तीतस् 3:5 - ल्होमी5 हुनी क हज्यरङ्ल छी थर्व दी इक् झ्युङ्न यो़क्केन् बेत्। हुगो हज्यरङ्गी ढङ्बु झ्यीबे ले घयेक्की झ्युङ मेम्ब, खोङ्गी थुज्यी ॱनङे लम्नी धम्बे थुगी टी़न फीच्च्य गोनी कीदु ची़त्न ॱसीम् ॱसम्ब युङल सो़न यो़क्केन् बेत्। Faic an caibideil |
तीतस् 3:5
46 Iomraidhean Croise
ॱनी को़न्ज्योक् ॱङीङ्ज्यी छ्यीम्मु च्येम्म यो़क्केन् बेगो। हज्यरङ् मेन्नक् धङ् ॱस्यीवे इप्ल दो़क्केन् घयेत्ल खोङ् च्यानी थर्वे मेङ्ग पेक्न, नम् लोङदङ् छ्येत्मीत् युङ्ज्ये यो़प्प ॱसीम् दीव युङे लम्ल ज्यी़ तो़ङ्गेन् दी रङ् बेगो सीन्न ॱङो़स्स्यील ॱस्येप्प बेत्। (यशैया ९:२)
हुब ॱङीबु छीरुक् बेत्। ढोप्पे नङ्दु यो़प्पे यङ्ल हुबे गा आक्पा घन्ड अक् मत् झ्यीबे यङ्लरङ् को़न्ज्योक्की रीबेक्काल गेम्बा दीगी स्यो़म्बा दील स्यप्च्यी़ ज्युक्केन् बेत् सीन्न को़न्ज्योक्की ॱसुङ थो़ङ्गेन् बेत्। (छ्यारप् २५:२३) ॱनी हुगो झ्यीनी हुबे लेगी मेम्ब, हीगो खोङ्गी थुल ॱमीन भो़बे ढो़ हीम्बल डोगेन् बेत्।
छ्यो़डीम्गी कल चीन युङे लम्नी ॱनम्बर् धक्पल ॱमीत् थो़ङ्गेन् हीम्ब धङ् ॱनम्बर् धक्प दील येशु ख्रीष्ट्ल छ्य स्यक्पे लम्नी क थो़ङ्गेन् हीम्ब हज्यरङ्ल ॱस्यो़च्च्ये यो़क्केन् बेत्। हुन्दुक् झ्यीन छ्यो़डीम्गी कल चीन युङे लम्नी मीत् युङल ख्रीष्ट्ल छ्य स्यक्पे लम्नी को़न्ज्योक्की ॱनम्बर् धक्पल तो़ङ्गेन् झ्यीनी, हज्यरङ् यहुदी हीन्न अक्, ख्रीष्ट् येशुल छ्य स्यक्न यो़क्केन् बेत्। घन्ड हीन् सीन्न छ्यो़डीम्गी कल चीन युङे लम्नी कोलीमी ॱसु उक् ॱनम्बर् धक्पल थो़न् ॱमीत् छुगेन् बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
ॱनी हीगी छ्यी़ लम्नी थर हीगो हज्यरङ् बप्तीस्ल स्युबे लम्नी थरदङ् छ्येत्मीत् बेत्। हीगी बप्तीस्की लेमु हीगो सी़बी़ ढीनक् टी़न धक्च्येल मेम्ब, ॱनोङ् मीप्पे ॱसीम् सङ्बु खुर् छुज्ये यो़प्प तोङ् सीन्न को़न्ज्योक्ल स्युव पुज्येगी ढीक्ल बेत्। ॱनी छी थर्व हीगो खुङ् दी येशु ख्रीष्ट् ॱसोम्बुल लोङे लम्नी युङ बेत्।
Sanasan