Biblia Todo Logo
Bìoball air-loidhne

- Sanasan -




रोमी 5:11 - ल्होमी

11 ॱनी हरुङ् हीजो़त् च्‍यीक्‍की ॱमीत् छेप्‍प, हज्‍यरङ्‌दङ् को़न्‍ज्‍योक् डीक्‍च्‍या जेक्‍केन्, हज्‍यरङ्‌गी चोव ज्‍यीन्‍दक् येशु ख्रीष्‍ट्‌की कुट्‌टीङ्‌गी हज्‍यरङ् को़न्‍ज्‍योक्‍तङ् मत् ढेब यो़प्‍पल गेस झ्‍यीत् छुगेन् बेत्।

Faic an caibideil Dèan lethbhreac




रोमी 5:11
28 Iomraidhean Croise  

हुनी मरीयम्‍गी हीन्‍दुक् सीन्‍न ॱस्‍येप्‍प बेत्। ङ ॱसीम्‍बे यीक्‍नीरङ् चोव ज्‍यीन्‍दक्‍ल तो़प्‍प पुगेन्।


ॱनी मी ॱसु ॱसी़ खोङ्‌ल ॱसम्‍न छ्‌य स्‍यक्‍न युङ्‌दुक्‍क हुब घयेत् को़न्‍ज्‍योक्‍की भीजल युङ्‌ज्‍ये यो़प्‍पे ॱहक् खोङ्‌गी टेप्‍प बेत्।


हुब घयेत् खोङ्‌गी ॱलो़ तङ् तङ झ्‍यीनी, हुगी दोक् दील को़न्‍ज्‍योक्‍तङ् जम्‍बुलीङ् डीक्‍च्‍या झ्‍युङ बेत्। हुब लोक्‍न युङ्‌न ॱनी, खोङ्‌गी हुब ॱङस्‍से ॱङन्‍नेल्‍ल सोगेन् बेत्। हीगी दोक् दील ॱस्‍यीनरनी ॱसोम्‍बुल लोङदङ् छ्‌येत्‍मीत् युङ्‌गेन् बेत्।


रङ्‌गी म दी ङ यहुदी, छ्‌यो़डीम् थोबे को़न्‍ज्‍योक्‍की मीस्‍सीर् हीन् सीन्‍न ङोम्‍ज्‍येत् ॱलोङ्‌गेन् बेत्।


हुन्‍दुक् झ्‍यीन हज्‍यरङ्‌गी छ्‌य स्‍यक्‍प दीगी हज्‍यरङ् को़न्‍ज्‍योक्‍की ॱनम्‍बर् धक्‍पल तो़न्‍न चोव ज्‍यीन्‍दक् येशु ख्रीष्‍ट्‌की कुट्‌टीङ्‌गी हज्‍यरङ्‌दङ् को़न्‍ज्‍योक् जदु ची़त्‍न यो़क्‍केन् बेत्।


हज्‍यरङ् को़न्‍ज्‍योक्‍की डल यो़प्‍पे यङ्‌ल खोङ्‌गी ॱरेबु ढोङ हीम्‍ब दीगी हज्‍यरङ्‌दङ् को़न्‍ज्‍योक् डीक्‍च्‍या झ्‍युङ बेत्। ॱनी नुक् झ्‍यीन डीक्‍च्‍या झ्‍युङ्‌न यो़क्‍केन् झ्‍यीनी ॱनी, हरुङ् खोङ् ॱसोम्‍बु यो़प्‍प दीगी ॱसुम्‍ब हज्‍यरङ् ले ॱल्‍हस्‍सी थर्तु ची़त् छुगेन् बेत्।


हीगी गेस हीगो हुगी रीगो हुल छ्‌युवक् मेम्‍ब, दुक्‍प नोङे यङ्‌ल अक् झ्‍यीक्‍केन् बेत्। घन्‍ड हीन् सीन्‍न दुक्‍प नोङ्‌नी, हुगी गुर् थेक्‍पे ॱसीम् युङ्‌गेन् बेत्।


ॱनी हीन घङ् छ्‌यादु ची़प्‍प घयेत् हीगो छ्‌युवक् मेम्‍ब, को़न्‍ज्‍योक्‍की धम्‍बे थु फी़त्‍तङ् छ्‌येत्‍मीत्‍ल थोप्‍न यो़क्‍केन् हज्‍यरङ् अङ् हज्‍यरङ्‌गी ली़ हीगो को़न्‍ज्‍योक्‍की हीनी ॱली़न रङ्‌मो़ल तो़न्‍न खोङ्‌गी भीज ॱङो़न्‍ने हीम्‍ब युङ थुक्‍ल हुगो ढेम्‍बे गुक्‍कीन् घी़रीम ॱस्‍योर्कील्‍ल दो़क्‍केन् बेत्।


ॱनी हुगी छ्‌यो़त्‍तुम्‍ल पीब हरुङ् ङीक्‍की पुबु इसहाक्‍ल भु ॱङी रीबेक्‍का च्‍यानी कीब बेत्।


हज्‍यरङ्‌गी थु छ्‌यी पुन झ्‍यील्‍लप् च्‍येम्‍मे फोप्‍पनी थुङ्‌न ॱनी, ख्रीष्‍ट्‌की ठक्‍तङ् मत् ढेब युङ्‌गेन् बेत्। झ्‍यील्‍लप्‍की ढोप्‍ची हज्‍यरङ्‌गी च्‍यक्‍न सेन ॱनी, ख्रीष्‍ट्‌की कुस्‍सी़दङ् मत् ढेब युङ्‌गेन् बेत्।


हीगो छ्‌युवक् मेम्‍ब, चोव ज्‍यीन्‍दक्‍ल तो़प्‍प युङ्‌ज्‍ये यो़प्‍पल धङ् ङीक्‍की दगु झ्‍यीच्‍च्‍ये ॱनो़ब यो़प्‍पे ॱसीम् दी कुरीक्‍की ॱह घोज्‍ये यो़प्‍पे ढीक्‍ल हीगी झ्‍यम्‍बे चेन्‍ड दी च्‍यो़दु ङीत्‍तङ् दल दगुल डोज्‍येल छ्‌यो़ छो कुरीक्‍की हीगी पी़न्‍ज्‍या हीगो दम्‍न यो़क्‍केन् बेत्।


ॱनी ह हुन्‍दो खीत्‍रङ् को़न्‍ज्‍योक् ङु ॱस्‍यीगेल्‍ल ॱसोङ बेत्। ॱनी हीले ज्‍यीक्‍पा हरुङ् को़न्‍ज्‍योक्‍की खीत्‍रङ् ङु ॱस्‍यीगेन् बेत्। हीगो झ्‍यीनी ॱनी, घन्‍डल खीत् हुन्‍दुक् झ्‍यीब घो ॱमीत् छ्‌यो़त् दुक्‍च्‍यागी ॱएङ्‌गी टोलु घयेक्‍की ॱयोक्‍ल यङ् स्‍युक्‍केन्।


ॱनी धम्‍बे थु च्‍यानी युङ्‌गेङ्‌गी डेबु दी हीगो बेत्। झ्‍यम्‍ब, गव, ॱसीम् दीव, ङङ्‌रीन्, गये ले, गङ्‌ज्‍येन् झ्‍यीक्‍केन्, तेम्‍बोक्‍म,


स्‍युक् थदु ङे पी़न्‍ज्‍यासो, खीत्‍रङ् चोव ज्‍यीन्‍दक्‍तङ् मत् ढेब यो़प्‍पल गव झ्‍यीज्‍यीत्। खीत्‍रङ्‌ल धो़न् च्‍यीक्‍की ढीक्‍ल यङ्‌दङ् च्‍यङ्‌दङ् ढी गो़ झ्‍युङल ङ उ दुब मीन्‍दुक्। हीगो खीत्‍रङ् डम्‍दु युङ्‌ज्‍ये यो़प्‍पल बेत्।


घन्‍ड हीन् सीन्‍न हज्‍यरङ् धम्‍बे थुगी लम्‍नी को़न्‍ज्‍योक्‍ल धेप्‍प मो़ब झ्‍यीक्‍केन्, कोलीमी रङ्‌स्‍यीनी थो़म्‍बे लेमुल ॱलो ॱमीत् को़ब, ख्रीष्‍ट् येशुगी जेप्‍पे लेगी ङोम्‍ज्‍येत् झ्‍यीक्‍केन् दी हज्‍यरङ् बेत्। हुगो झ्‍यीनी हस्‍सो़त् दीम्‍बरङ्‌गी दक् फोक्‍पे को़न्‍ज्‍योक्‍की मी दी हज्‍यरङ् बेत्।


चोव ज्‍यीन्‍दक्‍तङ् मत् ढेब यो़प्‍पल खीत्‍रङ् ज्‍यी़न्‍दु गव झ्‍यीज्‍यीत्। हरुङ्‌द यङ् फीच्‍च्‍य सीक्‍केनो। गव झ्‍यीज्‍यीत्।


खीत्‍रङ् चोव ज्‍यीन्‍दक् ख्रीष्‍ट् येशुगी लम्‍ल युङ्‌न यो़क्‍केन् झ्‍यीनी, हुल ओ़बे छ्‌यलु झ्‍यीन खोङ्‌दङ् मत् ढेब दो़च्‍च्‍यीत्।


खीत्‍रङ्‌गी ख्रीष्‍ट् ॱमीत् थोङ्‌गो़त्‍न आक्, खीत्‍रङ्‌गी ॱसीम्‍न खोङ्‌ल झ्‍यम्‍ब यो़क्‍केन् बेत्। ॱनी हुन्‍दो ॱमीत् थोङ्‌गो़त्‍न आक्, खीत्‍रङ्‌गी खोङ्‌ल ॱलो केन दो़क्‍केन् बेत्। हुगो झ्‍यीनी खीत्‍रङ्‌गी ॱसीम्‍ल छीक्‍टल ज्‍युर्न ॱस्‍यो़त् दीरङ् ॱमीत् ॱस्‍यीगेङ्‌गी गेस छ्‌यीम्‍मु युङ्‌गेन् बेत्।


Lean sinn:

Sanasan


Sanasan