रोमी 7:4 - ल्होमी

⁴ पी़न्‍ज्‍यासो, पी हुगो डस्‍सी खीत्‍रङ् ॱअङ् ख्रीष्‍ट्‌की सी़गी यल्‍लक् झ्‍यीनी, ख्रीष्‍ट् ढोङे यङ्‌ल खीत्‍रङ् ॱअङ् छ्‌यो़डीम् हुगोदङ् या ढेन ॱयोङ् ङो़ल ॱसोम्‍बुल लोङ्‌न यो़क्‍केन् ख्रीष्‍ट् छ्‌योल युङ्‌न यो़क्‍केन् बेत्। हुगो झ्‍यीनी हस्‍सो़त् को़न्‍ज्‍योक्‍ल घो छ्‌यो़प्‍प हज्‍यरङ् च्‍यानी डेबु छ्‌यान युङ्‌गेन् बेत्।

रोमी 7:4 Iomraidhean Croise

मत्‍ती 26:26

हुनी खोङ्‌जोसो सम दी सये यङ्‌ल येशुगी ढोप्‍ची च्‍यीक् छ्‌यक्‍ल ॱनम्‍न को़न्‍ज्‍योक्‍ल थु छ्‌यी पुन हुनी च्‍यक्‍न ॱलोप्‍टुक् दीबल ॱय हीगो लीन्। हीगो ङे सी़बु हीनो सीन्‍न गो़न टेप्‍प बेत्।

मर्कुस् 4:20

ॱनी ॱस गा ॱसदीक्‍ल खीबे धो़न् दी केच्‍च्‍य नेन्‍नी हुनी हुबे हुल ॱसम्‍गेन् बेत्। हुनी हस्‍सो़त् डेबु छ्‌यान यरीनी ॱसुम्‍ज्‍युगोर्, यरीनी ढुक्‍च्‍युगोर्, यरीनी ज्‍यगोर् युङ्‌गेन् बेत्।

युहन्‍ना 15:8

ॱनी खीत्‍रङ् च्‍येन्‍नी डलु गज्‍येन् छ्‌यान युङ्‌न ॱनी, हुगी लम्‍नी ङे यप्‍ल तो़प्‍प युङ्‌गेन् बेत्। हुनी क खीत्‍रङ् ङे ॱलोप्‍टुक् खुङ्‌देन् हीम्‍ब युङ्‌गेन् बेत्।

युहन्‍ना 3:29

मी घयेत् खोङ् च्‍याल डोगेन् हुगो मक्‍पल ॱनम युङ डस्‍सी बेत्। ङ खोङ्‌गी दगु हीन्। ॱनी भालील्‍ल मक्‍पे केत् दी मक्‍पे दगु दीगी ॱह घोनी, हुनी गेस गन्‍दीक्‍म युङ्‌गेन् बेत्। हीगो डस्‍सी दी क हुन्‍दो ङल मील मीप्‍पे गेस लङ्‌गुक्।

युहन्‍ना 6:51

तेङ् यी़नी मल्‍ल युङे सम ॱसोम्‍बु दी ङ हीन्। ॱनी हीगो ॱसी़ सगो़दङ् हुगो फुगी ॱसोम्‍बु दो़क्‍केन् बेत्। ॱनी हीगी सम दी ङे सी़बु हीगो हीन्। हीगो जम्‍बुलीङ्‌गी मी घयेत् ॱसोम्‍बुल युङ्‌ज्‍ये यो़प्‍पे ढीक्‍ल तीक्‍केन् सीन्‍न ॱसुङ बेत्।

रोमी 6:11

हीगो डस्‍सी खीत्‍रङ् ॱअङ् दीक्‍प ङो़नी ॱस्‍यीनर हीम्‍ब धङ् ख्रीष्‍ट् येशुदङ् मत् ढेबल को़न्‍ज्‍योक् ङो़ल ॱसोम्‍बु यो़त् ॱनो़ब खुर्च्‍यीत्।

