रोमी 4:25 - ल्होमी25 हज्यरङ्गी दीक्प घयेक्की ढीक्ल येशु ढोङ्ज्येल को़न्ज्योक्की तङ्न युङ्नी, ॱनी खोङ् ढोङ् गो़ ॱस्यर बेत्। हुनी यङ् हज्यरङ् ॱनम्बर् धक्पल थो़न् छुज्ये यो़प्पल को़न्ज्योक्की खोङ् यङ् ॱसोम्बुल ॱलोङ बेत्। Faic an caibideil |
रोमी 4:25
34 Iomraidhean Croise
कोलीमी घयेक्की ङीबे ॱएङ्गी दीक्प घयेक्की ढीक्ल को़न्ज्योक्की छ्येप्प ॱमत् केब, हजो़त् थुक् सो़प्प खुर्न हुबे येशुल छ्य स्यक्न खोङ्गी ठक्की डीक्च्या युङ्ज्ये यो़प्पल को़न्ज्योक्की खोङ् दीक्पे ॱस्याबल ॱरोक्ल जङ्न युङ बेत्। हीन्दुक् झ्यीन को़न्ज्योक्की ठीम् ढङ्बु तेब दी तो़न्न युङ बेत्।
कोलीमीगी ली़सीम् हीगो योक्या यो़क्केन् झ्यीनी, छ्यो़डीम्गी लम्नी घङ् डुप् ॱमत् छुब यो़प्प दी को़न्ज्योक्की खोङ् रोरङ्गी ॱरेबु दीक्पे ॱस्याबल तङ्न युङ्न डुब बेत्। खोङ् कोलीमी दीक्च्येङ्गी ली़ डस्सील युङ्न, कोलीमी ली़सीम्ल यो़प्पे दीक्पे लेल्ल फोक्केङ्गी छ्येप्प दी को़न्ज्योक्की खोङ्ल केब बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan