रोमी 7:21 - ल्होमी

²¹ हुगी ढीक्‍ल ङे ली़सीम्‍ल हीन्‍दुक् झ्‍यीबे लुस यो़प्‍प ङे ॱह घोज्‍युङ्। ङरङ्‌गी त गारङ् झ्‍यीच्‍च्‍ये ॱनो़गुक्। ॱनी हीन्‍न अक्, ङेम्‍ब दीदङ् या ढे ॱमीत् छुबेत्।

रोमी 7:21 Iomraidhean Croise

लुका 4:1

ॱनी हुदु यर्दन् चङ्‌बुदु येशुल धम्‍बे थु स्‍युन घेङ्‌न, हुनी लोक्‍न युङे यङ्‌ल धम्‍बे थुगी खोङ् पक्‍क झ्‍यङ्‌दङ्‌ल डोदु ची़प्‍प बेत्।

युहन्‍ना 8:34

ॱनी येशुगी हुबल ङे खीत्‍रङ्‌ल गन्‍दीय ॱस्‍येत् योङ्। मी ॱसी़ दीक्‍प झ्‍यीगुक्‍क हुगो दीक्‍पे ॱयोक्‍ल ॱस्‍योर्न, रङ्‌मो़ मीत् युङ्‌गेन् बेत्।

रोमी 6:12

हुगो झ्‍यीनी धेत्‍मो़ ङेम्‍बे ॱवङ्‌ल ॱस्‍योर्न ॱस्‍यी डोगेङ्‌गी ली़ हील दीक्‍पे ॱवङ् च्‍योङ्‌दु ॱमत् ची़च्‍च्‍यीत्।

रोमी 6:14

खीत्‍रङ् छ्‌यो़डीम्‍गी होक्‍ल मीप्‍प, थुज्‍यीगी होक्‍ल यो़क्‍केन् झ्‍यीनी, दीक्‍पे ॱवङ् खीत्‍रङ्‌गी थोक्‍ल मीत् डोगेन् बेत्।

रोमी 7:23

ङे ङरङ्‌गी घङ् झ्‍यीप्‍पल तेन, ङे ली़सीम् हीगो लुस ॱयोङ्‌मागी ॱवङ्‌गी होक्‍ल ॱस्‍योर्नर थोङ्‌गुक्। ॱनी ङ ॱसीम्‍बे यीक्‍ल गस्‍सी छोरे छ्‌यो़डीम् दील हीगी लुस हीगो मीत् डीक्‍प थुक्‍तु युङ्‌गुक्। हुगो झ्‍यीनी ङे खोक्‍ल यो़क्‍केन् दीक्‍पे लेमु हुगी होक्‍ल ङ ॱस्‍योर्न लेज्‍युङ्।

रोमी 7:25

हज्‍यरङ्‌गी चोव ज्‍यीन्‍दक् येशु ख्रीष्‍ट्‌की लम्‍नी छ्‌यीगेन् बेत्। को़न्‍ज्‍योक्‍ल थु छ्‌यी छ्‌यी। ङरङ्‌गी म दी ॱसीम्‍बे यीक्‍ल को़न्‍ज्‍योक्‍की छ्‌यो़डीम्‍गी कल चीन दो़क्‍केन् हीन् सीक्‍केन्। ॱनी कोलीमी ङो़गी ङे ङेम्‍बे ॱसीम् दी यङ् दीक्‍पे लेमु ङो़ल ॱस्‍योर्न ॱयोक् ज्‍युक्‍कीन् यो़क्‍केन् बेत्।

रोमी 8:2

घन्‍ड हीन् सीन्‍न छी ॱनङ्‌गेन् धम्‍बे थुगी ॱवङ्‌गी ख्रीष्‍ट् येशुगी लम्‍नी दीक्‍प धङ् ॱस्‍यीवे ॱवङ्‌गी होक्‍नी रङ् या टेन यो़क्‍केन् बेत्।

हीब्रु 2:17

ॱङीङ्‌ज्‍यी च्‍येम्‍म छ्‌यो़प्‍पो़न् चो छ्‌यीस्‍स्‍यो, को़न्‍ज्‍योक्‍की ले तेम्‍बर् झ्‍यीक्‍केन् धङ् खोङ् मीमङ्‌गी ढीक्‍ल दीक्‍पे ॱस्‍याब पु छुज्‍ये यो़प्‍पल खोङ्‌गी पी़न् हज्‍यरङ् डस्‍सीरङ् खोङ् झ्‍यीन झ्‍यो़न् गो़ ॱस्‍यर बेत्।

हीब्रु 4:15

हज्‍यरङ्‌गी छ्‌यो़प्‍पो़न् चो छ्‌यीस्‍स्‍यो खोङ्‌गी हज्‍यरङ् ॱसीम् योक्‍याबे मील ॱङीङ्‌ज्‍यी जेत् छुगेन् बेत्। घन्‍ड हीन् सीन्‍न हज्‍यरङ्‌ल झ्‍युङे छो़त्‍लीन् डस्‍सी खोङ्‌ल आक् कुरीक् झ्‍युङ बेत्। ॱनी झ्‍युङ्‌न अक्, खोङ्‌गी दीक्‍प ॱस्‍युली मत् झ्‍यीब बेत्।

२ पत्रुस् 2:19

हुबे ॱयोङ्‌ल रङ्‌मो़ युङ्‌गेन् बेत् सीन्‍न ॱस्‍यो़क्‍केन्, म दी रोरङ्‌सो ॱस्‍यीवल डोगेङ्‌गी लेमु घयेक्‍की ॱयोक्‍ल ॱस्‍योर्न यो़क्‍केन् बेत्। घन्‍ड हीन् सीन्‍न मी घन्‍डे लेमी़ ॱवङ्‌ल ॱस्‍योको़र्दङ् हुगी ॱयोक्‍ल ॱस्‍योर्केन् बेत्।