रोमी 6:14

खीत्‍रङ् छ्‌यो़डीम्‍गी होक्‍ल मीप्‍प, थुज्‍यीगी होक्‍ल यो़क्‍केन् झ्‍यीनी, दीक्‍पे ॱवङ् खीत्‍रङ्‌गी थोक्‍ल मीत् डोगेन् बेत्।

रोमी 6:2

हीगो ॱस्‍युली मीत् युङ्‌गेन् बेत्। दीक्‍प ङो़नी हज्‍यरङ् ॱस्‍यीनर हीम्‍बल ॱसोङ् छर्नी, यङ् घन्‍दुक् झ्‍यीन दीक्‍प झ्‍ये झ्‍येब दो़क्‍केन्?

रोमी 6:22

ॱनी हुन्‍दो ह खीत्‍रङ् दीक्‍पे लक्‍नी या टेन, को़न्‍ज्‍योक्‍की ॱयोक्‍पुल झ्‍युङ्‌न यो़क्‍केन् बेत्। ॱनी हीगी डेबु दील धक्‍पर् च्‍येम्‍मे मीजी युङ्‌गेन् बेत्। ॱनी स्‍युक्‍ला फु तक्‍पे छी थोप्‍केन् बेत्।

रोमी 7:3

भुमु रोरङ्‌लरङ् छ्‌योबु यो़क्‍कीन् यो़क्‍कीन् छ्‌योगो ॱयोङ्‌मादङ् ङीन ॱनी, हुल छ्‌येमु सीक्‍केन् बेत्। छ्‌योबु दी ॱस्‍यीन खुर्न ॱनी, भुमु छ्‌यो़डीम्‍गी क हुल ची मीत् गो़ब, रङ्‌मो़ल थो़न्‍न हुनी हस्‍सो़त् ॱयोङ्‌मागी ॱनमल फीन्‍न आक्, हुनी छ्‌येमुल मीत् डोगेन् बेत्।

रोमी 7:6

ॱनी हुन्‍दो छ्‌यो़डीम् ङो़नी हज्‍यरङ् ॱस्‍यीनर यो़क्‍केन् झ्‍यीनी, हुगी होक्‍नी थर्न छ्‌यो़डीम्‍गी यीगील यो़प्‍पे लेमु ॱङीङ्‌बे होक्‍ल मेम्‍ब, धम्‍बे थुगी लेमु ॱसम्‍बे होक्‍ल देत्‍न को़न्‍ज्‍योक्‍ल स्‍यप्‍च्‍यी़ ज्‍युक्‍केल्‍ल झ्‍युङ्‌न यो़क्‍केन् बेत्।

रोमी 8:2

घन्‍ड हीन् सीन्‍न छी ॱनङ्‌गेन् धम्‍बे थुगी ॱवङ्‌गी ख्रीष्‍ट् येशुगी लम्‍नी दीक्‍प धङ् ॱस्‍यीवे ॱवङ्‌गी होक्‍नी रङ् या टेन यो़क्‍केन् बेत्।

१ कोरीन्‍थी 10:16

हज्‍यरङ्‌गी थु छ्‌यी पुन झ्‍यील्‍लप् च्‍येम्‍मे फोप्‍पनी थुङ्‌न ॱनी, ख्रीष्‍ट्‌की ठक्‍तङ् मत् ढेब युङ्‌गेन् बेत्। झ्‍यील्‍लप्‍की ढोप्‍ची हज्‍यरङ्‌गी च्‍यक्‍न सेन ॱनी, ख्रीष्‍ट्‌की कुस्‍सी़दङ् मत् ढेब युङ्‌गेन् बेत्।

