रोमी 8:7 - ल्होमी7 कोलीमी रोरङ् रङ्स्यीगी ॱसीम् ङो़ल तोङ्गेन् हुगो को़न्ज्योक्की डल डोगेन् बेत्। हुगो को़न्ज्योक्की छ्यो़डीम्गी ॱवङ्गी होक्ल मीत् दो़क्केन् बेत्। म दीरङ् दो़त् ॱमीत् छुगेन् बेत्। Faic an caibideil |
रोमी 8:7
28 Iomraidhean Croise
हीगो झ्यीनी छ्यो़डीम्गी क च्युङेत्मु च्यीक्ल ॱसी़ ॱमीत् चीयेक्क, ॱनी मी ॱयोङ्माल आक् ॱमत् ची सीन्न ॱलोप्स ज्यक्कुक्क हुगो तेङ् यी़गी ज्यागक्तु च्युङ्स्योल ॱनेगेन् बेत्। ॱनी यङ् छ्यो़डीम्गी क घयेत्ल ॱसी़ चीन युङ्गुक्क, ॱनी मी ॱयोङ्माल आक् ची गोगेन् बेत् सीन्न ॱलोप्स ज्यक्कुक्क हुगो तेङ् यी़गी ज्यागक्तु छ्यीयाल ॱनेगेन् बेत्।
तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्।
इस्राएल्की मी घयेत्तङ् ङ हीन्दुक् झ्यीबे कगो़त् धम्स्यक् च्यीक् स्योक्केन् सीन्न चोव ज्यीन्दक्की ॱसुङ्गुगो। तीङ्ला हुगी धी़ल ङे छ्यो़डीम्गी क घयेत् हुबे ॱसीम्ल स्युक्तु ची़त्न हुबे ॱसीम्बे यीक्ल ढीन स्योक्केन्। हुनी ङ हुबे को़न्ज्योक् धङ् हुब ङे मीस्सीर् हीम्ब युङ्गेन् बेत्।
Sanasan