रोमी 8:6 - ल्होमी

⁶ कोलीमी रोरङ् रङ्‌स्‍यीगी ॱसीम्‍बे ॱवङ्‌ल तोङ्‌गेन् हुगो ॱस्‍यीवल डोगेन् बेत्। ॱनी यङ् धम्‍बे थु ङो़ल ॱसीम् तोङ्‌गेन् हुगो छी थर्व धङ् ॱसीम् दीव युङ्‌गेल्‍ल डोगेन् बेत्।

रोमी 8:6 Iomraidhean Croise

युहन्‍ना 14:27

खीत्‍रङ्‌ल ॱसीम् दीव युङ्‌ज्‍ये यो़प्‍प टो़क्‍केन्। हीगो जम्‍बुलीङ् ङो़नी युङ्‌गेन् डस्‍सी मेम्‍ब, ङे ङरङ्‌ल यो़प्‍पे ॱसीम् दीव दीरङ् खीत्‍रङ्‌ल टो़क्‍केन्। खीत्‍रङ् ॱसीम्‍दुक् धङ् ज्‍यीब मत् झ्‍यीत्।

युहन्‍ना 14:6

ॱनी येशुगी हुल लम्, दीम्‍ब धङ् छीये खुङ् दी ङ हीन्। ङ च्‍यानी फीन्‍न मेन्‍द, स्‍येन् ॱसु उक् यप् च्‍याल ॱलीत् ॱमीत् छुगेन् बेत्।

युहन्‍ना 17:5

ॱस धङ् ॱनम् छ्‌यादु ची़प्‍पले एल्‍लानी यो़क्‍केन् पबरङ्‌दङ् दल यो़प्‍पे यङ्‌गी ङे तो़त्‍वङ् छ्‌यीम्‍मी़ ओ़च्‍च्‍य दी ह यङ् ङल ॱनङ्‌रो झ्‍यी।

रोमी 13:14

हीन्‍दुक् झ्‍यीन चोव ज्‍यीन्‍दक् येशु ख्रीष्‍ट् खीत्‍रङ्‌गी घो़ल घो़म्‍ब डस्‍सी झ्‍यीज्‍यीत्। कोलीमी ॱसीम्‍नी लङे धेत्‍मो़ ङेम्‍बे लेमु हुगो डुप्‍तु ॱमत् ची़च्‍च्‍यीत्।

रोमी 14:17

घन्‍ड हीन् सीन्‍न को़न्‍ज्‍योक्‍की ज्‍यागक्‍की लेमु हुगो सय धङ् थुङे ढीक्‍ल मेम्‍बेत्। हुगो ढङ्‌बु युङ, ॱसीम् दीव युङ धङ् धम्‍बे थुनी झ्‍युङे ॱसीम् गव युङे ढीक्‍ल बेत्।

रोमी 5:1

हुन्‍दुक् झ्‍यीन हज्‍यरङ्‌गी छ्‌य स्‍यक्‍प दीगी हज्‍यरङ् को़न्‍ज्‍योक्‍की ॱनम्‍बर् धक्‍पल तो़न्‍न चोव ज्‍यीन्‍दक् येशु ख्रीष्‍ट्‌की कुट्‌टीङ्‌गी हज्‍यरङ्‌दङ् को़न्‍ज्‍योक् जदु ची़त्‍न यो़क्‍केन् बेत्।

रोमी 5:10

हज्‍यरङ् को़न्‍ज्‍योक्‍की डल यो़प्‍पे यङ्‌ल खोङ्‌गी ॱरेबु ढोङ हीम्‍ब दीगी हज्‍यरङ्‌दङ् को़न्‍ज्‍योक् डीक्‍च्‍या झ्‍युङ बेत्। ॱनी नुक् झ्‍यीन डीक्‍च्‍या झ्‍युङ्‌न यो़क्‍केन् झ्‍यीनी ॱनी, हरुङ् खोङ् ॱसोम्‍बु यो़प्‍प दीगी ॱसुम्‍ब हज्‍यरङ् ले ॱल्‍हस्‍सी थर्तु ची़त् छुगेन् बेत्।

रोमी 6:21

दीक्‍पे ॱयोक् ज्‍युबे लेगी डेबु दील खीत्‍रङ्‌ल ॱस्‍यीव मेन्‍द, ॱयोङ् घन्‍ड अक् ॱमत् थोब बेत्। हुल खीत्‍रङ् हुन्‍दो ङु छगेन् बेत्।

