तीतस् 1:7 - ल्होमी

⁷ हुगी गोयो़प्‍प दी को़न्‍ज्‍योक्‍की मीजङ्‌गी गेन् खुर्केङ्‌गी मी झ्‍यीनी, हुल ङीबे च्‍यो़न् मीप्‍प, रङ्‌मो़ ॱमीत् ॱस्‍यो़क्‍केन्, फोदोरोक् मीत् लङ्‌गेन्, च्‍युर्ल दङ मीत् झ्‍यीक्‍केन्, खेरक् ॱमीत् तोङ्‌गेन् धङ् लोप् मीत् झ्‍यीक्‍केन् युङ् गोगेन् बेत्।

तीतस् 1:7 Iomraidhean Croise

मत्‍ती 24:45

ॱयोक्‍पु तेम्‍बोक्‍म धङ् खेबोक्‍म च्‍यीक् यो़त्‍न ॱनी, हुगो दक्‍पु दीगी ॱयोक्‍पु ॱयोङ्‌म घयेत् दीबे गोयो़प्‍पल को़न धी़जो़त् धी़जो़त्‍ल हुब घयेत्‍ल गो़बे सम टो़च्‍च्‍यीत् सीन्‍न ॱङान स्‍योक्‍केन् बेत्।

लुका 12:42

हीगी लेल्‍ल चोव ज्‍यीन्‍दक्‍की हीन्‍दुक् ॱसुङ बेत्। ॱयोक्‍पु तेम्‍बोक्‍म धङ् खेबोक्‍म च्‍यीक् यो़त्‍न ॱनी, हुगो दक्‍पु दीगी ॱयोक्‍पु ॱयोङ्‌म घयेत् दीबे गोयो़प्‍पल को़न धी़जो़त् धी़जो़त्‍ल हुब घयेत्‍ल गो़बे समे फक् टो़च्‍च्‍यीत् सीन्‍न ॱङान स्‍योक्‍केन् बेत्।

एफीसस् 5:18

च्‍युर्की मत् सीज्‍यीत्। हुगी लेमु अयेक्‍प झ्‍यीत्‍तु ची़क्‍केन् बेगो। बोर धम्‍बे थुगी घेङ् घेङ झ्‍यीच्‍च्‍ये ॱनो़बे ॱसीम्‍ब खुर्च्‍यीत्।

फीलीप्‍पी 1:1

ख्रीष्‍ट् येशुगी ॱयोक्‍पु ङ पावल् धङ् तीमोथीगी फीलीप्‍पीगी सार्न यो़प्‍पे ख्रीष्‍ट् येशुदङ् मत् ढेब, को़न्‍ज्‍योक्‍की मी चङ्‌म घयेत्, छ्‌यो़ छोगी गोयो़प्‍प धङ् छ्‌यो़योक्‍प घयेत्‍ल हीगी यीगी हीगो ढीन तोङ्‌गो़त्।

तीतस् 1:5

रङ् ङे क्रेट्‌की लुङ्‌बदु स्‍योक्‍च्‍येगी धो़न् दी हुदु ङे डुप् ॱमत् छुबे ले घयेत् दी रङ्‌गी डुप्‍न, ङे घङ् ॱङाबल पीब सार् रीदङ् रील यो़प्‍पे छ्‌यो़ छो घयेत्‍ल गोयो़प्‍प घयेत् को़न स्‍योक्‍च्‍येगी ढीक्‍ल हीन्।

तीतस् 2:3

ॱनी यङ् हीगो डस्‍सी गेम्‍मु घयेत्‍ल अक् छ्‌यप्‍स्‍यक् युङे लेमु झ्‍यीक्‍केन्, फालप् मीत् लप्‍केन्, गोङ्‌ज्‍यङ्‌ल ख ॱस्‍योर्न गज्‍येन् ॱमीत् थुङ्‌गेन् धङ् धो़न् गागी केच्‍च्‍य ॱयोङ्‌ल ॱलप्‍न टो़क्‍केन् युङ् गोगेन् बेत् सीन्‍न ॱलोप्‍स ज्‍योप्‍च्‍यीत्।

१ पत्रुस् 4:10

खीत्‍रङ् रीदङ् रील को़न्‍ज्‍योक् च्‍यानी थोबे थुज्‍यीगी कबप् दी च्‍यीक्‍तङ् च्‍यीक्‍ल फेन्‍दो युङे ढीक्‍ल झ्‍यीज्‍यीत्। खीत्‍रङ्‌ल को़न्‍ज्‍योक्‍की कबप् ॱनजो ॱनङ दी खीत्‍रङ्‌गी गन्‍दीक्‍म झ्‍यीन खो़न युङ् गोगेन् बेत्।

१ पत्रुस् 5:2

खीत्‍रङ्‌गी गेल्‍ल यो़प्‍पे को़न्‍ज्‍योक्‍की लुक् घयेत् ॱसो़ज्‍यीत्। हीगो खेरक्‍की झ्‍यीत् गोगो़त् ॱनो़ब मेम्‍ब, को़न्‍ज्‍योक्‍की थुल यो़प्‍पल ॱसम्‍न ॱलो़लङ्‌गी झ्‍यीज्‍यीत्। लोप् झ्‍यीन पयीसक् ॱसक्‍च्‍ये ॱनो़बे ढीक्‍ल मेम्‍ब, ॱसीम्‍बे यीक्‍नी झ्‍यीच्‍च्‍ये ॱनो़ब ॱसम्‍न झ्‍यीज्‍यीत्।

२ पत्रुस् 2:10

कोलीमीगी धेत्‍मो़ ङेम्‍ब स्‍यीलोक्‍सीगी लेमुल ॱस्‍योर्न ॱवङ् च्‍येम्‍म घयेत्‍ल छ्‌यगेन् हुबल ओ़स्‍यो दी हीगो यो़क्‍केन् बेत्। हुगी चयेलम जी़म हुब ॱहम्‍जा छ्‌यीस्‍सी झ्‍यीनी, इगीगी ओ़च्‍च्‍य च्‍येम्‍म घयेत्‍ल ॱमो़म्‍बी़त् तोङल आक् ज्‍यीब मीत् झ्‍यीक्‍केन् बेत्।