तीतस् 2:3 - ल्होमी

³ ॱनी यङ् हीगो डस्‍सी गेम्‍मु घयेत्‍ल अक् छ्‌यप्‍स्‍यक् युङे लेमु झ्‍यीक्‍केन्, फालप् मीत् लप्‍केन्, गोङ्‌ज्‍यङ्‌ल ख ॱस्‍योर्न गज्‍येन् ॱमीत् थुङ्‌गेन् धङ् धो़न् गागी केच्‍च्‍य ॱयोङ्‌ल ॱलप्‍न टो़क्‍केन् युङ् गोगेन् बेत् सीन्‍न ॱलोप्‍स ज्‍योप्‍च्‍यीत्।

तीतस् 2:3 Iomraidhean Croise

रोमी 1:29

हुबे ॱसीम् दी म दीरङ् हीन्‍दुक् झ्‍यीब यो़क्‍केन् बेत्। ढङ्‌ज्‍ये मीप्‍प, ङेम्‍ब, लोबीय, अयेक्‍पे लेमु, ठदोक्, मी ॱसो़क्‍केन्, थक्‍मु, ॱयोज्‍यी़ ठम्‍ज्‍यी़, तम् ङेम्‍ब लप्‍केन्, फालप् लप्‍केन्,

रोमी 16:2

हुगो चोव ज्‍यीन्‍दक्‍तङ् या मत् ढेब यो़क्‍केन् झ्‍यीनी, हुगोल खीत्‍रङ्‌गी को़न्‍ज्‍योक्‍की मी चङ्‌म घयेत्‍ल थोङ् झ्‍यीक्‍केन् डस्‍सी झ्‍यीज्‍यीत्। हुल घङ् गो़बे दगु झ्‍यीज्‍यीत्। घन्‍ड हीन् सीन्‍न हुगी ॱयोङ्‌म घयेत्‍ल अक्, ॱनी ङल अक् दगु यङ्‌दीक् झ्‍यीज्‍युङ्।

एफीसस् 5:3

हुनी खीत्‍रङ् नङ्‌दु छ्‌येगी ले, चङ्‌ज्‍ये मीप्‍पे ढङ्, लोप् धङ् हीन्‍दुक् झ्‍यीब म दीरङ् ज्‍यी़त् च्‍यीक् इक् युङ्‌ज्‍ये मीप्‍प झ्‍यीज्‍यीत्। हीन्‍दुक् झ्‍यीब को़न्‍ज्‍योक्‍की मी चङ्‌म घयेत्‍ल ओ़ब मीत् युङ्‌गेन् बेत्।

१ तीमोथी 3:11

ॱनी हुबे छ्‌युङ्‌म दीब अक् छ्‌योबु दीब डस्‍सीरङ् ॱम तेम्‍बोक्‍म झ्‍यीक्‍केन्, फालप् मीत् लप्‍केन्, च्‍युर्ल दङ मीत् झ्‍यीक्‍केन्, धो़न् घन्‍डल अक् तेन्‍देन् झ्‍यीक्‍केन् युङ् गोगेन् बेत्।

१ तीमोथी 3:8

ॱनी हुगो डस्‍सी छ्‌यो़ छोगी छ्‌यो़योक्‍प घयेत् एत् ॱम तेम्‍बोक्‍म, ख च्‍यीक्‍नी च्‍यीला ॱङी ॱमीत् तो़ङ्‌गेन्, च्‍युर्ल दङ मीत् झ्‍यीक्‍केन्, नोर्ल लोप् मीत् झ्‍यीक्‍केन् युङ् गोगेन् बेत्।

१ तीमोथी 5:23

रङ् एल्‍लागी लेक्‍मु छ्‌यु ॱस्‍यीदा ॱमत् थुङ, रङ्‌गी ढोप्‍प न नय झ्‍यीक्‍केन् दील फेन्‍ज्‍येल गोङ्‌ज्‍यङ् अच्‍च्‍येत् री थुङ्‌ज्‍यीत्।

तीतस् 1:7

हुगी गोयो़प्‍प दी को़न्‍ज्‍योक्‍की मीजङ्‌गी गेन् खुर्केङ्‌गी मी झ्‍यीनी, हुल ङीबे च्‍यो़न् मीप्‍प, रङ्‌मो़ ॱमीत् ॱस्‍यो़क्‍केन्, फोदोरोक् मीत् लङ्‌गेन्, च्‍युर्ल दङ मीत् झ्‍यीक्‍केन्, खेरक् ॱमीत् तोङ्‌गेन् धङ् लोप् मीत् झ्‍यीक्‍केन् युङ् गोगेन् बेत्।

तीतस् 2:4

ॱनी हुबे हरुङ् भुमु स्‍यो़म्‍बोक्‍म घयेत्‍ल ॱलोप्‍च्‍य तो़न्‍ज्‍य झ्‍यीन रोरङ्‌सो़ छ्‌योबु धङ् भीज घयेत्‍ल च्‍यीब झ्‍यीक्‍केन्,

हीब्रु 5:12

हजो़त् स्‍येन् खीत्‍रङ् चयेलमल थो़न् रेन् छरे छ्‌यक्‍चो़त् ॱलीत् छर बेत्। ॱनी हीन्‍न अक्, खीत्‍रङ् हुन्‍दो भीज नुम थुङ्‌गेन्‍दङ् छ्‌येत्‍मीत् ॱसुङ्‌रप्‍ल यो़प्‍पे ॱलोप्‍स गोनी यङ् खीत्‍रङ्‌ल क क आमनी ॱलोप् गो़ ॱस्‍यर्केल्‍ल ॱसोङ्‌दुक्। हुगो झ्‍यीनी खीत्‍रङ्‌ल गेम्‍बागी सम डस्‍सी टो़त् ॱमीत् छुबेत्।

ॱसाल्‍केत् 2:20

ॱनी हीन्‍न अक्, म दी खीत्‍रङ्‌गी उन मीत् गुवे केच्‍च्‍य च्‍यीक् दुक्। उन भी़मीक् जीजेबेल्‍की ॱलोप्‍स दी खीत्‍रङ्‌गी क ॱमत् च्‍येस्‍सोङ्। हुगी ङ कलुङ् ॱस्‍यो़क्‍केन् हीन् सीन्‍न ङे ॱयोक्‍पु घयेत्‍ल ॱयोङ्‌गोर् ज्‍यप्‍न छ्‌ये ज्‍युक्‍तु ची़क्‍कुक्। ॱनी ॱल्‍ह धङ् कुल पुबे छो सदु उक् ची़क्‍कुक्।