२ कोरीन्‍थी 11:2

खीत्‍रङ्‌गी ढीक्‍ल ङ अक् को़न्‍ज्‍योक्‍की लेक्‍मु ॱमीसीर् लङ्‌गुक्। खीत्‍रङ् घयेत् मक्‍प च्‍यीगी च्‍यीक् ख्रीष्‍ट्‌की ॱनमल युङ्‌ज्‍येल ङे धर् तान स्‍यक्‍पेन्। हुगो झ्‍यीनी नज्‍युङ्‌म धक्‍पर् हीम्‍ब डस्‍सी खोङ्‌गी ढुङ्‌दु ङे खीत्‍रङ् च्‍यो़ छुब झ्‍यीक्‍को़त्।

गलाती 3:13

ॱनी हुगी क घयेत् हुल ची ॱमत् छुबल हज्‍यरङ्‌ल फोक्‍केङ्‌गी छ्‌येप्‍प दी ख्रीष्‍ट्‌की खुर्न हज्‍यरङ् हुगी लक्‍नी ॱली़ब बेत्। हीगी ढीक्‍ल ॱसुङ्‌रप्‍ल ॱस्‍यीङ्‌ल ॱनम्‍ल ता स्‍यक्‍पे मील को़न्‍ज्‍योक्‍की छ्‌येप्‍प फोक्‍नर बेत् सीर यो़क्‍केन् बेत्। (ठीम्‍लु २१:२३)

गलाती 5:18

धम्‍बे थुगी ठीक्‍पे लम्‍ल खीत्‍रङ् युङ्‌न ॱनी, छ्‌यो़डीम्‍गी होक्‍ल दो़क्‍केङ्‌गी मी खीत्‍रङ् मीत् युङ्‌गेन् बेत्।

फीलीप्‍पी 1:11

हुनी हस्‍सो़त् को़न्‍ज्‍योक्‍ल तो़प्‍प धङ् यस्‍सो युङ्‌ज्‍ये यो़प्‍पल ख्रीष्‍ट्‌की लम्‍नी खीत्‍रङ् ॱसीम् सङ्‌बुल झ्‍युङ्‌न डेबु छेत्‍मीत् छ्‌यागेन् बेत्।

फीलीप्‍पी 4:17

ॱनी हीगो यङ् ङल गो़गुक् सीन्‍न खीत्‍रङ्‌ल फीच्‍च्‍य लीङ्‌गेन् मेन्। खीत्‍रङ्‌गी गये ले झ्‍यीबे चीस्‍यी दील डेबु ॱमीम्‍ज्‍ये यो़प्‍पल ङे हीगो सीक्‍को़त्।

कलस्‍सी 1:10

ॱनी खीत्‍रङ्‌गी मीजीगी छ्‌यलु दी चोव ज्‍यीन्‍दक्‍ल ओ़ब युङ्‌ज्‍ये यो़प्‍प धङ् हीनी छीगङ् खीत्‍रङ्‌गी चोव ज्‍यीन्‍दक् थु गुवे ले झ्‍यीत् छुज्‍ये यो़प्‍प धङ् गये लेगी ढङ्‌गी डेबु छ्‌याज्‍ये यो़प्‍प धङ् को़न्‍ज्‍योक्‍की थुरीक् हरुङ् ज्‍यीक्‍तु ॱह घोज्‍ये यो़प्‍प तोङ्।

कलस्‍सी 1:22

ॱनी हुन्‍दो खीत्‍रङ् हुगो डस्‍सी मेम्‍ब, खोङ्‌गी ॱरेबी़ ॱस्‍यस्‍सी़ ढोङे लेगी डीक्‍च्‍या जेप्‍प बेत्। हीगो खीत्‍रङ् चङ्‌म नक्‍चक् मीप्‍प, ङीबे च्‍यो़न् मीप्‍पल झ्‍युङ्‌न को़न्‍ज्‍योक्‍की ढुङ्‌दु खोङ्‌गी ठीक् छुज्‍ये यो़प्‍पल बेत्।

