तीतस् 2:12 - ल्होमी12 ॱनी हुगी थुज्यीगी ॱलोप्सनी को़न्ज्योक् मीत् गुवे ले धङ् जम्बुलीङ् ङो़ल यो़प्पे धेच्च्यो ङेम्ब घयेत् फङ्न, हीगी धी़ हील हज्यरङ् ॱसीम्बे ॱनो़जो़त्ल ॱमत् तङ, खेजो़त् झ्यीन दो़त् गोगेन्, ढङ्बु धङ् को़न्ज्योक् गुवे लेमु झ्यीत् गोगेन् बेत् सीर हज्यरङ्गी ॱह घो छुगेन् बेत्। Faic an caibideil |
तीतस् 2:12
59 Iomraidhean Croise
ॱनी पावल्की ढङ्बु झ्यीत् गोगेङ्गी ढीक्ल, ॱनो़जो़त् घङ्बु झ्यीच्च्ये मीत् युङ्गेङ्गी ढीक्ल धङ् तीङ्ला को़न्ज्योक्की मी कुरीक्ल ठीम् च्यो़क्केन् हीम्बे ढीक्ल तम् ॱस्येत्नी ॱनी, हुल फेलीक्सा ज्यीबे, ह हन्देन् हीजो़त् च्यीक्की युङेत्। तीङ्ला खोम्बे यङ्ल रङ् तो़न्न यङ् ॱस्यो़त्तु ची़क्केन् झ्यीब बेत्।
ङीक्की ङोम्ज्येत् दी हीगो यो़त्। जम्बुलीङ्गी मी घयेक्की घुङ्दु धङ् हुले धक्पा खीत्रङ्गी घुङ्दु ङीक्की मीजीगी छ्यलु दी को़न्ज्योक् थु गुव धङ् धक्पर् ॱसीम् चङ्म खुर्न युङेन्। हीगी ढीक्ल सङ् ङेन् च्यो़त् ॱस्यीगेन् ङे ॱसीम्बे धक्पर् झ्यीक्केन् बेत्। हीगो कोलीमीगी झ्यी़रीक् रीक्पे मेम्ब, को़न्ज्योक्की थुज्यीगी बेत्।
हुन्दुक् झ्यीन म दीरङ् कुरीक् खरप्ल टप् डोगेन् झ्यीनी, हुनी खीत्रङ् घन्दुक् झ्यीब युङ् गोगेन् बेक्क? को़न्ज्योक्की हुगी ङीन् युङ हुल ॱसम्न ज्योक्सी युङ्दु ची़क्केन् खीत्रङ्सो धेस्सीम् छ्यीम्मु धङ् छ्यलु चङ्म युङ झ्यीत् गोगेन् बेत्। ॱनी हीगी ङीङ्गी यङ्ल इगी ॱनम्न घङ् यो़प्प घयेत् मी छीक्न खरप्ल डोगेन् बेत्। ॱसल यो़प्पे ढङ् घयेत् ढो़क्की स्यु डोगेन् बेत्।
गोल ॱनुम् ॱही़म्ब डस्सी खीत्रङ्ल धम्बे थु ॱनङ हुगो खीत्रङ्दङ् दल फुगी मत् ढेब स्युगेन् बेत्। हुगो झ्यीनी खीत्रङ्ल ॱसी़ इक् ॱलोप्स ज्यक् मीत् गो़ब, धम्बे थुगी खीत्रङ्ल कुरीक् तो़न्न ॱलोप्केन् बेत्। ॱनी खोङ्ल ॱएलमे ज्यी़त् मीप्प, दीम्ब च्यङ्ज्यङ् यो़क्केन् झ्यीनी, खोङ्गी ॱलबल नेन्न ख्रीष्ट्तङ् मत् ढेब थीरी दो़च्च्यीत्।
Sanasan