

“Ya jo asehek tado, Kindrei kameh kuhi tondrok tan ereu mine aha lau badu Isra-el eme hamon, ya iy kameh atehei ili mine iri lau ra-on ja ale winiyan a-en hamon ta so-ok tan amwenen.

Metiu 28:9

I le mani tur, Jises asahan hawe uru ma iy anya, “Ndraben ta-ah.” Uru ame mirihik tan ma tawi katin ma asolom ili tan.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Metiu 4:2

Hamon ta Jises abeles iy ta nyamon udu bolo hanoh (40) len hanoh (40) ben eme ma iy imeson.

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.

Tarou ta Jon 20:26

Udu hamon ta len ma ndro taloh ano, oro lau tan atukum ala le asiu nane ja. Na len doh Tomas udu hawe oro ai. Oro sulu-i kou marakon ihis, arile i buku le bwena mene, Jises ili ales udu le alih toro, ma iy anya, “Mondrei kudu hawe ado.”

Tarou ta Jon 21:1

Udu len sabe ja, Jises asahan hawe oro lau tan ado mirihik ta kapa gwa Galili, iri aloh Li Taiberiyas. Iy asahan hawe oro lau tan i buku doh:

Tarou ta Jon 21:14

Idoh badeh, i san tulusin ai, ta Jises ili asahan eme awas hawe oro lau tan amwenen, udu hamon ta iy ndramak ndrame awas ja.

Aposel 13:31

Ma udu bolo len solo-an badeh, oro lau mene ta adek hawen ado Galili ili Jerusalem anyolom iy. Oro badeh, anyolom iy na mada oro amwenen, ma iri asehek sahou tan ili tiri lau badu Isra-el ai.

Aposel 19:8

Udu bolo bun taloh badeh, Pol ili ndrahu tukum tiri Juwis asehek sahou nyarahan labai, ma andres boto-on ta aliu budon tiri ta nyala bolo tondrok ta Kindrei.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Aposel 28:31

Iy banoh bwe ta asehek nyala tondrok ta Kindrei i tiri, ma iy leheya iri ta sohowa Laban Jises Krais.

Aposel 8:12

Arile, na len Pilip tiye tiri ta sahou mwasin ta nyala tondrok ta Kindrei ma hawe nyara Jises Krais, iri mwan hawe iri badih badeh, atehei budon tiri in ta sahou ta Pilip, ma alomwa iri.

La-ukei ta Pol atorou ili tiri lau badu kon Rom 14:17

Tasah, tondrok ta Kindrei badeh, bala buku none kandriyen ta aimon nyamon ma a-un gwa mari, ma hawe bala buku none kandriyen ta beleben, bwe. Arile, lakou laba tinan ta tondrok ta Kindrei badeh, ndra kandriyen mwasin le, ma kandriyen ta mondrei le, ma hawe kandriyen ta sekesek le i san ta Malawin Ndrabun.

Kolosi 1:13

Ma iy ndratolowei taha are mine balik ndrame len, ma iy ndratehei taha ndrala bahandra tondrok ta nadun Jises Krais, iy aso-ok iy labai.

1 Tesalonaika 2:12

Aso badeh, anya kariu budon taha, ma kamekes ndrine aha kabadok, ma kasehek sahou boto-on kewek taha buku doh: Aha kadek kamwenen, ma ka-en hamon ta kandriyen Kindrei aso-ok aha kamekes, tasah iy amwenen winiyan luhi aha ala hawe iri lau tan are bolo lomada sun, ma aha kameh are bolo tondrok tan mwasin udu kandrah.

1 Jon 1:1

Aso badeh, ta atorou la-ukei ewek taha, ta nyala sahou kohan handru in aliy. Sahou dah badeh, asahan bwena labai, ya aso ndranuhun, ma aso ndranyolom na mada aso amwenen. Ma aso ndratona na mine aso ale.