कलस्‍सी 1:6

हीगी दीम्‍बे केच्‍च्‍य ॱनेम्‍बु हीगो जम्‍बुलीङ्‌ल घल अक् धर्न फीन्‍नी, घङ् धर्स दीदु डेबु छ्‌यागेन् बेत्। ॱनी खीत्‍रङ् च्‍याल आक् धर्न ॱलीत्‍नी, खीत्‍रङ्‌गी गोमनीरङ् गन्‍दीय को़न्‍ज्‍योक्‍की थुज्‍यी ॱनङ ॱह घोनी, हुल पीबे डेबु खीत्‍रङ्‌गी घुङ्‌न अक् छ्‌यान दुक्।

कलस्‍सी 2:14

ॱनी हीगो युङ्‌ज्‍ये दी हज्‍यरङ्‌ल छ्‌येप्‍प फोक्‍केन्, ङीबे थो दी खोङ्‌गी ॱसेत् तङ बेत्। हीगो कुरुस्‍ल तान कट्‌टी ज्‍यप्‍न खोङ्‌गी मीप्‍पल सो़ तङ बेत्।

कलस्‍सी 2:20

खीत्‍रङ् ख्रीष्‍ट्‌तङ् दल जम्‍बुलीङ्‌गी टोलु घयेत्‍नी ॱस्‍यीनर हीम्‍ब डस्‍सी रङ्‌स ढेन यो़क्‍केन् बेत्। हुगो झ्‍यीनी खीत् जम्‍बुलीङ् ङो़गी हीन्‍दुक् झ्‍यीब

हीब्रु 10:10

को़न्‍ज्‍योक्‍की थुल यो़प्‍पे ढो़ हुगो डुप्‍च्‍येल येशु ख्रीष्‍ट्‌की फुगी फेम्‍बे ढीक्‍ल खोङ् रोरङ्‌गी सी़बु दी ॱरोक्‍ल लेन् च्‍यीक्‍लरङ् पुब बेत्। हीगी लम्‍नी क हज्‍यरङ् धक्‍पर् हीम्‍बल झ्‍युङ बेत्।

१ पत्रुस् 2:24

हज्‍यरङ् दीक्‍प ङो़नी ॱस्‍यीनरदङ् छ्‌येत्‍मीत् ढेन को़न्‍ज्‍योक् ङो़गी ढङ्‌बी़ लम्‍ल डोज्‍ये यो़प्‍पल हज्‍यरङ् घयेक्‍की दीक्‍पे छ्‌येप्‍प दी खोङ् रोरङ्‌गी कुस्‍सी़ल ॱनम्‍न कुरुस्‍ल ढोङ बेत्। खोङ् हुदु ढोङे यङ्‌ल च्‍येप्‍पे ॱम घयेत् दीगी हज्‍यरङ् ॱसो़ब बेत्।

ॱसाल्‍केत् 19:7

हज्‍यरङ् गेस धङ् गव झ्‍यीन को़न्‍ज्‍योक्‍ल तो़प्‍प पुदोङ्। घन्‍ड हीन् सीन्‍न लुक्‍टुक्‍की भालीन् झ्‍यीप्‍पे धी़ दी ह ॱलीस्‍सोङ्। खोङ्‌गी ॱनम ह भाज्‍ये ठोक्‍क ज्‍यप्‍न दुक्।

ॱसाल्‍केत् 21:9

हुनी स्‍युक् थदु च्‍यो़न् छ्‌यीम्‍मु ॱनम्‍ब दी़न् तोङ्‌ज्‍येम फोप्‍प दी़न् खुरे तेङ् यी़गी भङ्‌ज्‍येम्‍ब दी़म्‍बु दीगी छीक्‍नी च्‍यीक् ङ च्‍याल युङ्‌न हुगी ङल डो। रङ्‌ल ङे लुक्‍टुक्‍की ॱनम ॱसम्‍ब तो़न् योङ् सीच्‍च्‍युङ्।