रोमी 7:8 - ल्होमी

⁸ ॱमीक् छक्‍प मत् झ्‍यीज्‍यीत् सीक्‍केङ्‌गी छ्‌यो़डीम्‍गी क हुगो ॱस्‍यो़च्‍च्‍ये झ्‍युङ्‌नी क, ङे ॱसीम्‍ल ॱमीक् छक्‍पे दीक्‍प ॱनम्‍ब गज्‍येन् ॱलङ्‌न युङ ॱह घोज्‍युङ्। ॱनी म दी छ्‌यो़डीम् मीत्‍न ॱनी, दीक्‍प हुल उ ॱमत् थोब डस्‍सी युङ्‌गेन् बेत्।

रोमी 7:8 Iomraidhean Croise

मर्कुस् 7:22

ॱयोङ्‌दङ् ङीब झ्‍यीक्‍केन्, लोप् झ्‍यीक्‍केन्, मीङेन् झ्‍यीक्‍केन्, ॱयोज्‍यी़ ठम्‍ज्‍यी़ झ्‍यीक्‍केन्, छ्‌येल ॱनक्‍सी झ्‍यीक्‍केन्, ठदोक् झ्‍यीक्‍केन्, ॱमो़म्‍बी़त् तोङ्‌गेन्, ज्‍यीम्‍गेत् ॱस्‍यो़क्‍केन्, घुलोक् थप्‍केन् धङ्

युहन्‍ना 15:22

ङ मत् युङ, ङे हुबल ॱमत् ॱस्‍येप्‍प हीन्‍न, हुबल घन्‍डे दीक्‍पे ङीब युङ ॱनी? ह हुबे दीक्‍प घन्‍डल अक् ॱही़न्‍स मीप्‍प बेत्।

युहन्‍ना 15:24

हुब घयेक्‍की घुङ्‌दु मी ॱसी़ इक् नम्‍ल अक् मत् झ्‍यीबे ले ङे गज्‍येन् झ्‍यीन तो़म्‍बेन्। हीगो ॱमत् तो़म्‍ब हीन्‍न, हुबल घन्‍डे दीक्‍पे ङीब युङ ॱनी? हुबे ङे झ्‍यीबे ले घयेत् थोङ्‌न आक्, ङ धङ् ङे यप्‍ल ॱङीङ्‌मदुक् झ्‍ये झ्‍येब दो़क्‍केन् बेत्।

रोमी 3:20

घन्‍ड हीन् सीन्‍न छ्‌यो़डीम्‍गी क घयेत्‍ल चीन युङे लम्‍नी को़न्‍ज्‍योक्‍की ढुङ्‌दु मी ॱसु उक् ॱनम्‍बर् धक्‍पल थो़न् ॱमीत् छुगेन् बेत्। हीगी दीक्‍च्‍येन् बेत् व ॱनो़बे ॱसम्‍ल दीरङ् छ्‌यर्तु ची़क्‍केन् बेत्।

रोमी 4:15

ॱनी म दी छ्‌यो़डीम्‍गी कोलीमील को़न्‍ज्‍योक्‍की खोङ्‌डोक्‍की छ्‌येप्‍प ॱयोप्‍केन् बेत्। ॱनी छ्‌यो़डीम् मीत्‍न ॱनी, घन्‍दुक् झ्‍यीन ङीबे ले ॱह घोगेन्?

रोमी 5:20

छ्‌यो़डीम् हुगो म दी मी घयेक्‍की ङीब गज्‍येन् झ्‍यीब थोङ्‌ज्‍ये यो़प्‍पे ढीक्‍ल ॱनङ बेत्। घन दीक्‍प गज्‍येन् फीन युङ्‌गुक्‍क हुगो धक्‍च्‍येल को़न्‍ज्‍योक्‍की थुज्‍यी दी इक् हुले ॱल्‍हक्‍मा युङ्‌गेन् बेत्।

रोमी 7:11

छ्‌यो़डीम्‍गी क हुगो ॱस्‍यो़च्‍च्‍ये झ्‍युङ्‌नी क, ङे ङरङ् दीक्‍पे ॱयोङ्‌गोर्ल छ्‌यी़न ॱस्‍यीनर हीम्‍ब ॱह घोज्‍युङ्।

रोमी 7:13

हुगो गङ्‌ज्‍येन् हीन्‍न ॱनी, ङ ॱस्‍यीनरल तोङ्‌गेन् दी हुगो बेक्‍क ॱनी? ॱस्‍युली मेम्‍बेत्। दीक्‍प बेत्। हुगी क गङ्‌ज्‍येन् हुगी लम्‍नी दीक्‍पे ङ ॱस्‍यीनरल तङ्‌ज्‍युङ्। ॱनी हीगो दीक्‍प हुगो ॱङो़न्‍ने दीक्‍प हीम्‍ब धङ् हुगो गन्‍दीय ङीब हीम्‍ब ॱह घोज्‍येगी ढीक्‍ल बेत्।

रोमी 7:17

ॱनी ङे हुन्‍दुक् झ्‍यीन घन्‍ड डुप्‍न युङ्‌गुक्‍क हुगो ङरङ् रङ्‌स्‍यीगी झ्‍यीक्‍केन् मेम्‍ब, ङे खोक्‍ल दो़क्‍केङ्‌गी दीक्‍प दीगी झ्‍यीक्‍केन् बेत्।

रोमी 7:9

ङल एल्‍ला छ्‌यो़डीम् ॱस्‍यो़च्‍च्‍ये मीप्‍पे यङ्‌ल ङ नुक्‍रङ् यो़त्। ॱनी तीङ्‌ला छ्‌यो़डीम्‍गी क हुगो ॱस्‍यो़च्‍च्‍ये झ्‍युङ्‌नी, हुनी ङे दीक्‍पल उ थोसोङ्।

१ कोरीन्‍थी 15:56

ॱस्‍यीवे दुङ् दी दीक्‍प बेत्। दीक्‍पल ॱस्‍यीक् दी छ्‌यो़डीम्‍गी लम्‍नी ॱङीक्‍केन् बेत्।