तीतस् 2:14 - ल्होमी14 हज्यरङ् घयेत् ङीब दीक्प छङ्मनी ॱलुवे ढीक्ल धङ् गये लेल मो़ब झ्यीक्केन् खोङ् रोरङ्गी मीस्सीर् हीम्ब युङल हज्यरङ् घयेत् टी़न धक्तु ची़प्पे ढीक्ल हज्यरङ् घयेक्की धो़न्दु खोङ्गी रोरङ्गी ॱरोक् च्येब बेत्। Faic an caibideil |
तीतस् 2:14
54 Iomraidhean Croise
खोङ्गी छ्यक्ल ॱस्येम्म धङ् फुक्मक् घयेत् ॱयुव पीक्च्येमे ॱलुङ्ज्यर् ज्यक्च्येम च्यीक् खुर्न यो़क्केन् बेत्। ॱनी हुगी ॱस्येम्म घयेत् दीदङ् फुक्मक् घयेत् दी ॱयुव पीक्नी ॱस्येम्म दी खोङ् रोरङ्गी जो़त्ल ॱलुक्केन् बेत्। ॱनी फुक्मक् दी नम्ल अक् ॱमीत् ॱस्यीगेङ्गी मी बर्सल ॱलुक्न ॱहे तोङ्गेन् बेत् सीन्न ॱस्येप्प बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
घन्ड हीन् सीन्न खीत्रङ्गी पुबु ॱमुमी़ च्यानी युङे धो़म्मीक्की टो घयेत्नी खीत्रङ् को़न्ज्योक्की ॱली़ब बेत्। ॱनी हीगी ॱलुरीन् दील फु ॱमीत् तक्केङ्गी ढङ् ॱसीर् धङ् ॱङु मेम्ब, नक्पी़ जी च्यो़न् मीप्पे लुक्टुक् ख्रीष्ट्की ठक् रीम्बुर् छ्यी दी बेत्। हीगो खीत्रङ्ल ॱस्यो़च्च्ये यो़क्केन् बेत्।
खीत्रङ् हुब डस्सी मेम्ब, को़न्ज्योक्की दम्बे मीस्सीर्, ख्रीष्ट् ज्याबी़ छ्यो़प्पो़न्, को़न्ज्योक्की खोङ् रोरङ्गी ढीक्ल पी़प्पे ज्यी़त् धङ् खोङ् रोरङ्गी दुङ्ज्यी़त् बेत्। खीत्रङ् खो़च्च्ये दी खीत्रङ् मेन्नक्नी यम् छेम्मे मेङ्गल भो़क्केन् को़न्ज्योक्की जेप्पे ले छ्यीम्मु घयेत् मी कुरीक्ल ॱस्यो़च्च्येगी ढीक्ल बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
झ्यम्बे दगुसो, हज्यरङ् को़न्ज्योक्की भीज दीरङ् बेत्। ॱनी तीङ्ला हज्यरङ् घन्दुक् झ्यीबल ज्युको़र्दङ् हुगो हुन्दो कुरीक् क ॱस्यो़च्च्ये मीप्प बेत्। ॱनी हुन्दो ॱस्यो़च्च्ये यो़प्प दी ख्रीष्ट् इगीनी मल्ल झ्यो़म्बे यङ्ल खोङ् घन्दुक् झ्यीब यो़दङ् हुगो हज्यरङ्गी ॱङो़सल् थोङ्नी, हुगो डस्सीरङ् हज्यरङ् अङ् झ्युङ् डोगेन् बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan