रोमी 6:5 - ल्होमी

⁵ हुन्‍दुक् झ्‍यीन हज्‍यरङ् खोङ् ॱस्‍यीनर हीम्‍बदङ् छ्‌येत्‍मीत् ॱस्‍यीन यो़त्‍न ॱनी, यङ् खोङ् डस्‍सीरङ् ॱसोम्‍बुल आक् ॱङो़न्‍ने लोङ्‌न युङ्‌गेन् बेत्।

रोमी 6:5 Iomraidhean Croise

मत्‍ती 15:13

हीगी लेल्‍ल खोङ्‌गी तेङ् यी़न स्‍युगेन् ङे यप्‍की ॱमत् चुबल कीन युङे ढङ् घयेत् चवनी पीक्‍न पुर्केन् बेत्।

युहन्‍ना 12:24

हीगी ढीक्‍ल ङे खीत्‍रङ्‌ल गन्‍दीय ॱस्‍येत् योङ्। ढे ॱसो़न् ॱसल ॱमत् तब स्‍यक्‍न, हुगो रोरङ् च्‍यीगी च्‍यीक्‍रङ् युङ्‌गेन् बेत्। ॱनी हुगो ॱसल तप्‍न, ॱसो़न् आम दी ॱस्‍यीनी क, हस्‍सो़त् तो़न्‍दोक् ॱसम्‍ब गज्‍येन् युङ्‌गेन् बेत्।

२ कोरीन्‍थी 4:10

येशु ढोङ डस्‍सी ङीत् इत् घल फीन्‍न आक्, ह त ॱसो़क्‍को़ट्‌टो ॱनो़ब छ्‌यर्न डोगो़त्। ॱनी हीगो येशु ॱसोम्‍बु यो़प्‍प हीम्‍ब कुरीक्‍की ॱह घोज्‍येल ङीत् ॱमत् ॱस्‍यीय हीगी तो़ङ्‌गो़त्।

कलस्‍सी 2:12

खीत्‍रङ् बप्‍तीस्‍ल स्‍युब हुगो खोङ्‌दङ् दल रो बेक्‍सल ॱलुक्‍न स्‍यक्‍नी, हुनी यङ् को़न्‍ज्‍योक्‍की खोङ्‌दङ् दल ॱसोम्‍बुल ॱलोङल डोगेन् बेत्। ॱनी हीगो को़न्‍ज्‍योक्‍की ॱस्‍यीक्‍की येशु ढोङ्‌नरे ॱसनेनी यङ् ॱसोम्‍बुल ॱलोङ बेत् सीरल खीत्‍रङ्‌गी छ्‌य स्‍यक्‍प दीगी झ्‍युङ्‌न युङ बेत्।

कलस्‍सी 3:1

खीत्‍रङ् ख्रीष्‍ट्‌तङ् दल को़न्‍ज्‍योक् ङो़ल ॱसोम्‍बुल ॱलोङ्‌न यो़क्‍केन् झ्‍यीनी, खीत्‍रङ्‌गी ॱसीम् दी ख्रीष्‍ट् झ्‍यीस्‍स तेङ् यी़ल तङ्‌न दो़च्‍च्‍यीत्। इगीन ख्रीष्‍ट् ॱवङ् छ्‌यीम्‍मु खुर्न को़न्‍ज्‍योक्‍की ॱये छ्‌योन स्‍युन यो़क्‍केन् बेत्।