तीतस् 1:2 - ल्होमी2 फु तक्पे छी थोप्केङ्गी रीगो तो़ङ्गेल्ल ङ को़ज्युङ्। ॱनी नम्ल अक् ॱएलम ॱमीत् ॱसुङ्गेन् को़न्ज्योक्की ॱङो़न् धङ्बी़ धी़ले एक् एल्लानी हीगी छी हीगो ॱनङे छ्यो़त्तुम् जेत्न यो़क्केन् बेत्। Faic an caibideil |
तीतस् 1:2
46 Iomraidhean Croise
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
हुब डस्सी मेम्ब, हज्यरङ् ङीम्मु मेङ्गे छ्योल यो़क्केन् झ्यीनी, ॱसीम् ॱनो़जो़त् घङ्बी़ ॱवङ्ल ॱमत् तङ दो़त् गोगेन् बेत्। हज्यरङ्गी छ्य स्यक्प दी धङ् झ्यम्सीम् दी ॱमक्मीगी ढङ्गोक् छ्योप्केन् च्यागी घो़ घो़म्ब डस्सी युङ् गोगेन् बेत्। ॱनी छी थर्व युङे रीगो दी ॱमक्मीगी गोल छ्योप्केन् च्यागी स्यमुङ् घो़म्ब डस्सी युङ् गोगेन् बेत्।
छ्य स्यक्पे लम् दील रङ् खेजो़त् झ्यीन दुर्न ज्ये छुब झ्यीज्यीत्। एल्ला रङ्गी मी गज्येङ्गी दोङ्दु दीम्बरङ् छ्य स्योक्केन् हीन् सीन्न केच्च्य गस्सी ॱस्यो़प्पे यङ्ल रङ्ल थोप्न यो़प्पे फु तक्पे छी दी सुङ् सुङ झ्यीज्यीत्। को़न्ज्योक्की भो़च्च्ये दी इक् रङ् हीगी ढीक्लरङ् बेत्।
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
रङ्गी थोङे ॱसीम्ज्येन् हुगो एल्ला झ्युङ बेत्। ॱनी हुन्दो मीप्प बेत्। ॱनी हुगो यङ् खीस मीप्पे ॱसेङ्दोङ दीगी नङ्नी थो़ङ्गेन् बेत्। थो़न्नी, यङ् हुगो खरप्ल टप् डोगेन् बेत्। ॱस धङ् ॱनम् छ्यादु ची़प्पनी झ्यीनी छीये थोल मीङ् मत् ढीबे मी घयेत् दी हुगी ॱसीम्ज्येन् हुगो थो़म्ब थोङ्नी, ॱह लेगेन् बेत्। घन्ड हीन् सीन्न एल्ला हुगो झ्युङ बेत्। हुनी यङ् मीप्प बेत्। ॱनी यङ् तीङ्ला थो़ङ्गेन् बेत्।
Sanasan