रोमी 6:23

दीक्‍प झ्‍यीनी, हुगी ॱल दील ॱस्‍यीव युङ्‌गेन् बेत्। ॱनी यङ् को़न्‍ज्‍योक्‍की ॱनङ्‌ज्‍येत्‍ल ख्रीष्‍ट् येशु हज्‍यरङ्‌गी चोव ज्‍यीन्‍दक्‍की लम्‍नी फु तक्‍पे छी थोप्‍केन् बेत्।

रोमी 7:11

छ्‌यो़डीम्‍गी क हुगो ॱस्‍यो़च्‍च्‍ये झ्‍युङ्‌नी क, ङे ङरङ् दीक्‍पे ॱयोङ्‌गोर्ल छ्‌यी़न ॱस्‍यीनर हीम्‍ब ॱह घोज्‍युङ्।

रोमी 7:5

एल्‍ला हज्‍यरङ् कोलीमी ङो़गी ॱसीम्‍बे ॱवङ्‌गी होक्‍ल दो़प्‍पे यङ्‌ल छ्‌यो़डीम् हुगी हज्‍यरङ्‌गी ॱसीम्‍ल दीक्‍प झ्‍यीत्‍तु ची़क्‍केन् धेत्‍मो़ ङेम्‍ब घयेत् ॱलोङ्‌न सी़गी यल्‍लक् घयेत्‍ल ले झ्‍यीत्‍तु ची़प्‍प बेत्। ॱनी हीगी डेबु दील ॱस्‍यीव युङ्‌गेन् बेत्।

रोमी 8:13

ॱनी खीत्‍रङ्‌गी कोलीमी रोरङ् रङ्‌ज्‍यी़गी ॱसीम्‍दङ् डीक्‍प झ्‍यीक्‍को़त्‍न ॱनी, खीत्‍रङ् ॱस्‍यीगेन् बेत्। ॱनी हीगो मेम्‍ब, खीत्‍रङ्‌गी ली़सीम्‍नी लङे दीक्‍पे ले घयेत् धम्‍बे थु डेन्‍न हुगो ॱसो़क्‍को़त्‍न ॱनी, खीत्‍रङ् ॱङो़न्‍ने ॱसो़गेन् बेत्।

रोमी 8:27

ॱनी धम्‍बे थुगी घी़रीम हुगो मी ॱसीम्‍ल तगेन् को़न्‍ज्‍योक्‍की ॱह घोगेन् बेत्। घन्‍ड हीन् सीन्‍न को़न्‍ज्‍योक्‍की मी चङ्‌म घयेक्‍की ढीक्‍ल धम्‍बे थुगी स्‍युदेन् ज्‍यब हुगो को़न्‍ज्‍योक्‍की गोङ्‌बदङ् डीक्‍केन् बेत्।

रोमी 8:7

कोलीमी रोरङ् रङ्‌स्‍यीगी ॱसीम् ङो़ल तोङ्‌गेन् हुगो को़न्‍ज्‍योक्‍की डल डोगेन् बेत्। हुगो को़न्‍ज्‍योक्‍की छ्‌यो़डीम्‍गी ॱवङ्‌गी होक्‍ल मीत् दो़क्‍केन् बेत्। म दीरङ् दो़त् ॱमीत् छुगेन् बेत्।

गलाती 5:22

ॱनी धम्‍बे थु च्‍यानी युङ्‌गेङ्‌गी डेबु दी हीगो बेत्। झ्‍यम्‍ब, गव, ॱसीम् दीव, ङङ्‌रीन्, गये ले, गङ्‌ज्‍येन् झ्‍यीक्‍केन्, तेम्‍बोक्‍म,

गलाती 6:8

कोलीमीगी ॱसीम्‍बे रङ्‌ज्‍यी़गी ॱसो़न् तोप्‍केन् दीगी ॱस्‍यीवे तो़न्‍दोक् दी़क्‍केन् बेत्। ॱनी यङ् धम्‍बे थुदङ् डीक्‍पे ॱसो़न् तोप्‍केन् दीगी धम्‍बे थुगी लम्‍नी फुगी छी तक्‍पे तो़न्‍दोक् दी़क्‍केन् बेत्।