तीतस् 2:13 - ल्होमी13 ॱनी छ्यीम्मु हीम्बे को़न्ज्योक् हज्यरङ्गी च्यप्को़न् येशु ख्रीष्ट् खोङ् रोरङ्गी तो़त्वङ्गी ओ़च्च्यल इगीनी मल्ल झ्यो़ङ्गेन् बेत्। हुनी हज्यरङ्गी गव च्येम्मे रीगो दी डुप्केन् बेत्। ॱनी हीगोल गुक्कीन् झ्यीन हुगी ॱलोप्स हुल नेन्न दो़त् गोगेन् बेत्। Faic an caibideil |
तीतस् 2:13
42 Iomraidhean Croise
ॱनी हुगो युङ् छुबल खीत्रङ्गी ॱह घोवे केच्च्य ॱनेम्बुल यो़क्केङ्गी रीगो दील खीत्रङ् थीरीय देत्न छ्य दी तेम्बर् स्यक्न दो़त् गोगेन् बेत्। हीगी केच्च्य ॱनेम्बु हीगो ॱनम्गी होक्ल छ्यादु ची़प्पे मी घयेत्ल ॱस्येत्न धर्न यो़क्केन् बेत्। ॱनी हीगो टोम्गेङ्गी ॱयोक्पु च्यीक् ङ झ्युङ्न यो़त्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
ये डोगेङ्गी ॱसीर् त धक्तेन् हीन् धङ् मेन् स्यी़न् तङ्न तगुक् सीन्न ॱनी, खीत्रङ्गी छ्य स्यक्प दी ॱसुम्ब हुले चा छ्यीया बेत्। हुगी छो़त्लीन् तये यङ्ल खीत्रङ्गी छ्य स्यक्प दी धक्तेल्ल थो़न्न ॱनी, ख्रीष्ट् कुरीक्की थोङ्सल झ्यो़न्नी, खोङ् च्यानी खीत्रङ्ल यस्सो, तो़प्प धङ् इगीनी मक्की ओ़च्च्ये तो़प्प छ्यीम्मु थोप्केन् बेत्।
Sanasan